02-Nov-2021

ବଲାଙ୍ଗୀର (ପ୍ରେରଣା ଖବର)-  ଆଜି ବୁବେଲ, ଜାମଗାଁ ଓ ବଇରାସର ପେକ୍ସ ଅନ୍ତର୍ଗତ ବାହାଲବୁକା,ଜୁହ୍ନାପଦର, ଫଟକରା, ଛମତଲା ଆଦି ଗାଁର ପେକ୍ସ ସଭ୍ୟସଭ୍ୟାମାନେ ଋଣ ମହାଦୁର୍ନିତୀରେ ତାଙ୍କଠୁ ହଡ଼ପ ହୋଇଥିବା ଟଙ୍କାର ସବିଶେଷ ତଥ୍ୟ ମାଗିବା ପାଇଁ ଶହ ଶହ ମହିଳା ଓ ପୁରୁଷ ଚାଷୀମାନେ ସମବା  ବେଙ୍କର ସଦର ଶାଖାକୁ ଘେରାଓ କରିଥିଲେ । “କୃଷକ ସଂଘର୍ଷ ସମିତି”ର ସଭାପତି ବିଭୁଦତ୍ତ ମିଶ୍ରଙ୍କ ନେତୃତ୍ୱରେ ଚାଷୀମାନେ ପ୍ରଥମେ ଏଲ୍ ଏନ୍ ଏସ୍ କ୍ଳବ ପଡ଼ିଆ ଠାରେ ଏକତ୍ରୀତ ହୋଇ ଏକ ବିରାଟ ଶୋଭାଯାତ୍ରାରେ ସମବା  ବ୍ୟାଙ୍କର ସଦର ଶାଖାକୁ ଯାଇଥିଲେ ।
ଚାଷୀମାନେ ଲୋନ ଲେଜର ବହି ତଥା ତାଙ୍କ ଏକାଉଣ୍ଟ ଷ୍ଟେଷ୍ଟମେଣ୍ଟ ଦେଖିବା ଦାବୀରେ ଅଟଳ ରହି ବ୍ୟାଙ୍କକୁ ଘୋରାଉ କରିଥିବା ବେଳେ ବେଙ୍କର ଶାଖା ପରିଚାଳିକା ଶ୍ରୀମତୀ ନନ୍ଦ ତଥା ବେଙ୍କର ବରିଷ୍ଠ ଅଧିକାରୀ ଜ ନ୍ତ ମହାନ୍ତି ଘେରାଉ ସ୍ଥଳକୁ ଆସି ଚାଷୀଙ୍କ ସହ କଥା ହୋଇ ପ୍ରଥମେ ଅରାଜି ହେଉଥିବା

ବେଳେ ପରେ ସଂଗଠନ ଚାପରେ ବାଧ୍ୟ ହୋଇ ଚାଷୀଙ୍କ ବିଗତ ତିନି ବର୍ଷର ଷ୍ଟେଟମେଣ୍ଟ ଅପ୍ ଏକାଉଣ୍ଟ ଦେବା ପାଇଁ ସମ୍ମତି ହୋଇ ସାମୁହିକ ଭାବରେ ଦରଖାସ୍ତଗୁଡ଼ିକ ଗ୍ରହଣ କରିଥିଲେ । ଏବଂ ଆଗାମୀ ତିନି ଦିନ ଭିତରେ ସମସ୍ତ ତଥ୍ୟ ଦେବାକୁ ନିର୍ଭର ପ୍ରତିଶୃତି ହେଇଥିଲେ ।ଏହି ଆନ୍ଦୋଳନରେ ମିଳିତ କୃଷକ ସଂଗଠନର ମଧୁସୂଦନ କ୍ଷେତି, ସୂଚନାଅଧିକାର କର୍ମୀ ଶଙ୍କର ପାଣିଗ୍ରାହୀ, ସମାଜ ସେବୀ ସୁରଥ ପଟେଲ, ରୁପଧର ପଧାନ, ତହସିଲ ମାଝୀ, ଦଁ ନିଧି ରଣା,ପଁ୍‌ଚୁ ନାଗ, ବୃନ୍ଦାବତୀ ବଢ଼ିଆ,ନିର୍ମଳ ଡ଼ାଙ୍ଗ, ଗଣେଶ୍ୱର ଓ କାଳି ପ୍ରଧାନ ପ୍ରମୁଖ ଯୋଗଦେଇ ଆଗାମୀ ୭ଦିନ ଭିତରେ ଏହାର ସମାଧାନ ନ ହେଲେ ପୁଇଁତଲା ଥାନାରେ ଏତଲା ସହିତ କୃଷି ଋଣ ମହା ଦୁର୍ନିତୀରେ ସାମିଲ ଥିବା ଅଧିକାରୀମାନଙ୍କ ବିରୁଦ୍ଧରେ ଅପରାଧିକ ମାମଲା ଋଜ୍ଜୁ କରିବାକୁ ଚେତାବନୀ ଦେଇଥିଲେ ।