02-Nov-2021

ବଲାଙ୍ଗିର- ନଭେମ୍ବର ୧ କୁ ବଲାଙ୍ଗିର ଦିନ୍ ଭାବରେ ପାଳିତ ହୋଇଯାଇଛି । ଇତିହାସକୁ ସ୍ମରଣ କରିବା ପାଇଁ ସମସ୍ତ ସମାଜିକ, ସାଂସ୍କୃତିକ, ରାଜନୈତିକ, ବ୍ୟାୟସାୟିକ ସଂଗଠନ ସକାଳୁ ମାଁ ପାଟଣେଶ୍ୱରୀ ମନ୍ଦିରରେ ପୂଜାର୍ଚ୍ଚନା କରି ବଲାଙ୍ଗିର ଏକତା ସମୃଦ୍ଧି ପାଇଁ ପ୍ରାର୍ଥନା କରିଥିଲେ । ତାପରେ ସମଲେଶ୍ୱରୀ ମନ୍ଦିରରେ ମହାଆଳତୀ କରି ମଶାଲ ଶୋଭାଯାତ୍ରା କୁ ପତାକା ଦେଖାଇ ଶୁଭାରମ୍ଭ କରିଥିଲେ ମୁଖ୍ୟ ଅତିଥି ମାନ୍ୟବର ବିଧାୟକ ନରସିଂହ ମିଶ୍ର । ଆବାହକ ଜୟକୃଷ୍ଣ ମିଶ୍ର ମଶାଲ ଧରି ବିକ୍ରମ ଛକ, ପିପି ଏକାଡେମୀ ଛକ, ପାଟଣାଛକ, ସରକାରୀ ବସଷ୍ଟାଣ୍ଡ ଦେଇ ପହଞ୍ôଚଲେ କୋଶଲ କଳାମଣ୍ଡଳ ସାଥିରେ ଅଧ୍ୟକ୍ଷ ଅଙ୍କୁଶ ପାଣ୍ଡିଆ, ସଂପାଦକ ପ୍ରଶାନ୍ତ ମହାକୁର, ସହ- ଅଧ୍ୟକ୍ଷ ବିନୋଦ କାଲସାଏ, ସାଂସ୍କୃତିକ ଅଧ୍ୟକ୍ଷ ଅର୍ଜୁନ ସାହୁ, ଉପଦେଷ୍ଟା କମିଟି ସଦସ୍ୟ ବିକ୍ରମ ବହିଦାର, ରତନ ମହାରଣା, ଧର୍ମେନ୍ଦ୍ର ନନ୍ଦ, ଦିନେଶ ଶର୍ମା, ପ୍ରଭାସ ପାଣିଗ୍ରାହୀ, ମୁରଲି ପତି, କପିଳେଶ୍ୱର ଖମାରୀ, କାହ୍ନା ଶତପଥୀ, ସୋମନାଥ ମିଶ୍ର, ସଂଜିବ ସାହୁ, ଲିଲି ପଟେଲ, ନୂତନ ଦାସ, ରାମନାରାୟଣ ଦାଶ, ନବଘନ ଦାସ, ବାସୁଦେବ ସାହୁ, ଅଭିଷେକ ଦାଶ ପ୍ରମୁଖ ଅଂଶଗ୍ରହଣ କରିଥିଲେ । ମଞ୍ଚ ପୂଜା ପରେ ସାଂସ୍କୃତିକ ସଭାରେ ବଲାଙ୍ଗିର ବହୁ ମାନ୍ୟଗଣ୍ୟ ବ୍ୟକ୍ତି କମିଟି ସଦସ୍ୟ / ସଦସ୍ୟା ଯୋଗଦେଇଥିଲେ । ଅପରାହ୍ନ ରେ ବଲାଙ୍ଗିର ବିକାଶରେ ଗଣ ମାଧ୍ୟମର ଅବଦାନ ଶିର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ପ୍ରେରଣାର ସଂପାଦକ ରଘୁ ନନ୍ଦନ ସିଂହଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ କୋଶଳ ପ୍ରବାହର ସଂପାଦକ ଆନନ୍ଦ ଚନ୍ଦ ସାହୁ ସଭାପତିତ୍ୱ କରିଥିଲେ । ଆଲୋଚକ ଭାବରେ ସାମ୍ବାଦିକ ଗୋପବନ୍ଧୁ ଶତପଥି, ବିଶ୍ୱଜିତ ଦାଶ, ମୁକେଶ ବହିଦାର, ବିଭୁ କଲୟାଣ ଗଡତ୍ୟା ପ୍ରମୁଖ ଅଂଶଗ୍ରହଣ କରିଥିଲେ । ସାଧାରଣ ଜନ ଜୀବନରେ ହେଉଥିବା ସମସ୍ୟା ଓ ତାର ସମାଧାନ ବଲାଙ୍ଗିର ବିଶିଷ୍ଟ ବ୍ୟକ୍ତି ବିଶେଷ ମହିଳା ସଶକ୍ତିକରଣରେ ବଲାଙ୍ଗିର ଜିଲ୍ଲାର କିଭଳି ଖବର ପୃଷ୍ଠାରେ ମଣ୍ଡନ କରି ତାର ଉଦାହରଣ ଆଲୋଚକମାନେ ଦେଇଥିଲେ । ସଂଗୀତ ଗୁରୁ ମୁରଲୀଧର ପତି ଧନ୍ୟବାଦ ଦେଇଥିଲେ ।
 

 ଉଦ୍‌ଯାପନୀ ଉତ୍ସବରେ କୁଟେନପାଲି ଭବାନୀ ଶଙ୍କର କଳା ପରିଷଦର କଳାକାରମାନେ କରମସାନୀ ଓ ପରଭାନୃତ୍ୟ ପରିବେଷଣ କରିଥିଲେ । ପୃଥ୍ୱୀରାଜ ଉଚ୍ଚ ବିଦ୍ୟାଳୟର ଛାତ୍ର ଛାତ୍ରୀମାନେ ଗୀତ ନୃତ୍ୟ ମାଧ୍ୟମରେ ବଲାଙ୍ଗିରର କଥା କହିଥିଲେ । ଚିକଲବାହାଲର ଶତୃଘ୍ନ ବେହେରା ଓ ସାଥୀ ରାବଣ ଦରବାର ମଞ୍ଚସ୍ତ କରିଥିଲେ । ପରେ ଜିଲ୍ଲାର କଳାକାରମାନେ ଦଣ୍ଡନୃତ୍ୟ, ଢାପ, ଗୁଡକା, ରସରକେଲି, ମାଏଲାଜଡ, ବହ ନଚନିିଆ, ଡାଲଖାଇ ଆଦି ପରିବେଶଣ କରିଥିଲେ । ଉଦ୍‌ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବଲାଙ୍ଗିର ସାଂସଦ ସଂଗୀତା ସିଂଦେଓ ଏବଂ ସମ୍ମାନିତ ଅତିଥି ଭାବରେ ବଲାଙ୍ଗିର ବିଧାୟକ ନରସିଂହ ମିଶ୍ର, ଲୋଇସିଂହା ବିଧାୟକ ଡା. ମୁକେଶ ମହାଲିଙ୍ଗ, ପ୍ରଫେସର ମଧୁସୂଦନ ପତି ପ୍ରମୁଖ ଯୋଗ ଦେଇ ବଲାଙ୍ଗିର ଦିନ ପାଳନ ଏହାର ଆଗାମୀ ଭବିଷ୍ୟତ ଉଦ୍ଦେଶ୍ୟ ନେଇ ମତବ୍ୟକ୍ତ କରିଥିଲେ । ଆୟୋଜନ କମିଟିର ସଭାପତି ସ୍ୱାଗତ ଭାଷଣ ସହ ପ୍ରଭାସ ପାଣିଗ୍ରାହୀ ମଞ୍ଚ ପରିଚାଳନା କରିଥିଲେ । ବଲାଙ୍ଗିର ଦିନ ପାଳନ କରିବାର ମୁଖ୍ୟ ପୁରୋଧା ସ୍ୱର୍ଗତ ଜ୍ୟୋତି ରଂଜନ ପାଣିଗ୍ରାହୀଙ୍କୁ ମନେ ପକାଇ ଆୟୋଜନ କମିଟି ପକ୍ଷରୁ ତାଙ୍କ ସ୍ତ୍ରୀ ସଂଗୀତା ଦାସଙ୍କୁ ଜ୍ୟୋତି ରଂଜନ ସ୍ମୃତି ସମ୍ମାନ ପ୍ରଦାନ କରାଯାଇଥିଲା । ଏହି ଦିନ ଉପଲକ୍ଷେ ପିଠାମଣ୍ଡା, ଝୁଟି, ପିନ୍ଧନ, ଉଢନ ପ୍ରତିଯୋଗିତା ର କୃତି ପ୍ରତିଯୋଗୀଙ୍କୁ ପୁରସ୍କାର କରାଯାଇଥିଲା । ସଂପାଦକ ପ୍ରଶାନ୍ତ ମହାକୁର ଓ ଅର୍ଜୁନ ସାହୁ ମଞ୍ଚ ପରିଚାଳନା କରିଥିବା ବେଳେ ଆବାହକ ଜୟକୃଷ୍ଣ ମିଶ୍ର ସମସ୍ତ ଅତିଥି, ଉପସ୍‌ଥିତ ଜନତାଙ୍କୁ ସହଯୋଗ କରିଥିବା ବଦାନ୍ୟ ବ୍ୟକ୍ତି, ସାମାଜିକ, ସାଂସ୍କୃତିକ ଅନୁଷ୍ଠାନକୁ ଧନ୍ୟବାଦ ଜଣାଇଥିଲେ । ଆଗାମୀ ଦିନରେ ଏହି ଦିନର ଐତିହାସିକ ପୃଷ୍ଠଭୂମି ଉପରେ ସାରା ଜିଲ୍ଲାରେ ଲୋକଙ୍କୁ ଯୋଡି ଇତିହାସକୁ ସ୍ମରଣ କରିବା ପାଇଁ ଦେଲେ ସୂଚନା