31-Oct-2021

ବଲାଙ୍ଗିର (ସନ୍ତୋଷ କୁମାର ଠାକୁର)  ଜନସଂଖ୍ୟା ସମାଧାନ ଫାଉଣ୍ଡେସନର ବଲାଙ୍ଗିର ଶାଖାର ସଭାପତି ଭବାନୀ ଶଙ୍କର ଶତପଥୀଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ସ୍ଥାନୀୟ ଏମ୍ ଆଇ ଡାକବଙ୍ଗଳାରେ ଅନୁଷ୍ଠିତ ହୋଇଥିଲା।ଏହି ସଭାରେ ରାଜ୍ୟ ସାଧାରଣ ସମ୍ପାଦକ ଶ୍ରୀ ଗୋପାଲଜୀ ପାଣିଗ୍ରାହୀ ଯୋଗ ଦେଇ ଫାଉଣ୍ଡେସନ ଵିଷୟ ରେ ସମ୍ୟକ ଧାରଣା ଦେବା ସହ ଆସନ୍ତା ୩ ନଭେମ୍ବରରେ ହେବାକୁ ଥିବା ଦେଶବ୍ୟାପି ପ୍ରତିଜ୍ଞା ଦିବସ ବିଷୟରେ ବିସ୍ତାର ଭାବରେ ଆଲୋଚନା କରିଥିଲେ।
      ଏଠାରେ ଉଲ୍ଲେଖଯୋଗ୍ୟ ଯେ ଗତ ୭ ବର୍ଷ ଧରି ଜନସଂଖ୍ୟା ସମାଧାନ ଫାଉଣ୍ଡେସନ ଦେଶରେ କଠୋର ଜନସଂଖ୍ୟା ନିୟନ୍ତ୍ରଣ ଆଇନ ଆଣିବାକୁ ନିରାବିଛିନ୍ନ ଭାବରେ ଉଦ୍ୟମ ଜାରୀ ରଖିଛି।ଦେଶର ବର୍ଦ୍ଧିତ ଜନସଂଖ୍ୟା କେବଳ ଦେଶର ମୌଳିକ ସମସ୍ୟା ନୁହେଁ, ବର୍ଦ୍ଧିତ ଜନସଂଖ୍ୟା ଯୋଗୁଁ ସରକାରଙ୍କ ଦ୍ଵାରା ସାରା ଦେଶରେ ଲାଗୁ କରାଯାଉଥିବା ଜନହିତକକର ଯୋଜନା ମାନଙ୍କ ଲାଭ ଦେଶବାସୀ ପାଇ ପାରୁନାହାନ୍ତି।

ଏହାକୁ ଦୃଷ୍ଟିରେ ରଖି ଫାଉଣ୍ଡେସନ ଦେଶରେ କଠୋର ଜନସଂଖ୍ୟା ନିୟନ୍ତ୍ରଣ ଆଇନ ପ୍ରଣୟନ କରିବାକୁ ଦାବି କରୁଛି।ଦୁଇ ରୁ ଅଧିକ ସନ୍ତାନ ଥିବା ଦମ୍ପତ୍ତିଙ୍କୁ ସବୁ ସରକାରୀ ଯୋଜନାରୁ ବାହାର କରିବା ସହ ତାଙ୍କର ଭୋଟଦାନ ଅଧିକାରକୁ ମଧ୍ୟ ବ୍ୟାଜପ୍ତି କରିବାକୁ ଫାଉଣ୍ଡେସନ ଦାବି କରୁଛି। 
      ଆଜିର ସଭାରେ ଏହା ନିଷ୍ପତ୍ତି ନିଆଗଲା ଯେ ଆସନ୍ତା 3 ନଭେମ୍ବର  ବଲାଙ୍ଗିର ସଦର ମହକୁମାରେ ଫାଉଣ୍ଡେସନର ଜିଲ୍ଲା ସଭାପତି ଶ୍ରୀ ଭବାନୀ ଶଙ୍କର ଶତପଥୀଙ୍କ ନେତୃତ୍ୱରେ ପ୍ରତିଜ୍ଞା ଦିବସ ଅନୁଷ୍ଠିତ ହେବ।ଏତତ୍ ବ୍ୟତୀତ ବଲାଙ୍ଗିର ଜିଲ୍ଲାର ଚୁଡାପାଳି ବ୍ଲକ ରେ ଶ୍ରୀ ନରେଶ ଅଗ୍ରୱାଲଙ୍କ ନେତୃତ୍ୱରେ, ଦେଓଗାଁ ବ୍ଲକ ରେ ଶ୍ରୀ କର୍ତାର ସିଂ ଙ୍କ ନେତୃତ୍ୱରେ, ଲୋଇସିଙ୍ଗା ବ୍ଲକ ରେ ଶ୍ରୀ ଶଙ୍କର ଅଗ୍ରୱାଲଙ୍କ ନେତୃତ୍ୱରେ ଏବଂ ଆଗଲପୁର ବ୍ଲକ ରେ ଶ୍ରୀ ଚୁଡାମଣି ବାରିକ ଙ୍କ ନେତୃତ୍ୱରେ ପ୍ରତିଜ୍ଞା ଦିବସର ଆୟୋଜନ କରାଯିବ।
          ଆଜିର ସଭାକୁ ଶ୍ରୀ ମୁନା ପଟ୍ଟନାୟକ ପରିଚାଳନା କରିଥିଲେ।ଏହି ସଭାରେ ଶ୍ରୀମତୀ ସାଗରିକା ଗୁରୁ, ଶ୍ରୀମତୀ ପ୍ରମିଲାମୟୀ ମିଶ୍ର, ଅନୁରାଗି ନାହାକ,ଗିରିଶ କୁମାର ସିଂ ଦେଓ, ସମୀର ମେହେର,ଇନ୍ଦ୍ର ବରାଡ଼, ଶିବ ସାହୁ,ସୁଦାମ ଧରୁଆ, ଅଶୋକ ବାଗ, ଉମାକାନ୍ତ ମେହେର,ଲବଯୁ ମଲ୍ଲିକ, ସୀତାରାମ ପ୍ରଧାନ, ସନ୍ତୋଷ କୁମାର ପୋଢ଼ ପ୍ରମୁଖ ଯୋଗଦାନ କରି ନିଜ ନିଜର ମୂଲ୍ୟବାନ ମତାମତ ରଖିଥିଲେ।