31-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) ::-ବିଜେପୁର ସର୍କଲ ଅନ୍ତର୍ଗତ ପହଣ୍ଡି, ଅର୍ଡା, ଦେହେରୀପାଲି, କେଶେଇପାଲି, ପି.ଗଣ୍ଡପାଲି, ବାନ୍ଦୁପାଲି, ଏମ୍.ଶ୍ରୀଗିଡ଼ା, ସାନବାଉଁସେନ, ଭାଲୁପାଲି ଗାଁକୁ ନେଇ ଗଠିତ ପହଣ୍ଡି ଜୋନ୍ ରେ ଥିବା ଜାତିଭାଇଙ୍କୁ ନେଇ ମକ୍ତା ପଟେଲଙ୍କ ସଭାପତିତ୍ବରେ ପୁଖାମୁଣ୍ଡା ଶିବ ମନ୍ଦିର ଠାରେ ଏକ ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି ।
ସାମାଜିକ କର୍ମୀ ସୁଶାନ୍ତ ପଟେଲ ଆସନ୍ତା ଜାନୁୟାରୀ ମାସରେ ହେବାକୁ ଥିବା ବାର୍ଷିକ ମହୋତ୍ସବରେ ବିଭିନ୍ନ ପନିପରିବାର ପ୍ରଦର୍ଶନୀ କରିବା, ଜୈବିକ ଖତ ପାଇଁ ଗୋଟିଏ ପରିବାରରେ ଗୋଟିଏ ଗାଈ ରଖି ବିନା ମୂଲ୍ଯରେ ଜୈବିକ କୃଷି କରି ସମାଜକୁ ସୁଦୃଢ଼ କରିବା, ଉନ୍ନତ ସମାଜ ଗଠନରେ ମୁଖ୍ଯ ଭୂମିକା ଗ୍ରହଣ ନିମନ୍ତେ ଯୁବସମାଜ ଓ ନାରୀସମାଜ କୁ ଆହ୍ବାନ କରିଥିଲେ । 

ବିଶିଷ୍ଟ ସମାଜସେବୀ ଜଳନ୍ଧର ପଟେଲ, ଏଡଭୋକେଟ ଯଦୁମଣି ପଟେଲ, ରଣଜିତ ପଟେଲ, ପଞ୍ଚାନନ ଚୌଧୁରୀ ପ୍ରମୁଖ ସଭାକୁ ସମ୍ବୋଧିତ କରିଥିଲେ। 
ସର୍ବଶ୍ରୀ ଗଙ୍ଗାଧର, ସୁରେନ୍ଦ୍ର, ଧନୁର୍ଯ୍ଯ, ଟଙ୍କଧର,ନବୀନ,ରବୀନ୍ଦ୍ର, କୌଶିକ, ପଞ୍ଜାବୀ, ଜଗଦୀଶ ପଟେଲ ଙ୍କୁ ନେଇ ଜୋନାଲ କମିଟୀ ଗଠନ କରାଗଲା। ପ୍ରେମରାଜ ପଟେଲ ସଭାର ଉଦ୍ଦେଶ୍ଯ ଜ୍ଞାପନ କରିଥିବା ବେଳେ ଶ୍ରୀ ଶଚୀନ୍ଦ୍ର ପଟେଲ ଧନ୍ୟବାଦ ଅର୍ପଣ କରିଥିଲେ ।