28-Oct-2021

ସୁବର୍ଣ୍ଣପୁର,(ମନୋରଞ୍ଜନ ତ୍ରିପାଠୀ) -  ମମିତା ହତ୍ୟା କାଣ୍ଡ ଘଟଣା ନେଇ  ସାରା  ରାଜ୍ୟ ରେ  ଏବେ ବିଦ୍ରୋହ ର ସ୍ବର  ଉଠିଥିବା ବେଳେ ସୁବର୍ଣ୍ଣପୁର  ଜିଲ୍ଲା ରେ ଆନ୍ଦୋଳନକୁ ଯୋରଦାରକରିଛି ବିଜେପି । ଜୁନାଗଡ ବିଧାୟକ ତଥା ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ମନ୍ତ୍ରୀ ପଦରୁ ବହିଷ୍କାର ଓ ଗିରଫ ଏବଂ ଘଚଣାର ସି.ବି ଆଇ ତଦନ୍ତ ଦାବୀ ଓ ଅନ୍ୟ ମନ୍ତ୍ରୀ ମାନଙ୍କ ର ସଂଶ୍ଲିଟ ର ତଦନ୍ତ ଦାବୀ  ନେଇ ଆଜି ସୁବର୍ଣ୍ଣପୁର ଜିଲ୍ଲା  ବିଜେପି  ପକ୍ଷରୁ 12 ଘଣ୍ଟିଆ  ସୁବର୍ଣ୍ଣପୁର ଜିଲ୍ଲା ବନ୍ଦ ଡାକରା ଦେଇଛି ।l  ବନ୍ଦ ର ପ୍ରଭାବ ସକାଳୁ ସକାଳୁ ଦେଖିବାକୁ ମିଳିଛି ।ଫଳ ରେ ସୋନପୁର ସହର  ସମେତ ବଂ ବିଭିନ୍ନ ବ୍ଲକ ସଦର ମହକୁମା ମାନଙ୍କର   ଦୋକାନ ବଜାର ସରକାରୀ ଅଫିସ ସବୁ ବନ୍ଦ ରହିଛି । ବିଜେପି କର୍ମୀ ମାନେ ବିଭିନ୍ନ ସ୍ଥାନରେ  ପିକେଟିଂ କରି ଦୋକାନ ବଜାର ବ୍ୟବସାୟିକ ପ୍ରତିଷ୍ଠାନ ବନ୍ଦ କରି ଛନ୍ତି ।ସୋନପୁର ସହର ବ୍ଲକ ଛକ ,ବୁଢ଼ାରାଜା ଛକ  ଓ ତେଲ ବ୍ରିଜ  ଛକ   ରାସ୍ତାରେ ବିଜେପି  କର୍ମୀମାନେ ରାସ୍ତା ଅବରୋଧ କରିଥିଲେ ।ଫଳରେ ସୋନପୁର-ସମ୍ବଲପୁର, ସୋନପୁର-ବଲାଙ୍ଗୀର ଓ ସୋନପୁର-ବୌଦ୍ଧ  ରାସ୍ତାରେ  ଯାନବାହନ ଚଳାଚଳ ବନ୍ଦ ରହିଛି ।ବନ୍ଦ କୁ ଆଖି ଆଗରେ ରଖି ବ୍ୟାପକ ପୋଲିସ ମୃତୟନ କରାଯାଇଛି ।ବନ୍ଦ ଶାନ୍ତିପୂର୍ଣ୍ଣ  ଭାବରେ ଚାଲିଛି ।  ଜ଼ିଲ୍ଲା ବିଜେପି ସଭାପତି ପ୍ରମୋଦ ମହାପାତ୍ର, ବରିଷ୍ଟ ନେତା ବଳ ଦେବ ବେଦବାକ, ଙ୍କ ନେତୃତ୍ୱ ରେ ବହୁ  କର୍ମୀ ମହାନଦୀ ରାସ୍ତା ରେ  ଚକା ଜାମ କରି  ବନ୍ଦ ପାଳନ କରିଥିବା ବେଳେ  ତେଲନଦୀ ବ୍ରିଜ ଠାରେ  ଜ଼ିଲ୍ଲା ଏସ ସି ମୋର୍ଚ୍ଚା ସାଧାରଣ ସମ୍ପାଦକ ଅନନ୍ତ ନାରାୟଣ ପାଣିଗ୍ରାହୀ, ବାବୁଲୁ କୁମ୍ଭାର  ଏସ ସି ମୋର୍ଚା କାର୍ଯ୍ୟ କାରିଣୀ , ଶ୍ରୀକାନ୍ତ ପାଣିଗ୍ରାହୀ  ମୋର୍ଚ୍ଚା ସହ ସମ୍ପାଦକ,  ମୋର୍ଚ୍ଚା ସଦସ୍ୟ ନବଘନ ସାଗର ଓ ଲମ୍ବୋଧର ସୁନା  ପ୍ରମୁଖ  ସକ୍ରିୟ ସାମିଲ ହୋଇ  ରାସ୍ତା ରୋକ  କରି  ବନ୍ଦ ପାଳନ କୁ  ସଫଳ କରିଥିଲେ l