27-Oct-2021

 ପଦ୍ମପୁର, ବରଗଡ଼(ନିରଞ୍ଜନ ତ୍ରିପାଠୀ): ବରଗଡ଼ ଜିଲ୍ଲା ରେ କଲା ସଂସ୍କୃତି ଓ ପରମ୍ପରା କୁ ବଞ୍ଚାଇ ରଖିଥିବା କଳାକାର ମାନେ ସରକାରୀ ସୁବିଧାସୁଯୋଗ ଓ କଳାକାର ଭତ୍ତା ପାଇନଥିବା ରୁ ଜିଲ୍ଲାର ଅନେକ କଳାକାର ଦୁଖଃ କଷ୍ଟରେ ଜୀବନ ଅତିବାହିତ କରି କଳାକୁ ଆଜି ପର୍ଯ୍ୟନ୍ତ ବଞ୍ଚାଇ ରଖିଛନ୍ତି ।ବରଗଡ଼ ଜିଲ୍ଲାରେ ବହୁ ବୟସ୍କ କଳାକାର ଅଛନ୍ତି ଆଜି ପର୍ଯ୍ୟନ୍ତ ସରକାର ଙ୍କ କଳାକାର ଭତ୍ତା ପାଇପାରି ନାହାନ୍ତି । ଜିଲ୍ଲାର ବଜନିଆ , ଗାୟକ , ବାୟକ , ଗୀତିକାର , ପ୍ରବଚକ , ରେଡ଼ିଓ କଳାକାର , ମଞ୍ଚ କଳାକାର , ବିଭିନ୍ନ ପ୍ରକାରର ଯାତ୍ରା ରେ ବିଭିନ୍ନ ବେଶରେ କଳାକାରି ଦେଖାଉଥିବା କଲାକାର ସାଙ୍ଗକୁ ଭାଗବତ କୁ  ଗାଁ ଗାଁରେ ବଞ୍ଚାଇ ରଖିଥିବା ଶହଶହ କଳାକାର ଅଛନ୍ତି ହେଲେ ଏବେବି ଏମାନେ ଲୋକ ଙ୍କୁ ମନୋରଞ୍ଜନ ଯୋଗାଇ ଆସୁଛନ୍ତି । ଗତ ଦୁଇବର୍ଷ ଧରି ମହାମାରୀ ର ଲକଡାଉନ , ସଟଡାଉନ କାରଣ ଯୋଗୁ କଳାକାର ମାନେ ବହୁ କଷ୍ଟରେ ଜୀବନ ଅତିବାହିତ କରୁଛନ୍ତି ହେଲେ କଳାକାର ଭତ୍ତା ରୁ ବଞ୍ଚିତ ଥିବା କଳାକାର ମାନଙ୍କ କଥା ସରକାର ଚିନ୍ତା କରିନଥିବା ରୁ ଶହଶହ କଳାକାର ଜୀବନ ଜିବିକା ହରାଇବାରେ ଲାଗିଛନ୍ତି । କଳା ପ୍ରଦର୍ଶନ କରୁଥିବା କର୍ମା କଳାକାର ବାହାକ , ଗାହାକ ଭାବରେ କର୍ମା ପ୍ରଦର୍ଶନ କରୁଥିବା ବେଳେ କରୋନା ଯୋଗୁଁ ଲୋକଙ୍କ ପୂଜାପର୍ବ ପୂଜାମଣ୍ଡପ ଗୁଡ଼ିକ ସଂପୂର୍ଣ୍ଣ ବନ୍ଦ ହୋଇଯାଇଥିବା କାରଣରୁ ବହୁ କଳାକାର ପେଟପାଟଣା ପାଇଁ କଲବଲ ହେଉଛନ୍ତି ।ଗୋଟିଏ ସ୍ଥାନରେ କର୍ମା କିମ୍ବା ଗାହାକ ବାହାକ କଲେ ତିନି ଚାରିଜଣ କଳାକାର ଏକାଠି ପ୍ରାୟ ୧୦ ଘଣ୍ଟା ଧରି କଲା ପ୍ରଦର୍ଶନ କରନ୍ତି ଏମାନଙ୍କ ପାରିଶ୍ରମିକ ହେଉଛି ଚାରି ରୁ ପାଞ୍ଚ ହଜାର ଟଙ୍କା ଓ ଦୁଇଦିନ ସମୟ ଲାଗେ ଏମାନେ ଯିବା ଆସିବା ସମୟରେ ଖର୍ଚ୍ଚ ,  ଖାଇବାଖର୍ଚ୍ଚ ଓ ବାଦ୍ୟ ଯନ୍ତ୍ର ମାନ୍ଦଲ୍ ମରାମତି ସମସ୍ତ ଖର୍ଚ୍ଚ କୁ ଯୋଡ଼ି ଦେଲେ ଆୟ ତୁଳନାରେ ବ୍ଯୟ ବଢିଯାଇଥାଏ କଳାକାର କଳା ପ୍ରଦର୍ଶନ କରି ଘରକୁ ଫେରିଲେ ହାତରେ ଅର୍ଥ ଶୂନ ଏପଟେ ପରିବାର ଲୋକ ଆୟ

ହୋଇଥିବା ଟଙ୍କା କୁ ଅପେକ୍ଷା କରିଥିବେ ଏପଟେ ଆୟ ତୁଳନାରେ ବ୍ଯୟ ଯୋଗୁଁ ହାତରେ ଟଙ୍କା ନାହିଁ ଏହାକୁ ନେଇ ପରିବାର ରେ ଅଶାନ୍ତି ଦେଖାଦେଇଥାଏ l ତଥାପି ମଧ୍ୟ କଳାକାର କଥାର ସମାନ୍ତରାଳ ପରିସ୍ଥିତି ରେ ସମାଧାନ କରି ପୁଣିଥରେ କଳା ପ୍ରଦର୍ଶନ ପାଇଁ ଅର୍ଡ଼ର ରଖିଥାଏ ।ମୋଟାମୋଟି ଭାବରେ ଲାଭ ନ ଥିଲେବି କଳାକାର ତାର ନିଶା ଛାଡିନଥାଏ ଏପରିକି କେଉଁଠି କେଉଁଠି କେବଳ ଗାଡିଖର୍ଚ୍ଚ ଓ ଖାଇବା ଖର୍ଚ୍ଚ ପାଇଗଲେ କଳାକାର ତାର ନିଖୁଣ ଯାଦୁ ପ୍ରଦର୍ଶନ କରିଥାଏ lଏଭଳି ଅବସ୍ଥାରେ ଚଲୁଛନ୍ତି ଅଧିକାଂଶ କଳାକାର । ଏମାନଙ୍କ ପାଇଁ ସରକାର ଯଥାଶୀଘ୍ର କଳାକାର ଭତ୍ତା ର ସୁବିଧା କରନ୍ତୁ ବୋଲି ଆମବାହାଲ ଗାଁ ରେ କଳାକାର ମାନେ ଏକତ୍ରିତ ହୋଇ ଜିଲ୍ଲା ଅଧିକାରୀ ଙ୍କ ଠାରେ ଦାବି କରିଛନ୍ତି । ବରଗଡ ଜିଲ୍ଲା ପଦ୍ମପୁର, ଦହିତା , ଆମ୍ବବାହାଲ , ଡ଼ଙ୍ଗାଛଁଚା , ରାଏବାହାଦୂରପୁର , ପ୍ରଭୃତି ଗାଁ ର ଜଗନ୍ନାଥ ବାରିକ ଙ୍କ ନେତୃତ୍ବରେ କଳାକାର ଙ୍କ କଳା ପ୍ରଦର୍ଶନ ସହ ସାମୁହିକ ବୈଠକ ଅନୁଷ୍ଠିତ ହୋଇଥିଲା ଏଥିରେ ବରିଷ୍ଠ କଳାକାର ତଥା ସଞ୍ଚାର ଗୁରୁ ଅଧିକାରୀ ବାଗ , ମୁକ୍ତିଶ୍ବର ବିଶ୍ବାଲ , ମିନକେତନ ବାଗ , ସଦାନନ୍ଦ ଭୋଇ , ବଳ ନନ୍ଦ, ଲେକୁରୁ ନେଗୀ , ପରିକ୍ଷିତ ସାହୁ,ବିରାଟ ପାଣ୍ଡେ ,ଗୁରୁ ପାଣ୍ଡେ , ବଲ୍ଲଭ ସାହୁ, ଲୋକନାଥ ବରିହା, ସତ୍ଯନାରାୟଣ ବଗର୍ତ୍ତି , ପୂଜକ କପିନ ବାଗ, ବିଦ୍ଯାଧର ବୁଡେକ ,ଭରତ ରଣା ଯୋଗଦାନ ଦେଇ ବୈଠକ ରେ କଳାକାର ଙ୍କ ସମସ୍ୟା , କଳାକାର ମାନଙ୍କ  ଭତ୍ତା ପ୍ରଦାନ ଉପରେ ବିଶଦ ଆଲୋଚନା ହୋଇଥିଲା । ବହୁ ବରିଷ୍ଠ କଳାକାର ମାନେ ବାରମ୍ବାର ଆବେଦନ କରୁଥିଲେ ମଧ୍ୟ ବରିଷ୍ଠ କଳାକାର ମାନେ ବଞ୍ଚିତ ରହୁଥିବାରୁ ଏମାନଙ୍କ ପ୍ରତି ପାତରଅନ୍ତର କରାଯାଉଥିବାରୁ ବୈଠକ ରେ ଅସନ୍ତୋଷ ସ୍ପଷ୍ଟ ବାରିହୋଇଥିଲା ।ଆସନ୍ତା ଦିନରେ ବରଗଡ଼ ଜିଲ୍ଲା ରେ ଏକ ବଡ଼ ଧରଣର ଗାୟକ , ବାୟକ ସମ୍ମିଳନୀ ଅନୁଷ୍ଠିତ ହେବାପାଇଁ ଆଲୋଚନା ହୋଇଛି ।