27-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) :-ବରଗଡ଼ ଜିଲ୍ଲା ପଦ୍ମପୁର ସ୍ଥିତ ଟାଉନ ହଲ ଠାରେ ବୁଧବାର ଦିନ ଋଣ ସଂଯୋଗୀକରଣ ଓ ସମନ୍ବୟ ମେଳା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି lଓଡିଶା ଜୀବିକା ମିଶନ ଏବଂ ଲିଡ ବ୍ୟାଙ୍କ ପକ୍ଷରୁ ମିଳିତ ଉଦ୍ୟମରେ ଆୟୋଜିତ ଏହି ଋଣମେଳାରେ ମୁଖ୍ୟଅତିଥି ଭାବେ ଜିଲ୍ଲା ଜୀବିକା ମିଶନ ପ୍ରକଳ୍ପ ସଂଯୋଜକ ଶ୍ରୀମାନ ଶଙ୍କର ଚଲାନ l

ଉପସ୍ଥିତ ହୋଇ କାର୍ଯ୍ୟକ୍ରମ ର ଶୁଭ ଉଦଘାଟନ କରିଥିଲେ lସମ୍ମାନୀତ ଅତିଥି ଭାବରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମାନ ସୋନୁ ବାଗ,ସି.ଡି.ପି.ଓ ସୁନୀତି ଦେବତା,ଏଫ୍.ଆଇ.ସି କିଶୋର ଚନ୍ଦ୍ର ପଣ୍ଡା ଅଂଶ ଗ୍ରହଣ କରିଥିଲେ lବି.ପି.ଏମ ଶ୍ରୀମାନ ସତ୍ୟ କୁମ୍ଭାର ଙ୍କ ଦ୍ଵାରା ଅତିଥି ପରିଚୟ ପ୍ରଦାନ ଓ କାର୍ଯ୍ୟକ୍ରମ ର ଉଦ୍ଦେଶ୍ୟ ଜ୍ଞାପନ ପରେ ଲିଡ ବ୍ୟାଙ୍କ ଏସ.ବି.ଆଇ ର ଅଧିକାରୀ ସୀତାରାମ ମେହେର ବିଭିନ୍ନ ସରକାରୀ ଯୋଜନା ଜରିଆରେ ଥିବା ବ୍ୟାଙ୍କ ଋଣ ଓ ରିହାତି ବ୍ୟବସ୍ଥା ଉପରେ ପ୍ରାଞ୍ଜଳ ଭାବରେ ବୁଝାଇଥିଲେ lଉପସ୍ଥିତ ଅତିଥି ମାନେ ନିଜ ବକ୍ତବ୍ୟ ମାଧ୍ୟମରେ ସରକାରୀ ଯୋଜନା ର ଫାଇଦା ହାସଲ କରିବା ସହ ଚୀର ସ୍ଥାୟୀ ଜୀବିକା ଉପରେ ଗୁରୁତ୍ବ ଦେଇଥିଲେ lଋଣ ସଂଯୋଗୀକରଣ ଓ ସମନ୍ବୟ କାର୍ଯ୍ୟକ୍ରମରେ ପଦ୍ମପୁର ବ୍ଳକ ର ୧୪ ଗୋଟି

ବ୍ୟାଙ୍କ ରୁ ଶାଖା ପ୍ରବନ୍ଧକ ମାନେ ଯୋଗଦାନ କରିଥିବାବେଳେ ୧୩ ଟି ବ୍ୟାଙ୍କ ଦ୍ୱାରା ୨୦୨ ଗୋଟି ସ୍ୱୟଂ ସହାୟକ ଗୋଷ୍ଠୀ କୁ ୩ କୋଟି ୮୪ଲକ୍ଷ ଟଙ୍କା ର ଋଣ ମଞ୍ଜୁରୀ ପତ୍ର ବଣ୍ଟନ କରାଯାଇଥିଲା lକାର୍ଯ୍ୟକ୍ରମ ପରିଚାଳନା ରେ ଯୋଗେଶ୍ୱରୀ ଧରୁଆ,ଦୀପକ ସାହୁ,ଦେବ ମହାନନ୍ଦ, ବ୍ୟାଙ୍କ ମିତ୍ର,ସି.ଆର.ପି ଓ ଏମ୍.ବି.କେ ମାନେ ସମ୍ପୁର୍ଣ୍ଣ ଭାବେ ସହଯୋଗ କରିଥିଲେ lଶେଷରେ ନିତ୍ୟାନନ୍ଦ ପ୍ରଧାନ ଧନ୍ୟବାଦ ଅର୍ପଣ କରିଥିଲେ