23-Oct-2021

ବୀରମହାରାଜପୁର,  ( ବିନୋଦ ପାଣ୍ଡେ  ) : କଲାହାଣ୍ଡି ଜିଲ୍ଲା ମହାଲିଙ୍ଗ ସନସାଇନ ପବ୍ଲିକ ସ୍କୁଲର ଅଧ୍ୟକ୍ଷା ସମିତା ମେହର ଙ୍କ ସେହି ବିଦ୍ୟାଳୟର ସଭାପତି ଗୋବିନ୍ଦ ସାହୁ ଦ୍ବାରା ଅପହରଣ ଓ ହତ୍ଯା ମାମଲାରେ ସମସ୍ତ ଅଭିଯୁକ୍ତଙ୍କୁ ଗିରଫ ଓ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଙ୍କର ତୁରନ୍ତ ମନ୍ତ୍ରୀ ମଣ୍ଡଳରୁ ବହିଷ୍କାର ଓ ଗିରଫ ଦାବି କରି ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଜେପି ଯୁବମୋର୍ଚ୍ଚା ପକ୍ଷରୁ ମୁଖ୍ୟ ଛକ ଠାରେ କେଣ୍ଡେଲ  ହ ଶୋଭାଯାତ୍ରା ଓ ପଥପ୍ରାନ୍ତ ସଭା  ଅନୁଷ୍ଠିତ ହୋଇଥିଲା । ଜିଲ୍ଲା ଯୁବ ବିଜେପି  ସଭାପତି ସନ୍ତୋଷ କୁମାର ଭୋଇ ଙ୍କ ନେତୃତ୍ଵରେ ଅନ୍ନପୂର୍ଣ୍ଣା ରେସିଡ଼େନସି ରୁ ଶତାଧିକ କର୍ମୀ ମାନେ କେଣ୍ଡେଲ ଶୋଭାଯାତ୍ରା ବାହାରି ଥିଲେ । ଜିଲ୍ଲା ସାଧାରଣ ସମ୍ପାଦକ ବେଣୁଧର ଦାସ, ରଘୁବୀର ପାଣିଗ୍ରାହୀ, ଜିଲ୍ଲା ଉପସଭାନେତ୍ରୀ ନଲନୀ ପଣ୍ଡା, ରାଜ୍ୟ କୃଷକ ମୋର୍ଚ୍ଚା କାର୍ଯ୍ଯକାରିଣୀ ସଦସ୍ଯ କିଶୋର ହୋତା,  ଭଗବାନ ବାଘ, ଗୌର ଜଗଧଳା, ଆଶ୍ରୟ ମହାନନ୍ଦ, ବାଗବର  ସରପଞ୍ଚ ବ୍ୟୋମକେଶ ପଣ୍ଡା, ମଣ୍ଡଳ ସଭାପତି ହରିହର ପାତ୍ର ପ୍ରମୁଖ ସହ ଅନେକ କର୍ମୀ ସାମିଲ ଥିଲେ । ସେହିପରି ବୀରମହାରାଜପୁର କଲେଜ ର ଏବିଭିପି ଶାଖା ପକ୍ଷରୁ ମଧ୍ଯ ସହରରେ ଶୋଭାଯାତ୍ରା ସହ ବିକ୍ଷୋଭ ପ୍ରଦର୍ଶନ କରିଥିଲେ ।