23-Oct-2021

ଲୋଇସିଂହା, (ବିନୋଦ କୁମାର ଦୀପ ) ଲୋଇସିଂହା ବ୍ଲକ ଛକ ଠାରେ ମହା ସମାରୋହରେ ପାଳିତ ହୋଇଯାଇଛି ଗଜଲକ୍ଷ୍ମୀ ପୂଜା l ଗତ ୧୯ ତାରିଖ ମଙ୍ଗଲବର ଦିନଠାରୁ ଚଳିତ ବର୍ଷ ୨୯ତମ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଯାଇଛି l ପଣ୍ଡିତ ଶ୍ରୀୟାକାନ୍ତ ଦାଶ ଓ ଶ୍ରୀ ପ୍ରଫୁଲ୍ଲ ମିଶ୍ର ପୂଜକ କାର୍ଯ୍ୟ ତୁଳାଉଥିବା ବେଳେ ଶ୍ରୀ ବୀରେନ୍ଦ୍ର ପଧାନ ଓ ପତ୍ନୀ ମିନତୀ ପଧାନ କର୍ତ୍ତା ଦାୟିତ୍ୱ ତୁଳାଇଛନ୍ତି l ପ୍ରତେକ ଦିନ ଦିନବେଳା ଅନ୍ନଭୋଗ ଲାଗିହୋଇ ଶହ ଶହ ଭକ୍ତଙ୍କୁ ଅର୍ଣ୍ଣ ପ୍ରସାଦ ବଣ୍ଟନ କରାଯାଉଛି l ପ୍ରତେକ ଦିନ ମାଙ୍କ ସାନ୍ଧ୍ୟl ଆଳତିରେ ଶହ ଶହ  ଶ୍ରଦ୍ଧାଳୁ ଯୋଗଦେଇ ମା ଙ୍କ କୄପିଲାଭ କରିବା ସହିତ ସଙ୍ଖୁଡି ପ୍ରସାଦ ଗ୍ରହଣ କରିବାର ଦୃଶ୍ୟ ପୂଜାର ଜାକଜମକକୁ

ଦ୍ବି ଗୁଣିତ କରିଛି l ଚଳିତ ବର୍ଷ କରୋନା ମହାମାରୀକୁ ଦୃଷ୍ଟିରେ ରଖି ସରକାରଙ୍କ କୋଭିଡ ଗାଇଡ଼ଲାଇନ ଅନୁଯାୟୀ ପୂଜା ପାଳନ କରାଯାଇଛି ଓ ସଂସ୍କୃତିକ କାର୍ଯ୍ୟକ୍ରମକୁ ବାତିଲ କରାଯାଇଛି l ରବିବାର ସକାଳ ଛଅ ଟାରେ  ସାମୁହିକ ହୋମ ସହିତ ଦିନ 11ଟାରେ ଭସାଣି କାର୍ଯ୍ୟକ୍ରମ ରହିଥିବା ଅନୁଷ୍ଠାନର ସମ୍ପାଦକ ରାଜକିଶୋର ମିଶ୍ର ସୂଚନା ଦେଇଛନ୍ତି l ପ୍ରିତିରଞ୍ଜନ ସାହୁ, ସରୋଜ ବିଶ୍ୱାଳ, କୁନା ବାରିକ, ଶରତ ପଧାନ, ମନୋଜ ବିଶି, ଶରତ ମିଶ୍ର, କାଁହୁଚରଣ ପଧାନ ସମେତ ଅନୁଷ୍ଠାନର ସମସ୍ତ କର୍ମକର୍ତା ନୀତିନିୟମ ଅନୁଯାୟୀ ଅବିଶ ଗ୍ରହଣ କରି ସହଯୋଗ କରୁଛନ୍ତି l