19-Oct-2021

  ପୁରୀ (ପ୍ରେରଣା ଖବର ବ୍ୟୁରୋ): ଆଜି ସମୟ ୨:୩୦ ଘଣ୍ଟା ସମୟରେ ପୁରୀ ହୋଟେଲରେ ସମ୍ମୁଖ ଗୋଲଡେନ ବିଚ ବେଳାଭୂମି 
 ସମୁଦ୍ରରେ  ଗାଧୋଇବା ସମୟରେ ପଶ୍ଚିମବଙ୍ଗରୁ ଆସିଥିବା  ମାଧ୍ୟବ ଚକ୍ରବର୍ତ୍ତୀ ଓ ତାଙ୍କ ସ୍ତ୍ରୀ ସୁନିତା ଚକ୍ରବର୍ତ୍ତୀ  ସମୁଦ୍ର  ଢେଉରେ ଭାସି ଗଲେ  । ଲୋକମାନେ ପାଟିତୁଣ୍ଡ କରିବକୁ ଲାଗିଲେ । ସେହି ସମୟରେ ପାଖରେ କୋୖଣସି ସେଫଗାର୍ଡ ନଥିଲେ । ଅନ୍ୟ କୋୖଣସି କଥାକୁ ଭୃକ୍ଷେପ ନକରି  ଉପସ୍ଥିତ ଥିବା ତଥା ପଂହାର ଜାଣିଥିବା ବଲାଙ୍ଗୀର ଜିଲ୍ଲାର ଡେଙ୍ଗ ହାଇସ୍କୁଲର କାର୍ଯ୍ୟରତ ଶିକ୍ଷକ ତଥା ରେଡ଼କ୍ରସ କର୍ମୀ ରାମ ନାରାୟଣ ଦାଶ ସମୁଦ୍ରରୁ ଭିତରକୁଯାଇ ଉଭୟଙ୍କୁ କୂଳକୁ ଆଣିଲେ । ଉଭୟଙ୍କ ଚେତା ନଥିଲା । ପରେ ବଲାଙ୍ଗୀର ଜିଲ୍ଲାର ଅଙ୍କରିଆପଦର ହାଇସ୍କୁଲର  ଜୁନିୟର ରେଡ଼କ୍ରସକ କାଉନସେଲର ତଥା ଫାଷ୍ଟଏଡ଼ର ରଶ୍ମିରାଣୀ ଦାଶଙ୍କ  ସହଯୋଗରେ କ୍ରାଉଡ଼ ମେନେଜମେଂଟ କରିବା ସହ 

ଫାଷ୍ଟଏଡ଼ ଦେଲାପରେ ଉଭୟ ଚେତା ଆସିଲା ।  ରେଡ଼କ୍ରସ କର୍ମୀଙ୍କ ତକ୍ଷଣାତ ସମୁଦ୍ରରୁ ଭିତରକୁ ଯାଇ ନିଜ ଜୀବନକୁ ବାଜି ଲଗାଇ , ଅନ୍ୟର ଜୀବନ ବଞ୍ଚାଇଥିବା  କାର୍ଯ୍ୟକୁ  ଦୁର୍ଘଟଣାରେ ବ୍ୟକ୍ତିଙ୍କ ଆତ୍ମୀୟଜନ, ଫୋଟୋଗ୍ରାଫର ବପୁଜୀ ରାଓ, କେ. ବାବୁ, ୟୁ ଚନ୍ଦ୍ର ରାଓ , ପରେ ଆସି ଥିବା ସେଫଗାର୍ଡ ବନ୍ଧୁଗଣ  ତଥା ଉପସ୍ଥିତ ଜନସାଧାରଣ ପ୍ରଶଂସା କରିଥିଲେ ।

ସୂଚନାଯୋଗ୍ୟ ଯେ, ରେଡକ୍ରସ ସାଧାନ କର୍ମୀ ତଥା ଶିକ୍ଷକ ଅନେକ ସାମାଜିକ କାମ କରି ବଲାଙ୍ଗିର ଜିଲ୍ଲାରେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି l କରୋନା ସଙ୍କଟ ସମୟରେ ଅସହାୟ ଲୋକଙ୍କୁ ସହଯୋଗର ହତ ବଢାଇବା ସହ ବଲାଙ୍ଗିର ଓ ସୋନପୁର ଜିଲ୍ଲାର ବିଭିନ୍ନ ସାମାଜିକ ଅନୁଷ୍ଠାନ ସହ ଶ୍ରୀ ଦାସଙ୍କ ସମ୍ପୃକ୍ତି ରହିଛି l