19-Oct-2021

ଟିଟିଲାଗଡ଼ ପୁଲିସ ବାରାକରେ ଅଟକ ସ୍କୁଲ ମାଲିକ ଗୋବିନ୍ଦ ସାହୁ ଚମ୍ପଟ, ଚାଲିଛି ଯୋରଦାର ତଲାସୀ,କର୍ତ୍ତବ୍ୟ ଅଵହେଲା ଯୋଗୁଁ ତିନି ଜଣ ପୋଲିସ କୁ ସସପେଣ୍ଡ

ସନସାଇନ ପବ୍ଲିକ୍‌ ସ୍କୁଲ ଶିକ୍ଷୟିତ୍ରୀ ମମିତା ମେହେର ନିଖୋଜ ଘଟଣାରେ ଟିଟିଲାଗଡ଼ ବାରାକରେ ଅଟକ ଥିବା ମାଲିକ ଗୋବିନ୍ଦ ସାହୁ ଫେରାର ହୋଇଯାଇଛି । ସେ ପୁଲିସ ହେପାଜତରୁ ଫେରାର ମାରିବା ପରେ ଅଭିଯୁକ୍ତକୁ ଧରିବା ପାଇଁ ପୋଲିସର ବିଭିନ୍ନ ସ୍ଥାନରେ ନାକାବନ୍ଦି କରିଛି । ଟିଟିଲାଗଡ଼ର ବିଭିନ୍ନ ସ୍ଥାନରେ ଚଢ଼ାଉ କରାଯାଇଛି । ବଲାଙ୍ଗିର, ସୋନପୁର, ବୌଦ୍ଧ, କଳାହାଣ୍ଡି ଏବଂ ଛତିଶଗଡ଼ ସୀମା ସିଲ କରାଯାଇଛି । ଗତ ରାତି ତମାମ ପୁଲିସର ପ୍ରାୟ ୧୦ରୁ ଉର୍ଦ୍ଧ୍ବ ଟିମ ଜିଲ୍ଲା ତଥା ଜିଲ୍ଲା ବାହାରକୁ ଯାଇ ଖୋଜୁଥିବା ଜଣାପଡିଛି ।
ଏସମ୍ପର୍କରେ ଏସପି ନିତିନ କୁଶଲକରଙ୍କୁ ପଚାରିବାରୁ ସେ କୌଣସି ପ୍ରତିକ୍ରିୟା ରଖୁନାହାନ୍ତି । ବିଶେଷ କରି ମହଲିଙ୍ଗ ଏବଂ ଭବାନୀପାଟଣାରେ ପୁଲିସର ସର୍ଚ୍ଚ ଅପରେସନ ଯୋରଦାର ଚାଲିଥିବା ବିଶ୍ୱସ୍ତ ସୂତ୍ରରୁ ପ୍ରକାଶ । ପ୍ରକାଶ ଯେ, ମମିତା ମେହେରଙ୍କ ପରିବାର ପକ୍ଷରୁ ଲିଖିତ ଅଭିଯୋଗ ପାଇବା ପରେ ଗତ ୧୨ ତାରିଖରୁ ବଲାଙ୍ଗିର ପୁଲିସ କଳାହାଣ୍ଡିର ମହାଲିଙ୍ଗ ଯାଇ ମାଲିକ ଶ୍ରୀ ସାହୁ ଏବଂ ତାଙ୍କ କାରକୁ ବଲାଙ୍ଗିର ନେଇ ଆସିଥିଲା । ସେପଟେ ମମିତାଙ୍କ ଲାପଟପ ଜବତ କରି ତଦନ୍ତ ଚଳାଇଥିଲା । ପୁଣି ଏହି ଘଟଣାକୁ ନେଇ ଉଭୟ ବଲାଙ୍ଗିର ଏବଂ କଳାହାଣ୍ଡିରେ ରାଜନୀତି ସରଗରମ ହୋଇଛି । ହେଲେ ଏପର୍ଯ୍ୟନ୍ତ ନିଖୋଜ ମମିତାଙ୍କ କୌଣସି ଖୋଜ ଖବର ମିଳିନାହିଁ । ଏଭଳି ସମୟରେ ଗୋବିନ୍ଦ ସାହୁ ଫେରାର ହୋଇଯିବା ଘଟଣାକୁ ଆହୁରି ବିବାଦୀୟ କରି ପକାଇଛି ।ଵର୍ତମାନ
ବଲାଙ୍ଗିର ମହାଲିଙ୍ଗ ସନ୍‌ସାଇନ୍‌ ପବ୍ଲିକ୍‌ ସ୍କୁଲ ଅଧ୍ୟକ୍ଷା ନିଖୋଜ ଘଟଣା। କର୍ତ୍ତବ୍ୟରେ ଅବହେଳା ଯୋଗୁଁ 3ପୁଲିସ୍ କର୍ମଚାରୀଙ୍କୁ ସସ୍ ପେଣ୍ଡ କରାଯାଇଛି