18-Oct-2021

ସୋନପୁର(ମନୋରଞ୍ଜନ ତ୍ରିପାଠୀ) - ଆଜି ଗୌରୀଙ୍କ ନିମନ୍ତ୍ରଣ ରୁ ଆରମ୍ଭ ହେଲା ସୋନପୁର ର ପ୍ରସିଦ୍ଧ ହରଗୌରୀ ଯାତ୍ରା। ପ୍ରତିବର୍ଷେ ଅନ୍ତରରେ ସୋନପୁର ଢେରାପଡା ରେ ରହୁଥିବା ତେଲୁଗୁ ସଂପ୍ରଦାୟ (ଢେରା)ଙ୍କ ଦ୍ୱ।ରା ଆୟୋଜିତ ହୋଇଥାଏ ଏହି ହରଗୌରୀ ଙ୍କ ପୂଜନୋତ୍ସବ। ଏହାକୁ ତେଲୁଗୁ ଭାଷାରେ ଗୌରାମ୍ମା ସାମ୍ରାଲୁ ବୋଲି ମଧ୍ୟ କୁହାଯାଏ। କାହିଁ ଆବାହମାନ କାଳରୁ ସୋନପୁର ଠାରେ ଏହି ସଂପ୍ରଦାୟର ଲୋକଙ୍କ ଦ୍ୱାରା ଏହିଯାତ୍ରା ଆୟୋଜନ ହେଉଥିଲେହେଁ ସହରର ସମସ୍ତ ଲୋକଙ୍କ ସହଭାଗିତା ଯୋଗୁଁ ଏଇଯାତ୍ରାର ଏକ ସ୍ୱତନ୍ତ୍ର ପରିଚୟ ରହିଛି ସମଗ୍ର ଓଡ଼ିଶାରେ। ପ୍ରଥମେ ସୁବର୍ଣ୍ଣ ପୁର ର ଇଷ୍ଟ ଦେବ ସୁବର୍ଣ୍ଣ ମେରୁଶଙ୍କ ନିଜସ୍ୱ ଜମିରୁ ଧିନଗଛକୁ ଗୌରୀ ଙ୍କ ରୂପରେ ପୂଜାର୍ଚ୍ଚନା କରି ଆଣିବାପରେ ଦିନକ ପରେ ସୋନପୁର ର ବିଶିଷ୍ଟ ମୂର୍ତ୍ତିକାର ସ୍ୱର୍ଗତ ଗୋଲେଖ ସାହୁଙ୍କ ବାସଭବନରୁ ଦେବାଧିଦେବ ଶିବଙ୍କୁ ଆବାହନ କରି ଅଣାଯାଇ ଢେରାପଡା ସ୍ଥିତ ବୁଢିମା ମନ୍ଦିର ପରିସରରେ ରଖି ଦୀର୍ଘ ନଅ ଦିନଧରି ଷୋଡ଼ଶ ଉପଚାର ରେ ପୂଜାର୍ଚ୍ଚନା ସହ ପ୍ରତ୍ୟହ ରୁଦ୍ରାଭିଷେକ ଓ ମହାପୂଜା ଓ ଆକର୍ଷଣୀୟ କୁଙ୍କୁମ ପୂଜା ଅନୁଷ୍ଠିତ ହୋଇଥାଏ। ଏହିସମୟରେ ସଂପୂର୍ଣ୍ଣ ସହର ଉତ୍ସବ ମୁଖରିତ ଜଣାପଡିଥାଏ ହେଲେ ଏବର୍ଷ କୋଭିଡ଼ କଟକଣା କୁ ଅନୁପାଳନ ପୂର୍ବକ ଏହିଯାତ୍ରା କେବଳ ନୀତିକାନ୍ତିରେ ସୀମିତ ରଖିବାପାଇଁ ଯାତ୍ରା ପରିଚାଳନା କମିଟି ରେ ନିଷ୍ପତ୍ତି ନିଆଯାଇଛି ବୋଲି ଯାତ୍ରା କମିଟି ର ସଭାପତି ଦିଲ୍ଲୀପ ପାତ୍ର ଙ୍କ ସୁତ୍ରରୁ ପ୍ରକାଶ।