16-Oct-2021

ଟିଟିଲାଗଡ଼ (ସନ୍ତୋଷ କୁମାର ନାଏକ) ପ୍ରତିବର୍ଷ ପରି ଚଳିତ ବର୍ଷ ଭକ୍ତି ଓ ଚଳିତ ପରମ୍ପରା ଆଗରେ ହାର ମାନିଲା ପ୍ରଶାସନ । ପୁଣି ବଲାଙ୍ଗୀର ଜିଲ୍ଲାର ଦେବୀ ଘଣ୍ଟାଶୁଣି ଙ୍କ ମନ୍ଦିର ହେଲା ରକ୍ତରଞ୍ଜିତ । ଜିବେଦୟା ଅନୁଷ୍ଠାନ ତରଫରୁ ବଳିପ୍ରଥା ବନ୍ଦ ପାଇଁ ପ୍ରଚାର,ପ୍ରସାର ସତ୍ୱେ ପୂର୍ବେ ଦେବୀ ଘଣ୍ଟାଶୁଣି ଙ୍କ ବରୁଆ ବା ଦେବୀ ରୂପେ ମନ୍ଦିର ରୁ ଟିଟିଲାଗଡ଼ ଥାନା କୁ ଯାଇ ସେଠି ଛେଳି ବଳି ଦେଇ ଥାନା ଅଧିକାରୀ ପୂଜା କରିଥାନ୍ତି । ଚଳିତ ବର୍ଷ ଏହା ବନ୍ଦ ରହିବା ଓ ନଗର ପରିକ୍ରମା ଅନୁମତି ନ ଥିବା ସତ୍ୱେ ଯଥେଷ୍ଟ ମାତ୍ରା ରେ ପ୍ରଶାସନ ନିୟନ୍ତ୍ରଣ କରି ପାରିଥିଲା । ଏହି ଦେବୀ ଘଣ୍ଟାଶୁଣି ଙ୍କୁ ମନୋକାମନା ପୂର୍ଣ୍ଣ ନିମନ୍ତେ ଘଣ୍ଟ ମାନସିକ ଓ ବନ୍ଧା ହେବା ସହ ୪୫୫ ଗୋଟି ଛେଳି,ମେଣ୍ଢା ବଳି ଦିଆଯାଇଛି ଓ କୁକୁଡ଼ା ବି ବଳି ପଡିଥିବା ବେଳେ  ପ୍ରାୟ ୧୪ ଗୋଟି ଛେଳି ଙ୍କୁ ବଳି ନାମରେ ଜୀଅନ୍ତା ଛାଡିଦିଆ ଯାଇଛି । ପ୍ରଶାସନ କେବଳ ନୀତି,କାନ୍ତି,ପାରମ୍ପରିକ ପ୍ରଥା ପାଇଁ ମନ୍ଦିର ଭିତରକୁ ଅନେକ ପୂଜକ ଶ୍ରେଣୀ ର ଲୋକଙ୍କୁ ପ୍ରବେଶ ଅନୁମତି ଦେଇ ମନ୍ଦିର ଗେଟ ରେ ତାଲା ପକାଇ କଡା ସୁରକ୍ଷା ଦେଇଥିବା ବେଳେ ଭକ୍ତ ବାହାରେ ପୂଜା,ପାଠ କାରିଥିଲେ । ହେଲେ ଅନେକ ଲୋକେ ମନ୍ଦିର ପଛପଟୁ

ନିଜନିଜ ଛେଳି,ମେଣ୍ଢା ନେଇ ପ୍ରବେଶ କରିଥିଲେ । ଅନେକ ସଂଖ୍ୟା ରେ ଏହି ବଳି ଦିଆଯାଇଥିଲା । ଉପଜିଲ୍ଲାପାଳ ବଳି ସମ୍ପୂର୍ଣ୍ଣ ବନ୍ଦ ସହ କଡା ସୁରକ୍ଷା ବ୍ୟବସ୍ଥା ପରମ୍ପରା ଆଗରେ ହାର ମନିଛି । ବଲାଙ୍ଗୀର ଜିଲ୍ଲା ଯିବେଦୟା ଅନୁଷ୍ଠାନ ର ଶ୍ରୀକାନ୍ତ ସାହୁ,ଗଜାନନ ମିଶ୍ର, ବିପିନ ତ୍ରିପାଠୀ, ସଂଜୀବ ତ୍ରିପାଠୀ,ଦେବରାଜ ନାଏକ ପ୍ରମୁଖ ଏ ପ୍ରଥା ବନ୍ଦ ନେଇ ପ୍ରଚାର,ପ୍ରସାର,କରିବା ସହ ଚଳିତ ବର୍ଷ ୧୪ ଗୋଟି ଛେଳି ଙ୍କୁ ଜୀବନ୍ତ ଛାଡିଦେବା ଘଟଣା କୁ ଅତ୍ୟନ୍ତ ଖୁସି ର ବିଷୟ ଏହି ପ୍ରଥା ପାଇଁ ସଚେତନତା ଅଭିଯାନ ଆରମ୍ଭ କରି ସମ୍ପୂର୍ଣ୍ଣ ବନ୍ଦ ନେଇ ସ୍ୱତନ୍ତ୍ର ଆଇନ ପ୍ରଣୟନ କରିବା ଦାବି କରିଛନ୍ତି ।