22-Sep-2021

କଳାହାଣ୍ଡି        କୋକସରା(ତ୍ରିନାଥ ବେଶ୍ରା)
 କଳାହାଣ୍ଡି ଜିଲ୍ଲା କୋକସରା ବ୍ଲକ ଡୁଡୁକାଠେଙ୍ଗା ଗ୍ରାମ ଠାରେ ଆଞ୍ଚଳିକ ଡମ୍ବ ସମାଜର ନୂଆଖାଇ ଭେଟଘାଟ କାର୍ଯ୍ୟକ୍ରମ ରବିବାରଦିନ ଅନୁଷ୍ଠିତ ହୋଇଯାଇଛି।ନୂଆଖାଇ ପର୍ବ ର ଏକ ସ୍ୱତନ୍ତ୍ର ପରିଚୟ ଥିବା ବେଳେ ତାର କେତେକ ଆଂଶିକ ମୌଳିକ ପରମ୍ପରା ଦିନ କୁ ଦିନ କମିବାରେ ଲାଗିଛି। ଏହାକୁ ବଜାଇ ରଖିବା ନିମନ୍ତେ ଡମ୍ବ ସମାଜ ର ଏକ ପ୍ରୟାସ ଭାବେ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ଜଣାପଡିଛି। ଏହି  ମାଧ୍ୟମରେ ବିଭିନ୍ନ ପ୍ରକାର କାର୍ଯ୍ୟକ୍ରମ ଅନୁଷ୍ଠିତ ହେବା ସାଙ୍ଗକୁ ଡମ୍ବ ସମାଜ ଭିତରେ ଭାଇ ଚାରା ସ୍ଥାପନ ସହ ସମ୍ପର୍କ ର ନିବିଡ଼ତା ବଢ଼ିବାରେ ସହାୟତ ହେବା ଆଶା ରଖାଯାଇଛି।

କାର୍ଯ୍ୟକ୍ରମ ମାଧ୍ୟମରେ ସମାଜ ଉନ୍ନତି କରଣ ତଥା ଶିକ୍ଷା, ସଂସ୍କାର,ଅର୍ଥନୈତିକ ବିକାଶ ଉପରେ ଆଲୋଚନା କରାଯାଇଥିଲା। ଏଥିରେ  ଡମ୍ବ ସମ୍ପ୍ରଦାୟକୁ ଦୃଢ଼ ତଥା ଏକତ୍ରିତ ଭାବ ଆଣିବା ପାଇଁ ଯୁବପିଢି  ମୁଖ୍ୟ ଦାୟିତ୍ୱ ନେଇ ସମାଜ କୁ ଆଗେଇ ନେବାକୁ କାର୍ଯ୍ୟକ୍ରମ ରଖାଯାଇଥିଲା ଏହି କାର୍ଯ୍ୟକ୍ରମ ର ମୁଖ୍ୟ ଅତିଥି  ଆମପାଣି ଜୁନ ଡମ୍ବ ସମାଜ ସଭାପତି ବନମାଳୀ ବାଗ,  ଆହ୍ୱାନ କରିଥିଲେ। ଅନ୍ୟପଟେ ସମ୍ମାନୀୟ ଅତିଥି ଉପ ସଭାପତି ବାଲେଶ୍ୱର ବେଶ୍ରା ନିଜ ଅଭିଭାଷଣରେ ପୂର୍ବ ୟତିଃ ପରମ୍ପରା କୁ ଜୀବିତ ରଖିବା ଓ ତାକୁ ସମ୍ମାନ ଦେଇ ଶିଖିବା  ଯାହା ଭବିଷ୍ୟତ ପିଢ଼ି ଙ୍କ ପାଇଁ ମଙ୍ଗଳ ହେବ ବୋଲି କହିଥିଲେ। ଅନ୍ୟ ପଟେ ସମ୍ମାନିୟ ଅତିଥି  ନୀଳମଣି ଖମାରୀ, ଅଭିରାମ ବେଶ୍ରା ,ଗିରିଜାଭୁଶଣ କବି, ସିଙ୍ଗ ବେଶ୍ରା, ରଘୁନାଥ ଖମାରୀ, ତୁଲାରାମ ବାଗ, ମୁକନ୍ଦ ନିଆଲ ବିଜୟ ସୁନା ଉପସ୍ଥିତ ଥିଲେ । ଏହାପରେ  ସମାଜର ପିତୃପୁରୁଷ ଓ ଦେବାଦେବୀ ଙ୍କ ନିକଟରେ ନୂଆ ଚୁଡା ,ଖିରି ପିଠା ଇତ୍ୟାଦିରେ ପୂଜାର୍ଚ୍ଚନା କରାଯାଇ ଏକତ୍ରିତ ଭାବେ ନୂଆଖିଆ ଯାଇଥିଲା। ପରେ ବୟୋଜ୍ୟେଷ୍ଠ ଙ୍କ ଠାରୁ ଆଶିର୍ବାଦ ଗ୍ରହଣ କରାଯାଇ ଜୁହାର ଭେଟ ଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ସମସ୍ତ ଙ୍କ ଭିତରେ ଜୁହାର ଭେଟ ଘାଟ  ଆଦାନ ପ୍ରଦାନ କରାଯାଇଥିଲା।ଏହାପରେ ସଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ତେବେ ଡମ୍ବ ସମ୍ପ୍ରଦାୟ ମୁଖ୍ୟ ବଜlଶାଲ ବlଜାରେ ନାଚି ଉଠିପଡିଥିଲେ ସମସ୍ତେ।ଏହାପରେ ମୁଖ୍ୟ ଅତିଥି ଙ୍କ କର କୋମାଲରେ ସମ୍ପ୍ରଦାୟର କଳାକାର ମାନଙ୍କୁ ସମ୍ମାନ ଦେବା ସହ ପୁରୁସ୍କୃତ ବିତରଣ କରଯାଇଥିଲା। କାର୍ଯ୍ୟକ୍ରମ କୁ  ଖଗେଶ୍ୱର ପାଣିଗ୍ରାହୀ ପରିଚାଳନା କରିଥିବା ବେଳେ ଅଞ୍ଚଳ ବିଭିନ୍ନ ଡମ୍ବ ସମ୍ପ୍ରଦାୟ ଶହ ଶହ ଲୋକ ଉପସ୍ଥିତ ରହିଥିଲେ।