22-Sep-2021

ଲୋଇସିଂହା (ସନ୍ତୋଷ କୁମାର ଠାକୁର) : ଗୋଚାଲାଣ ରୋକିବା ବେଳେ ଗୋଚାଲାଣକାରୀ ୨ରାଉଣ୍ଡ ଗୁଳି ଫାୟାରିଂଙ୍ଗ କରିଥିବା ଅଭିଯୋଗ ହୋଇଛି। 

ସୂଚନା ଅନୁଯାୟୀ ଲୋଇସିଂହା ବଜରଙ୍ଗ ଦଳର ସଦସ୍ୟ ଗତକାଲି ରାତି ପ୍ରାୟ ୧୦ ଟା ସମୟରେ ଲୋଇସିଂହା ବ୍ଲକ୍ ଅନ୍ତର୍ଗତ ଝାରବନ୍ଧଲି ଗ୍ରାମ ଠାରେ ଗୋରୁ ଚାଲାଣ ହେଉଥିବା ଖବର ପାଇ ଥିଲେ। ବଜରଙ୍ଗ ଦଳର ସଦସ୍ୟ ଚନ୍ଦ୍ର ମେହେର, ରେପେନ ମେହେର ଓ ସୁରେଶ ନାଗ ଉକ୍ତ ସ୍ଥାନରେ ପହଞ୍ଚି ଗୋଚାଲାଣ କୁ ବିରୋଧ କରିଥିଲେ। ଏହି ସମୟରେ ଚାରିଜଣ ସାମ୍ବାଦିକ ସୁଶିଲ ମିଶ୍ର, ଦେବେନି ପୁଟେଲ, ସରୋଜ ପଧାନ ଓ ବିନୋଦ ଦୀପ ଖବର ସଂଗ୍ରହ ପାଇଁ ଉପସ୍ଥିତ ଥିଲେ। ଗାଈ ଭର୍ତି ଥିବା ୧୦ ଚକିଆ ଟ୍ରକ ସେମାନଙ୍କ ଉପରେ ଚେପେଇବା ପାଇଁ ଉଦ୍ୟମ କରିବା ସହ ଘଟଣା ସ୍ଥଳରୁ ଫେରାର ମାରିଥିଲା।

କିନ୍ତୁ ଗାଈ ଦଲାଲ୍ ଜଣକ ଧରା ପଡ଼ିଯାଇଥିଲେ । ସେହି ଦଲାଲ୍ କୁ ବଜରଙ୍ଗ ଦଳର ସଦସ୍ୟ ଲୋଇସିଂହା ଥାନା କୁ ନେଇ ଯିବା ସମୟରେ କେତେକ ଦୁର୍ବୃତ୍ତ ଏକ ବୋଲେରୋ ଗାଡ଼ିରେ ଆସି ୨ ରାଉଣ୍ଡ ଗୁଳି ଚଳାଇ ଫେରାର ମାରିଥିଲେ ।