19-Sep-2021

ବିନିକା(ହିମାଂଶୁ ଶେଖର ପୁଟେଲ) ବିନିକା ଏନଏସି ୧୨ନଂ ୱାର୍ଡ ମିଶ୍ରକୋଳପଡା ଠାରେ ହେବାକୁ ଥିବା ଅଙ୍ଗନୱାଡ଼ି କେନ୍ଦ୍ର ନିର୍ମାଣ ସ୍ଥାନର ରାସ୍ତା ଉପରେ ସେହି ଗ୍ରାମର ୨ପରିବାର ନେହି କୋଡି ଅବରୋଧ କରିବା ପ୍ରତିବାଦରେ ଆଜି କୋଳପଡା ବାସି ବିନିକା ତହସିଲ କାର୍ଯ୍ୟାଳୟ ସମ୍ଭୂଖରେ ଧାରଣା ଦେବା ସହ ଏହାର ତଦନ୍ତ କରି ଉପଯୁକ୍ତ ପଦକ୍ଷେପ ପାଇଁ  ତହସିଲଦାରଙ୍କୁ ଦାବିପତ୍ର ପ୍ରଦାନ କରିଛନ୍ତି l ଦାବିପତ୍ରରେ ସେମାନେ ଉଲ୍ଲେଖ କରିଛନ୍ତି ଯେ ପ୍ଲଟନମ୍ବର ୪୧,ଖାତା ନଂ ୩୧ କିସମ ଗୋଚର ଏ୪.୭୨୫ ଡି ରୁ ଅଙ୍ଗନୱାଡ଼ି ଗୃହ ନିର୍ମାଣ ସକାଶେ ଓ ଖେଳପଡିଆ ପାଇଁ ୪୦୦ରୁ୫୦୦ଡି ଯାଗା ସମୂହ ପଡାବାସି ଅକ୍ତିଆରରେ ରଖିଥିଲେ l କିନ୍ତୁ ସେହି ଗ୍ରାମର ନାଗା ନାଗ ଓ ସୁଦର୍ଶନ ନାଗ ଦୁଇ ପରିବାରକୁ ବିନିକା ଏନଏସି ତରଫରୁ ତାଙ୍କ ରହୁଥିବା ସ୍ଥାନରେ ଓ ଅଙ୍ଗନୱାଡ଼ି କେନ୍ଦ୍ର ନିର୍ମାଣର ଆଗ ପଟରେ ଏଲଆଇସି ସ୍ଥାୟୀ ପଟ୍ଟା ଦିଆଯିବା ସତ୍ତ୍ବେ ସେମାନେ ନିଜ ଯାଗାରେ ଘର ତିଆରି ନ କରି ଅନ୍ୟ ସ୍ଥାନରେ ନିର୍ମାଣ କରିବାକୁ ଯାଉଥିବାରୁ ସରକାରଙ୍କ ୫ଲକ୍ଷ ଟଙ୍କାରେ ନିର୍ମାଣ ହେବାକୁ ଥିବା ଅଙ୍ଗନୱାଡ଼ି କେନ୍ଦ୍ରକୁ ରାସ୍ତା ମିଳିବ ନାହିଁ l ଯାହା ଫଳରେ କୁନି କୁନି ଛାତ୍ରଛାତ୍ରୀଙ୍କ ଠୁଁ ଆରମ୍ଭ କରି ଅଙ୍ଗନୱାଡ଼ି କର୍ମୀ,ଅଭିଭାବକ ମାନେ ଆଗାମୀ ଦିନରେ ନିଶ୍ଚିତ ଅସୁବିଧାର ସମ୍ମୁଖୀନ ହେବେ ଏଥିରେ ସନ୍ଦେହ ନାହିଁ l ତେଣୁ ଉକ୍ତ ସମସ୍ୟାର ସମାଧାନ ପାଇଁ ଆଜି ମିଶ୍ରପାଲିର ସମସ୍ତ ଜନସାଧାରଣ ବିନିକା ତହସିଲ କାର୍ଯ୍ୟାଳୟକୁ ଆସି ପ୍ରାୟ ୧ଘଣ୍ଟା ଧରି ଧାରଣା ଦେବା ସହ ଏକ ଦାବିପତ୍ର ପ୍ରଦାନ କରିଥିଲେ l ସେହିପରି ବିନିକା ଥାନା ଅଧିକାରୀ ଓ ଏନଏସି କାର୍ଯ୍ୟନିର୍ବାହୀ ଅଧିକାରୀଙ୍କୁ ମଧ୍ୟ ଦାବିପତ୍ର ପ୍ରଦାନ କରାଯାଇଥିବା ଜଣାପଡିଛି l