18-Sep-2021

ବଲାଙ୍ଗୀର(ପ୍ରେରଣା ଖବର ): ଜାତୀୟ ରାଜପଥ ୫୭ର ସାତମାଇଲ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ଘଟଣାସ୍ଥଳରେ ଜଣଙ୍କର ଶୋଚନୀୟ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇଥିବା ସୂଚନା ମିଳିଛି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିବା ବେଳେ  ପୁଇଁତଲା ପୋଲିସ ଘଟଣା ସ୍ଥଳରେ ପହଞ୍ଚି ଆହତ ଙ୍କୁ ଜିଲ୍ଲା ମ୍ୟାଡିକାଲ କଲେଜ ଡାକ୍ତରଖାନା କୁ ପଠେଇଥିଲଲେ ।  

ସୂଚନା ଅନୁସାରେ ବାଇକକୁ ଏକ ଟ୍ରକ୍ ଧକ୍କା ଦେବା ଫଳରେ ଏହି ଅଘଟଣ ଘଟିଛି। ମୃତକ କୁଲେରବାହାଲି ଗ୍ରାମର ଅର୍ଜୁନ ବାଗ ବୋଲି ଜଣାପଡିଛି। ଅର୍ଜୁନ ଓ ଲମ୍ବୋଦର ଟିମାପାଲିରୁ ସାତମାଇଲ ଫେରୁଥିଲେ। ବଲାଙ୍ଗୀରରୁ (ଓଆର ୧୫କିଉ ୩୨୩୮ )ନମ୍ବର ବିଶିଷ୍ଟ ଏକ ମାଲବାହୀ ଟ୍ରକ ଦ୍ରୁତ ଗତିରେ ଆସି ଅର୍ଜୁନ ଙ୍କ ବାଇକକୁ ଧକ୍କା ଦେଇଥିଲା । ଘଟଣା ସ୍ଥଳରେ ଅର୍ଜୁନଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ  ଲମ୍ବୋଦର ବଗର୍ତୀ ଗୁରୁତର ଅବସ୍ଥାରେ ଥିଲେ । ଉକ୍ତ ଦ୍ବୟ ବଲାଙ୍ଗୀର ନିକଟସ୍ଥ ଟିମାପାଲି ଗ୍ରାମ ର ବୋଲି ଜଣାଯାଇଥିଲା  । ଲମ୍ବୋଦରଙ୍କୁ ଗୁରତର ଅବସ୍ଥାରେ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଛି। ଅର୍ଜୁନ ଓ ଲମ୍ବୋଦର ଦୁହିଜଣ ତାଙ୍କ ଶଶୁର ଘର ଟିମାପାଲିରୁ ସାତମାଇଲ ପଟକୁ ଫେରୁଥିଲେ। ଘଟଣା ସ୍ଥଳରେ ପୁଇଁତଳା ପୋଲିସ ପହଞ୍ଚି ଡ୍ରାଇଭରକୁ ଉଦ୍ଧାର କରି ଟ୍ରକକୁ ଅଟକ ରଖିଛି। ଅନ୍ୟ ପଟେ ଉତ୍ୟକ୍ତ ଲୋକେ କ୍ଷତିପୂରଣ ଦାବିରେ ରାଜରାସ୍ତା ଅବରୋଧ କରିଥିଲେ । ବଲାଙ୍ଗୀର-ସୋନପୁର ରାଜରାସ୍ତାର ଦୁହି ପାର୍ଶ୍ଵରେ ସହସହ ଗାଡ଼ି ଠିଆହୋଇ ରହିଯାଇ ଥିଲା ।ଶେଷରେ ପୁଇଁତଲା ତହସିଲଦାର ଓ ପୋଲିସ ଘଟଣା ସ୍ଥଳରେ  ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା ।