17-Sep-2021

ସମ୍ବଲପୁର (ସଂଜୀବ କୁମାର ପାଣିଗ୍ରାହୀ ): ଦଳୀୟ  ତଥା ରାଜନୈତିକ ସାଙ୍ଗଠାନିକ ସଂଗରଚନା ଓ କାର୍ଯ୍ୟ ଶୈଳୀ ସମ୍ପର୍କରେ  ବିଶେଷ ଅନୁଧ୍ୟାନ ନିମନ୍ତେ ଭାରତୀୟ ଜନତା ପାର୍ଟି ଓଡ଼ିଶା ପ୍ରଦେଶର ଏକ ରାଜ୍ୟ ସ୍ତରୀୟ ୯ ଜଣିଆ ନେତୃମଣ୍ଡଳୀ ଗୁଜରାଟ ଯାଉଛନ୍ତି । ଦଳର ରାଷ୍ଟ୍ରୀୟ ଅଧ୍ୟକ୍ଷ ଡ଼.ଜଗତ ପ୍ରସାଦ ନଡ୍ଡାଙ୍କ ନିର୍ଦ୍ଦେଶ କ୍ରମେ ଓ ପ୍ରଦେଶ ଅଧ୍ୟକ୍ଷ ଶ୍ରୀ ସମୀର ମହାନ୍ତି ଅନୁମୋଦନ କ୍ରମେ ରାଜ୍ୟର ନେତୃବୃନ୍ଦଙ୍କର ଏକ ୯ ଜଣିଆ ଟିମ୍ ଆଜି ସକାଳେ ଭୁବନେଶ୍ଵର ରୁ ସୁରଟ ଯାତ୍ରା କରିଛନ୍ତି ।
      ଏହି ଟିମ୍ ୧୭, ୧୮ ଓ ୧୯ ସେପ୍ଟେମ୍ବର ୩ଦିନ ଧରି ସୁରଟ ଠାରେ ଦଳର  ସା°ଗଠନିକ ସ୍ଥିତି ଓ ବ୍ୟବସ୍ଥା, ସା°ଗଠନିକ ବୈଠକ ଓ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେଇ ବିଶେଷ ଅନୁଧ୍ୟାନ କରିବେ। ଏହି ରାଜ୍ୟସ୍ତରୀୟ ଟିମ୍ ରେ  ଭୁବନେଶ୍ୱର ସା°ସଦ ରାଜ୍ୟ ଉପସଭାପତି ତଥା ରାଷ୍ଟ୍ରୀୟ ମୁଖପାତ୍ର,ଶ୍ରୀମତୀ ଅପରାଜିତା ଷଡ଼ଙ୍ଗୀ, ରାଜ୍ୟ ସାଧାରଣ ସମ୍ପାଦକ ପୃଥିରାଜ ହରିଚନ୍ଦନ, ରାଜ୍ୟ ଉପସଭାପତି ଭୃଗୁ ବକ୍ସିପାତ୍ର,ରେଙ୍ଗାଲି ବିଧାୟକ ନାଉରୀ ନାଏକ,ଲୋଇସିଂହା ବିଧାୟକ ,ଡ଼ ମୁକେଶ ମହାଲିଙ୍ଗ୍, ରାଜ୍ୟ ସମ୍ପାଦକ ଅଭିମନ୍ୟୁ ସେଠୀ, ପୂର୍ବତନ ସାଧାରଣ ସମ୍ପାଦକ ଶାରଦା ଶତପଥୀ, ପୂର୍ବତନ ସମ୍ପାଦକ ଅଶୋକ ମିଶ୍ର ଓ ବିଜେପି ଆଇଟି ବିଭାଗ ପ୍ରମୁଖ ସ୍ୱୟଂ ପ୍ରକାଶ ବିଶ୍ଵାଳ ପ୍ରମୁଖ ଗସ୍ତରେ ଯାଉଛନ୍ତି ଵୋଲି କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି* ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି।
.