01-Nov-2020

ବଲାଙ୍ଗିର(ସନ୍ତୋଷ କୁମାର ଠାକୁର),: ବଲାଙ୍ଗିର ଜିଲ୍ଲା କଂଗ୍ରେସ ପକ୍ଷରୁ ଏକ ସାଙ୍ଗଠାନିକ ସଭା ଜିଲ୍ଲା କଂଗ୍ରେସ ପ୍ରବକ୍ତା ସାନନ୍ଦ ମିଶ୍ରଙ୍କ ସଭାପତିତ୍ୱରେ ସ୍ଥାନିୟ କଂଗ୍ରେସ ଭବନ ଠାରେ ଅନୁଷ୍ଠିତ ହୋଇଯାଇଛି । ସଭା ପ୍ରଥମେ ବିଶ୍ୱ ମହାମାରୀ କରୋନାରେ ମୃତ୍ୟୁବରଣ କରିଥିବା କଂଗ୍ରେସ କର୍ମୀ ଓ ସାଧାରଣ ଜନତାଙ୍କ ଆତ୍ମାର ସଦ୍‌ଗତି ନିମନ୍ତେ ନିରବ ପ୍ରାର୍ଥନା କରାଯାଇ ନବ ନିଯୁକ୍ତ ଜିଲ୍ଲା କଂଗ୍ରେସ କମିଟି ସଭାପତି ଦିଲିପ ବେହେରା ଓ ରାଜୀବ ଗାନ୍ଧୀ ପଞ୍ଚାୟତରାଜ  ସଂଗଠନର ସଭାପତି ଅଜୟ ବାଲିଙ୍କୁ ସମ୍ବର୍ଦ୍ଧନା ଜ୍ଞାପନ କରାଗଲା । ଉକ୍ତ ସଭାରେ ରାଜ୍ୟ କଂଗ୍ରେସର ବରିଷ୍ଠ ମୁଖପାତ୍ର ସମରେନ୍ଦ୍ର ମିଶ୍ର ଯୋଗଦାନ କରି କେନ୍ଦ୍ର ଓ ରାଜ୍ୟର କୃଷକ ମାରଣନୀତି, ବେରୋଜଗାର ଯୁବକ, ଅସହାୟ ଖଟିଖିଆ ମଜୁରିଆ ପ୍ରତି କେନ୍ଦ୍ର ଓ ରାଜ୍ୟ ସରକାରର ଚରମ ଅବହେଳା ପ୍ରଦର୍ଶନ ବିରୁଦ୍ଧରେ ଜନ ସାଧାରଣଙ୍କୁ ଅବଗତ କରାଯାଇ ତୃଣମୂଳ ସ୍ତରରେ ସଂଗଠନକୁ ମଜବୁତ କରାଯିବା ବିଷୟରେ କର୍ମୀମାନଙ୍କୁ ଦିଗଦର୍ଶନ ଦେଇଥିଲେ । ପିସିସି ସଂପାଦକ ଉମାଶଙ୍କର ପଣ୍ଡା, ଟାଉନ କଂଗ୍ରେସ ସଭାପତି ବୁଲୁ ଦାନି, ଉମାକାନ୍ତ ସାହୁ, ସନ୍ତକ ବହିଦାର, ସେବାଦଳ ମୁଖ୍ୟ ଅସିତ ମିଶ୍ର, ପ୍ରେମ ପ୍ରକାଶ ମିଶ୍ର, ଅଙ୍କିତ ସାହୁ, ରାମ ପ୍ରସାଦ ମିଶ୍ର, କାନ୍ତେଶ୍ୱର ପ୍ରଧାନ, ଦମୟନ୍ତି ବଘାର ପ୍ରମୁଖ ବକ୍ତବ୍ୟ ପ୍ରଦାନ କରିଥିବା ବେଳେ ନାରୀ ନେତ୍ରୀ ସବିତା ଶତପଥି, ଅମିତା ସେଠ, ହିମାଂଶୁ ନାଏକ, ସଂଜୟ ମିଶ୍ର, ଝୁପୁଲୁ ମହାନ୍ତି, ମାନସ ମହାନ୍ତି, ବିଜୟ ଖରସେଲ, କିଶୋର ଦଣ୍ଡସେନା, ବିଟୁନ ସ୍ୱାଇଁ ଅଖଣ୍ଡ ସେଠ, କୈଳାସ ମିଶ୍ର, ବ୍ରଜ କିଶୋର ସେଠି, ଲୋପନ ମିଶ୍ର, ସରୋଜ ରଥ, ଗଗନ ନାଥ, ସୁରେନ୍ଦ୍ର ଅଶ୍ୱପାଲ, କୁନା ସାହୁ, ନାସିର ଖାନ, କିରନ ସେଠ, ଜୁଲୁ ପଟ୍ଟନାୟକ, ସତ୍ୟ ନାଗ, ପବିତ୍ର ନେପାକ, ଲବ ଭୋଇ, ଜ୍ୟୋତିଷ ମୁଗ୍ରୀ, ସୁଦର୍ଶନ ମିଶ୍ର, ସୁନିଲ ବେହେରା, ପ୍ରତ୍ୟୁଷ ଖୁଆସ ପ୍ରମୁଖ ଶତାଧିକ କଂଗ୍ରେସ କର୍ମୀ ଉପସ୍ଥିତ ଥିବା ବେଳେ ବଲାଙ୍ଗିର ବିଧାୟକଙ୍କ ଜନ ମଙ୍ଗଳ ପ୍ରତିନିଧି ଓମ୍ ପ୍ରକାଶ କୁମ୍ଭାର ଧନ୍ୟବାଦ ଅର୍ପଣ କରିଥିଲେ ।