01-Nov-2020

ବଲାଙ୍ଗିର, (ସନ୍ତୋଷ ଠାକୁର) : ସ୍ଥାନୀୟ ଆମ୍ବେଦକର ପାଠାଗାର ଠାରେ ଦଳିତ ସମାଜ ବଲାଙ୍ଗିର ତରଫରୁ ସ୍ୱର୍ଗୀୟ ସମାଜସେବୀ କୁଶ ନାଗଙ୍କ ସୃତି ଚାରଣ ପାଇଁ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ତ୍ରିଲୋଚନ ନନ୍ଦଙ୍କ ସଭାପତିତ୍ୱରେ ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାରେ ପ୍ରଥମେ ବିଦ୍ୟାଂଗତ ଆତ୍ମାର ସଦ୍‌ଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ସ୍ୱର୍ଗୀୟ କୁଶ ନାଗ ଏକାଧାରରେ ଜଣେ ସରକାରୀ କର୍ମଚାରୀ, ଲେଖକ, ସମାଜସେବୀ, କଳାକାର ବହୁ ପ୍ରତିଭାର ଅଧିକାରୀ ଥିଲେ । ନିଜ ପରିବାର ଅର୍ଥାତ ନିଜ ବନ୍ଧୁବାନ୍ଧବ ସହିତ ସମାଜର ଉତ୍ଥାନ ପାଇଁ ସର୍ବଦା କାର୍ଯ୍ୟ କରୁଥିଲେ । ବଲାଙ୍ଗିର ସହରର ସବୁ ବର୍ଗର ଲୋକଙ୍କ ଦ୍ୱାରା ଗ୍ରହଣିୟ ଥିଲେ ମଧ୍ୟ ବିଶେଷ ଭାବରେ ଦଳିତ ସମାଜ ପାଇଁ କାର୍ଯ୍ୟ କରୁଥିଲେ । ଦଳିତ ସମାଜ ଜଣେ ସୁସଂଗଠକ, ମାର୍ଗଦର୍ଶକ କୁ ହରାଇଲା ବୋଲି ଏକ ସ୍ୱରରେ ମତ ପ୍ରକାଶ ପାଇଥିଲା । ନିସ୍ପେଷିତ ଦଳିତ ସମାଜ ଶିକ୍ଷା, ଆର୍ଥିକ ସ୍ତରରେ କିପରି ଆଗକୁ ଯିବ କୁଶ ନାଗ ସର୍ବଦା ଚିନ୍ତା କରୁଥିଲେ । କାନ୍ତିଲାଲ ମୁଗ୍ରୀ, ନେପାଲ ବାଗ, ଶମ୍ଭୁ ନାଗ, ବିଜୟ ବାରିକ, ଦ୍ରୋଣ କୁମ୍ଭାର, କିଶୋର କୁମ୍ଭାର, ରଶ୍ମି ବାଗ, ତରଣି ଦିପ, ବାସୁ ମୁଗ୍ରୀ, ସୀତାରାମ କୁମ୍ଭାର , ଭୁବନ ସୁନା ସ୍ମୃତି ଚାରଣ କରିଥିବା ବେଳେ ସୂର୍ଯ୍ୟ ସୁନା, କାର୍ତ୍ତିକ ନାଗ, ସୁନିଲ ମୁଗ୍ରୀ, ପ୍ରହଲ୍ଲାଦ କୁମ୍ଭାର, ସଚିନ କୁମ୍ଭାର ସହିତ ଶତାଧିକ ଦଳିତ ସମାଜର ସଭ୍ୟ ଉପସ୍ଥିତ ଥିଲେ ।