01-Nov-2020

ବଲାଙ୍ଗୀର,(ପ୍ରେରଣା ଖବର)- ଆଜି ସକାଳେ ବଲାଙ୍ଗୀର ହିମଗାର୍ଡ ଅଫିସରେ ରେ କାର୍ଯ୍ୟରତ ହୋମଗାର୍ଡ  ଚୈତନ୍ୟ ପ୍ରଧାନ(୪୭) ସାଇକେଲରେ ଆସୁଥିବା ସମୟରେ ହଠାତ ଭାଗିରଥୀ ଛକ ଠାରେ ଟଳି ପଡିଥିଲେ । ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଡାକ୍ତରୀ ରିପୋର୍ଟ ଅନୁସାରେ ଚୈତନ୍ୟଙ୍କ ହୃଦଘାତରେ ପରଲୋକ ହୋଇଥିବା ଜଣାପଡିଛି । ସେ ଆଗରୁ ସୁଗର ଓ ବ୍ଲଡପ୍ରେସର ଭଳି ବିଭିନ୍ନ ରୋଗରେ ପୀଡିତ ଥିଲେ ।  ସ୍ୱର୍ଗତ ଚୈତନ୍ୟ ପ୍ରଧାନଙ୍କ ଘର ଛତାମଖନା ପଞ୍ଚାୟତର ତୁଲୁଣ୍ଡି ଗ୍ରାମରେ ହୋଇଥିବା ବେଳେ ସେ ବଲାଙ୍ଗୀର ପ୍ୟାଲେସ ଲାଇନ୍‌ରେ ନିଜ ପରିବାର ସହ ରହୁଥିଲେ । ବଲାଙ୍ଗୀର ପୋଲିସ କାର୍ଯ୍ୟାଳୟ ସମେତ ବିଭିନ୍ନ ଅଫିସରେ ସେ ହୋମଗାର୍ଡ ଭାବେ କାମ କରି ଆସିଥିଲେ । ତାଙ୍କର ବିୟୋଗରେ ବଲାଙ୍ଗୀର ପୋଲିସ ବିଭାଗ ତଥା ବଲାଙ୍ଗିର ଗୃହରକ୍ଷୀ ସଂଘ ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି ।