10-Sep-2021

ମୁମ୍ବାଇ  : ୨୦୧୭ ଡ୍ରଗ୍ସ ମାମଲା ସହ ଜଡିତ ମନି ଲଣ୍ଡରିଂ ଯାଞ୍ଚ ମାମଲାରେ ଟଲିଉଡ ଅଭିନେତା ରବି ତେଜା ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ରେ ହାଜର ହୋଇଛନ୍ତି। ଏଜେନ୍ସି ଦେଇଥିବା ସମନର ଜବାବରେ ଅଭିନେତା ଆଜି ସକାଳ ପ୍ରାୟ ୧୦ ଟା ସମୟରେ ଇଡି କାର୍ଯ୍ୟାଳୟରେ ପହଞ୍ଚିଛନ୍ତି।

ରବି ତେଜାଙ୍କ ବ୍ୟତୀତ ତାଙ୍କ ଡ୍ରାଇଭର ଏବଂ ସହାୟକ ଶ୍ରୀନିବାସ ମଧ୍ୟ ଇଡି ଅଧିକାରୀଙ୍କ ନିକଟରେ ହାଜର ହୋଇଛନ୍ତି। ଉଭୟଙ୍କୁ ସେମାନଙ୍କର ଆର୍ଥିକ କାରବାର ବିଷୟରେ ପଚରାଯିବାର ସମ୍ଭାବନା ରହିଛି। ଏଥିସହ ମୁଖ୍ୟ ଅଭିଯୁକ୍ତ କେଲ୍‌ଭିନ ମସ୍କାରେନହାସଙ୍କୁ ପୁଣି ପଚରାଉଚରା ପାଇଁ ଡକାଯିବାର ସମ୍ଭାବନା ରହିଛି।

ରବି ତେଜା ଟଲିଉଡର ଷଷ୍ଠ ବ୍ୟକ୍ତି ଯିଏକି ଇଡିରେ ହାଜର ହୋଇଛନ୍ତି। ଏହାପୂର୍ବରୁ ନିର୍ଦ୍ଦେଶକ ପୁରୀ ଜଗନ୍ନାଥ ଏବଂ ଅଭିନେତା ଚାର୍ମି କୌର, ରକୁଲ ପ୍ରୀତ ସିଂ, ନନ୍ଦୁ ଏବଂ ଦଗ୍‌ଗୁବତୀ ରାଣାଙ୍କୁ ପ୍ରଶ୍ନ ପଚରା ସରିଛି ।