04-Sep-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) : ସୁବର୍ଣ୍ଣପୁର ସଦରର ସମସ୍ତ ପ୍ରିଣ୍ଟ୍ ମିଡିଆ ପ୍ରତିନିଧିଙ୍କୁ ନେଇ ଆଜି ସ୍ଥାନୀୟ ପଟାଭାଡି ନିକଟସ୍ଥ ଶ୍ରୀଶ୍ରୀ ଲୋକନାଥ ମନ୍ଦିର ପରିସରରେ ସୁବର୍ଣ୍ଣପୁର  ପ୍ରିଣ୍ଟ୍ ମିଡିଆ ନାମରେ ଏକ ପ୍ରେସର୍ ଗୃପ୍ ଗଠନ ହୋଇଛି l ବରିଷ୍ଠ  ସାମ୍ବାଦିକ ମନୋରଞ୍ଜନ ତ୍ରିପାଠୀ ଓ ଦିଲ୍ଲୀପ ପାତ୍ରଙ୍କ ସଂଯୋଜନା କ୍ରମେ ଆହୂତ ବୈଠକରେ ଶ୍ରୀ  ପାତ୍ର  ଓ  ଶ୍ରୀ ତ୍ରିପାଠୀ ସ୍ୱ।ଗତ ମନ୍ତବ୍ୟ ପ୍ରଦାନ କରି ଏ ଫୋରମ ଗଠନର ଉଦ୍ଦେଶ୍ୟ ସଂପର୍କରେ ସୂଚନା ପ୍ରଦାନ କରିବାପରେ ଉପସ୍ଥିତ ସମସ୍ତ ସାମ୍ବାଦିକ ନିଜନିଜ ଅଭିଜ୍ଞତା ସେଆର୍ କରି ବର୍ତ୍ତମାନ ପରିସ୍ଥିତିରେ ଏହି ଫୋରମ୍ ଗଠନର ପ୍ରାସଙ୍ଗିକତା ଉପରେ ଅନେକ ଉପାଦେୟ ମନ୍ତବ୍ୟ ମାନ ପ୍ରଦାନ କରିଥିଲେ।ବିଶେଷ କରି ସମସ୍ତେ ଯେକୌଣସି ଇସ୍ୟୁକୁ ମିଳିତ ଭାବରେ ସଂପୃକ୍ତ ସଂସ୍ଥା ଉପରେ ଫୋକସ୍ କଲେହିଁ ଅନେକ ପ୍ରଭାବି ହେବାସହ ଜନସାଧାରଣଙ୍କ ଆସ୍ଥାଭାଜନ ହୋଇପାରିବ ବୋଲି ମତବ୍ୟକ୍ତ କରିଥିଲେ। ଏହି ଅବସରରେ ସୁବର୍ଣ୍ଣପୁର ପୌରପାଳିକାର ଏକଛତ୍ରବାଦ ଶାସନ ଓ ବିପର୍ଯ୍ୟସ୍ତ ପରିମଳ ବ୍ୟବସ୍ଥା କୁ ସଭ୍ଯମାନେ ଦୃଢ଼ ନିନ୍ଦା କରିଥିଲେ l ଆଜିର ଏହି ବୈଠକରେ ସୁବର୍ଣ୍ଣପୁର ସଦରର ସମସ୍ତ ଖବରକାଗଜର କର୍ତ୍ତବ୍ୟରତ ପ୍ରତିନିଧି ମାନେ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ଆଜିର ବୈଠକରେ ସର୍ବଶ୍ରୀ ସନ୍ତୋଷ ମିଶ୍ର, ସତ୍ୟବ୍ରତ ପ୍ରଧାନ, ଧରଣୀଧର ମିଶ୍ର, ନବ ମିଶ୍ର, ପିତାମ୍ବର ମହାପାତ୍ର, ରାଜ କିଶୋର ତ୍ରିପାଠୀ, ବିନୟ ରଞ୍ଜନ ପ୍ରଧାନ, ସଞ୍ଜୟ କୁମାର ସାହୁ, ମହାଦେବ ମଲ୍ଲିକ, ଶ୍ରୀକୁମାର ମହନ୍ତ, ରଞ୍ଜନ ବାରିକ,ଶୁସାନ୍ତ ପଣ୍ଡା, ଶୁସାନ୍ତ ସାହୁ,ତରଣୀ ମେହେର, ସର୍ଜନ ବାରିକ, ଯୁଧିଷ୍ଠିର ସାହୁ ପ୍ରମୁଖ ଯୋଗଦେଇ ଥିଲେ। କିଛି  ସାମ୍ବାଦିକ ବନ୍ଧୁ  କାର୍ଯ୍ୟ ବ୍ୟସ୍ତତା ଯୋଗୁଁ  ବୈଠକ ରେ ପହଞ୍ଚି ପାରି ନ ଥିଲେ  ବି  ସମସ୍ତ  ପ୍ରସ୍ତାବ  ପ୍ରତି ତାଙ୍କ  ଦୃଢ଼ ସମର୍ଥନ ଜଣାଇଛନ୍ତି l