31-Aug-2021

 ବିନିକା:(ହିମାଂଶୁ ଶେଖର ପୁଟେଲ)- ୮ପ୍ରମୁଖ ଦାବିନେଇ ଆସନ୍ତାକାଲି ଗୁରୁବାର ବିନିକା କଂଗ୍ରେସ ତରଫରୁ ବିନିକା ବ୍ଲକ ଅଧିନସ୍ଥ ସମସ୍ତ ୧୬ଗୋଟି ପଞ୍ଚାୟତ ସମ୍ଭୁଖରେ  ବିକ୍ଷୋଭ ପ୍ରଦର୍ଶନ କରାଯିବ ବୋଲି ବିନିକା ବ୍ଲକ କଂଗ୍ରେସ କମିଟି ସଭାପତି ରବୀନ୍ଦ୍ର କୁମାର ହୋତା ସୂଚନା ଦେଇଛନ୍ତି l ସୁବର୍ଣ୍ଣପୁର ଜିଲ୍ଲା କଂଗ୍ରେସ ସଭାପତି ଗୌରୀ ଶ୍ୟାମ ପଣ୍ଡାଙ୍କ ନିର୍ଦ୍ଦେଶ କ୍ରମେ ଅନୁଷ୍ଟିତ ଏହି ବିକ୍ଷୋଭ ପ୍ରଦର୍ଶନ ସକାଳ ୧୧ଘଣ୍ଟାରୁ ୧ଘଣ୍ଟା ପର୍ଯ୍ୟନ୍ତ କଂଗ୍ରେସ କର୍ମୀ ମାନଙ୍କ ଦ୍ଵାରା କରାଯିବା ପରେ ସ୍ଥାନୀୟ ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ ଓ ବିଡ଼ିଓଙ୍କ ମଧ୍ୟ ବର୍ତିତାରେ ଦାବିପତ୍ର ସୁବର୍ଣ୍ଣପୁର ଜିଲ୍ଲାପାଳଙ୍କୁ ପ୍ରଦାନ କରାଯିବ l ସୂଚନା ଯୋଗ୍ୟଯେ, ଚଳିତ କୋଭି ଡ-୧୯କୁ ସାମନା କରି ଅନେକ ପରିବାରଙ୍କ ଆର୍ଥିକ ସ୍ଥିତି ଦୟନୀୟ ହୋଇପଡ଼ିଥିବା ବେଳେ ସରକାରୀ ଯୋଜନା ସେମାନଙ୍କ ପାଇଁ ସାତ ସପନ ପାଲଟିଛି, ମନରେଗା ଯୋଜନା ଗରିବ ଦିନ ମଜୁରିଆ ଙ୍କ ପାଇଁ ଉଦ୍ଦିଷ୍ଟ ଥିବା ବେଳେ ଜିଲ୍ଲା ପ୍ରଶାସନ ର ନିଷ୍କ୍ରିୟତା ଯୋଗୁଁ ତାହା ଠିକ ଭାବରେ କାର୍ଯ୍ୟକାରୀ ହେଉ ନ ଥିବାରୁ ଲୋକେ ବାଧ୍ୟ ହୋଇ ଅନ୍ୟ ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି,ସରକାରଙ୍କ ଆବାସ ଯୋଜନା ସ ଠିକ ଭାବେ ଚୟନ ହେଉ ନ ଥିବାରୁ ଯୋଗ୍ୟ ହିତାଧିକାରୀ ଏଥିରୁ ବାଦ ପଡୁଥିବା ଓ ଅଯୋଗ୍ୟ ହିତାଧିକାରୀଙ୍କୁ ପ୍ରୀୟପ୍ରିତି ପୋଷଣ କରି ଆବାସ ଘର ଯୋଗାଇ ଦିଆଯାଇଛି, ପ୍ରକୃତ ହିତାଧିକାରୀଙ୍କୁ ରାସନ କାର୍ଡରୁ ବଞ୍ଚିତ କରାଯାଉଛି ଯତ ଫଳରେ ସେମାନେ ଚଡା ଦରରେ ଚାଉଳ,କିରୋସିନ, ଗହମ କିଣି ଶୋଷଣର ଶିକାର ହେଉଛନ୍ତି,୬୦ବର୍ଷରୁ ଉର୍ଦ୍ଧ୍ବ ବ୍ୟକ୍ତି ଓ ବିଧବା ମହିଳା ମାନେ ଭତ୍ତା ପାଇଁ ବାରମ୍ବାର ଆବେଦନ କରି ନିରାଶ ହେଉଥିଲେ ମଧ୍ୟ ସେମାନଙ୍କ ପ୍ରତି ପ୍ରଶାସନର ଆନ୍ତରିକତା ନାହିଁ,ଯାହା ଫଳରେ ଭତ୍ତା ଟଙ୍କା ପାଇବାରୁ ଅନେକ ବୃଦ୍ଧ ବୃଦ୍ଧା ବଞ୍ଚିତ ହେଉଛନ୍ତି,ସରକାରଙ୍କ ହରିଶ୍ଚନ୍ଦ୍ର ଯୋଜନା ଶବ ସତ୍କାର ପାଇଁ ଉଦ୍ଦିଷ୍ଟ ଥିବା ବେଳେ ତାହା ମାସ ମାସ ଧରି ମିଲୁ ନ ଥିବାରୁ ଶୋକ ସନ୍ତପ ପରିବାର ଠିକ ସମୟରେ ସହା ୟତାରୁ ବଞ୍ଚିତ ହେଉଛନ୍ତି,ଗୃହ ପାଳିତ ପଶୁ ପାଳନ କରି ଜୀବିକା ନିର୍ବାହ କରୁଥିବା ବ୍ୟକ୍ତି ବିଶେଷଙ୍କୁ ଠିକ ଭାବରେ ଚୟନ କରି ଉକ୍ତ ଯୋଜନାରେ ସାମିଲ କରାଯାଉ, କୋଭି ଡ -୧୯ପରିଚାଳନା ପାଇଁ ପଞ୍ଚାୟତ କୁ ଦିଆଯାଇଥିବା ଅର୍ଥ ବିନିଯୋଗର ତଦନ୍ତ କରାଯାଇ ସର୍ବସାଧାରଣରେ ଅବଗତ କରାଯାଉ,ଗ୍ରାମ ପଞ୍ଚାୟତ ଅଧୀନ ସମସ୍ତ ଗ୍ରାମରେ ଥିବା ଯୋଗ୍ୟ ହିତାଧିକାରୀଙ୍କୁ ଅନ୍ନପୂର୍ଣ୍ଣା ଯୋଜନାରେ ସାମିଲ କରାଯାଉ,ସମସ୍ତଙ୍କୁ ପିଇବା ପାଣି,ପରିବେଶ ସ୍ବାସ୍ଥ୍ୟ କାର୍ଡ,ସ୍ୱାସ୍ଥ୍ୟବୀମା, କୋଭି ଡ ପ୍ରମାଣ ପତ୍ର ଆଦି ସମସ୍ତଙ୍କୁ ଯୋଗାଇ ଦେବାକୁ କଂଗ୍ରେସ ଦଳ ତରଫରୁ ଦାବି କରାଯାଇଛି l ତେବେ ଉପରୋକ୍ତ ସମୂହ ଦାବିପ୍ରତି ପଦକ୍ଷେପ ନିଆ ନ ଗଲେ ଆଗାମୀ ଦିନରେ ପଞ୍ଚାୟତ କାର୍ଯ୍ୟାଳୟକୁ ତାଲା ପକାଇ ଦିଆଯିବ ଓ ବ୍ଲକ ଅଫିସକୁ ସମ୍ପୂର୍ଣ୍ଣ ଭାବେ ଅଚଳ କରିଦିଆଯିବ ବୋଲି ଦାବିପତ୍ରରେ ଉଲ୍ଲେଖ କରାଯାଇଛି l