30-Aug-2021

ସୋନପୁର(ମନୋରଞ୍ଜନ ତ୍ରିପାଠୀ ) : ଆମ ଓଡ଼ିଆ ମାନଙ୍କ ବାରମାସରେ ତେର ପରବ ଅନୁଷ୍ଠିତ ହୋଇଥାଏ l ସେଥିମଧ୍ୟରୁ ଭାଦ୍ରଵମାସର ଶ୍ରୀ ଜନ୍ମାଷ୍ଟମୀ ଏକ ପ୍ରମୁଖ ପର୍ଵ ଅଟେ l ସୁବର୍ଣ୍ଣପୁର ଜିଲ୍ଲା ଆଜି ଠୁଁ  ଉତ୍ସବ ପାର୍ବଣ  ମୁଖର ହୋଇ ଉଠିଛି। ପୁରପଲ୍ଲୀରୁ ଆରମ୍ଭ କରି ଜିଲ୍ଲାର ସଦର ମହକୁମା ରେ ଜନ୍ମାଷ୍ଟମୀ କୁ ବହୁ ଆନନ୍ଦ ଓ ଉଲ୍ଲାସର ସହିତ ପାଳନ କରାଯାଉଅଛି। ସୋନପୁର  ବୃନ୍ଦାବନ ବିହାରୀ ମନ୍ଦିରରେ ମଧ୍ୟ ଆଜି ଏହାକୁ କୋଭିଡ ନିୟମ ରେ ନିରାଡ଼ମ୍ବର  ସହିତ ପାଳନ କରାଯାଇଛି l ସକାଳୁ ସନ୍ଧ୍ୟା ଯାଏ ମହିଳା ଭକ୍ତ ଶ୍ରଦ୍ଧାଳୁ ମାନେ ସାମାଜିକ ଦୂରତା ନିୟମ କୁ ସମ୍ମାନ ଜଣାଇ ଦର୍ଶନ କରି  ଉପବାସରେ ରହିଥିବା ଶ୍ରଦ୍ଧାଳୁ ବୃନ୍ଦ ମନ୍ଦିରରେ  ପୂଜାର୍ଚ୍ଚନା  କରିଥିଲେ l 
ବାଳଗୋପାଳ ଙ୍କୁ କ୍ଷୀର ପିଆଇବା ସହ ଫୁଲରେ ସଜ୍ଜିତ କରାଯାଇଥିଲା  ଓ ଦୋଳି ଖେଳା ଖେଳା ଯାଇ ଥିଲା, 
 ତାପରେ ଭଗବାନ କୃଷ୍ଣଙ୍କ ଆଜିର ଏହି ଭାଦ୍ରଵମାସର କୃଷ୍ଣ ଅଷ୍ଟମୀ ତିଥିରେ ରୋହିଣୀ ନକ୍ଷତ୍ରରେ ଜନ୍ମର ରହସ୍ୟ କଥାମୃତକୁ ପଠନ କରାଯିବାର ଦେଖିବାକୁ ମିଳିଥିଲା।
ଉକ୍ତ କାର୍ଯ୍ୟକ୍ରମକୁ ମନ୍ଦିରର ପୂଜକ ପଣ୍ଡିତ ରାଜେନ୍ଦ୍ର କୁମାର ମହାପାତ୍ର ପୂଜା ଅର୍ଚନା ସହ ସୁ -ପରିଚାଳନା କରିଥିବା  ବେଳେ ହେମନ୍ତ ମିଶ୍ର, ଶ୍ରୀତମ ମହାପାତ୍ର, ଜୟ ନାରାୟଣ ସାହୁ, ଅମିତ ବର୍ଦ୍ଧନ, ରାଜୁ ସାହୁ, ସଞ୍ଜୟ ମେହେର ସହଯୋଗ କରିଥିଲେ l  ଉକ୍ତ ପୂଜାର୍ଚ୍ଚନା ଆସନ୍ତା କାଲି ପର୍ଯ୍ୟନ୍ତ ଚାଲୁ  ରହିବ l