30-Aug-2021

ବଲାଙ୍ଗିର(ପ୍ରେରଣା ଖବର) :: ପ୍ରସ୍ତାବିତ ବସ ଟର୍ମିନାଲ ର ବିଭିନ୍ନ ସମସ୍ଯା ନେଇ ଗତ ୬ ମାର୍ଚ୍ଚ ୨୦୨୧ ରେ ବସ ମାଲିକ ସଂଘ ଓ ଅର୍କେଶ ନାରାୟଣ ସିଂହଦେଓ ମିଳିତ ଭାବରେ ଭୁବନେଶ୍ବର ରେ ରାଜ୍ଯ ସରକାରଙ୍କ ପରିବହନ ମନ୍ତ୍ରୀ ଶ୍ରୀଯୁକ୍ତ ପଦ୍ମନାଭ ବେହେରାଙ୍କ ସହିତ ସାକ୍ଷାତ କରି ସଂଘ ପକ୍ଷରୁ ୯ ଦଫା ସମ୍ବଳିତ ଦାବିପତ୍ର ପ୍ରଦାନ କରାଯାଇଥିଲା । ଉକ୍ତ ଦାବୀ ଗୁଡିକୁ ନେଇ ଉଚିତ୍ କାର୍ଯ୍ଯାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ ପ୍ରତିଶୃତି ଦେଇଥିବା ବେଳେ ବସଟର୍ମିନାଲ ର ନିର୍ମାଣ କାର୍ଯ୍ଯ ଏଯାଏଁ ଚାଲିଛି । ଇତି ମଧ୍ଯରେ ବସ ମାଲିକ ସଂଘ ଓ ଅର୍କେଶ ନାରାୟଣ ସିଂହଦେଓ ଙ୍କ ଆଉ ଗୋଟିଏ ମିଳିତ ବୈଠକ ଗତ କାଲି ବସ ମାଲିକ ସଂଘ କାର୍ଯାଳୟରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ସେହି ୯ ଦଫା ଦାବୀ ଉପରେ ଆଲୋଚନା କରାଯାଇ ରାଜ୍ଯ ସରକାରଙ୍କ ପରିବହନ ବିଭାଗ ସହିତ ଯୋଗାଯୋଗ କରି ସମସ୍ତ ସମସ୍ଯା ଗୁଡିକୁ ସମାଧାନ କରିବାକୁ ପ୍ରୟାସ ଜାରୀ ରହିବ ବୋଲି ସହମତି ପ୍ରକାଶ ପାଇଛି । କରୋନା ର ଦ୍ବିତୀୟ ପର୍ଯ୍ଯାୟ ପରେ ଅର୍କେଶ ନାରାୟଣ ସିଂହଦେଓ ଓ ବସ ମାଲିକ ସଂଘ ମଧ୍ଯରେ ବୈଠକ ପ୍ରଥମ ଥର ବସିଥିବା ବେଳେ ଏହି ବିଷୟରେ ବସ ମାଲିକ ସଂଘ ସଭାପତି ଶ୍ରୀଯୁକ୍ତ ହେମନ୍ତ ପଣ୍ଡା ଯୋଗାଯୋଗ ରେ ସବୁବେଳେ ରହିଛନ୍ତି  । ଏହି ବୈଠକ କୌଣସି ଏକ ନିଜସ୍ବ ଜରୁରୀ କାଳୀନ କାର୍ଯ୍ଯରେ ରେ ସଭାପତି ଜିଲ୍ଲା ବାହାରେ ଥିବାରୁ  ତାଙ୍କ ପରାମର୍ଶ କ୍ରମେ ବସ ମାଲିକ ସଂଘର ସମ୍ପାଦକ ପ୍ରଦ୍ୟୁତ ମିଶ୍ର,  ଉପସଭାପତି ସୌମେନ୍ଦ୍ର ପରିଛା , କୋଷାଧ୍ୟକ୍ଷ ଶିବ ଶଙ୍କର ପଟେଲ , ଭବାନୀ ପଟେଲ , ସଞ୍ଜିବ ମହାନ୍ତି , ଡମ୍ବରୁଧର ଆଚାର୍ଯ୍ଯ  , ହିମାଂଶୁ ନାୟକ , ଟିକି ପଧାନ , ସଞ୍ଜିବ ସାହୁ , ସତ୍ଯ ପତି , ଶ୍ରୀଦେବ ମିଶ୍ର , ବୁଲୁ ବେହେରା , ବିକାଶ ହୋତା, ଟିକୁ ନନ୍ଦ , ସଞ୍ଜିବ ପଣ୍ଡା , ପାରିଶ ପଟେଲ , ଜୟନ୍ତ ସିଂହଦେଓ , ଲକ୍ଷ୍ମୀନାରାୟଣ ସାହୁ  ଏହି ବୈଠକରେ ଉପସ୍ଥିତ ହୋଇ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ପ୍ରକାଶ ଯେ ଗତ ୨୦୧୬ ମସିହାରେ ଅର୍କେଶ ନାରାୟଣ ସିଂହଦେଓ ଙ୍କ ନେତୃତ୍ବ ରେ ଏକ ଟିମ ତତକାଳୀନ ପରିବହନ ମନ୍ତ୍ରୀ ରମେଶ ଚନ୍ଦ୍ର ମାଝୀଙ୍କୁ ସାକ୍ଷାତ କରି ବଲାଙ୍ଗିର ରେ ଟର୍ମିନାଲ ପାଇଁ ଦାବୀ କରାଯାଇ ଥିଲା । ପରେ ପରେ ତତକାଳୀନ ରାଜ୍ଯସଭା ସାଂସଦ ଅନଙ୍ଗ ଉଦୟ ସିଂହଦେଓ ଓ ତତକାଳୀନ ଲୋକସଭା ସାଂସଦ କଳିକେଶ ନାରାୟଣ ସିଂହଦେଓ  ବଲାଙ୍ଗିର ବସ ମାଲିକ ସଂଘ ଏବଂ ବଲାଙ୍ଗିର ଜିଲ୍ଲାପାଳଙ୍କ ସହିତ ଆଲୋଚନା କରି ୨୦୧୭ ରେ ବସଟର୍ମିନାଲ କାର୍ଯ୍ଯ ଆରମ୍ଭ ହୋଇଛି ।