29-Aug-2021

ବଲାଙ୍ଗିର,(ପ୍ରେରଣା ଖବର)- ସ୍ଥାନୀୟ ସୁପ୍ରିମଟାକ୍ସ ନର୍ସିଂ କଲେଜ, ବଲାଙ୍ଗିର ତରଫରୁ ଡାଇରେକ୍ଟର ଅଜିତ ପାଲ ଙ୍କ ଆହ୍ୱାନ କ୍ରମେ ଆଜି ଜାତୀୟ କ୍ରୀଡା ଦିବସ ମହାସମାରୋହରେ ପାଳିତ ହୋଇଯାଇଛି । ଯୁବ ସମାଜ ସୁସ୍ଥ ସବଳ ଉପଲକ୍ଷେ କ୍ରିଡା ଅନିବାର୍ଯ୍ୟ । ଏହି ପରିପ୍ରେକ୍ଷୀରେ ୨୦୦ରୁ ଉର୍ଦ୍ଧ୍ୱ ଯୁବକ ଯୁବତି ଗଣ ଦୌଡରେ ସାମିଲ ହୋଇଥିଲେ । ବଲାଙ୍ଗିର ଉପ-ଜିଲ୍ଲାପାଳ ଲମ୍ବୋଦର ଧରୁଆ ମୁଖ୍ୟ ଅତିଥି ଭାବରେ ଯୋଗଦେଇ ଆନୁଷ୍ଠାନିକ ଭାବେ ଗଣଦୌଡକୁ ଶୁଭାରମ୍ଭ କରିଥିଲେ । କଳାମଣ୍ଡଳ ପଡିଆ ଠାରୁ ଭାଗିରଥି ଛକ, କଚେରୀ ଛକ, କଲେଜ ଛକ ଦେଇ ଗାନ୍ଧୀ ଷ୍ଟାଡିୟମ ପର୍ଯ୍ୟନ୍ତ ଗଣଦୌଡ ହୋଇଥିଲା । 
    କ୍ରିକେଟ କୋଚ ଅରୁଣ କୁମାର ନାଏକ, ସୁପ୍ରିମଟାକ୍ସ ଏସୋସିଏସଟ ଡାଇରେକ୍ଟର ପ୍ରବୀଣ ନାଗ, ମ୍ୟାନେଜର ମାରିଆନସ୍ ଲାକ୍ରା, ହସପିଟାଲ ପ୍ରଶାସନିକ ଅଧିକାରୀ ସିମନ ପାଲ, ନର୍ସିଂ କଲେଜ ପ୍ରଶାସନିକ ଅଧିକାରୀ ସୌମ୍ୟ ପ୍ରକାଶ ମିଶ୍ର,  ସୁପ୍ରିମଟାକ୍ସ ର ସମସ୍ତ କର୍ମକର୍ତ୍ତା ଓ ଜିଲ୍ଲାର ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ । ଜିଲ୍ଲା କ୍ରିଡା ସଂସଦ ବଲାଙ୍ଗିର, ନାଏକ କ୍ରିକେଟ ଏକାଡେମୀ, ବଲାଙ୍ଗିର ଜିଲ୍ଲା କରାଟେ ଏସୋସିଏସନ ସହଯୋଗ କରିଥିଲେ ।