26-Aug-2021

ବଲାଙ୍ଗୀର(ପ୍ରେରଣା ଖବର) : ସାମାଜିକ ତଥା ଅର୍ଥନୈତିକ କ୍ଷେତ୍ରରେ ବଲାଙ୍ଗୀର ଜିଲ୍ଲା ପଛୁଆ ଜିଲ୍ଲା ଭାବେ ପରିଗଣିତ । ବେକାରୀ ସମସ୍ୟା ଏବଂ ଅର୍ଥାଭାବ ଯୋଗୁଁ ଏହି ଜିଲ୍ଲାରୁ ପ୍ରତିବର୍ଷ ହଜାର ହଜାର ବେକାର ଯୁବକ, ଯୁବତୀ, ମହିଳା,ପୁରୁଷ, ବୃଦ୍ଧ,ବୃଦ୍ଧା ତଥା ବାଳ ଶ୍ରମିକ ବାହାର ରାଜ୍ୟକୁ ଦାଦନ ଖଟିବାକୁ ଯାଇ ଜନଜୀବନ ଏବଂ ଯୌବନ ହଜାଇ ଆସିଥାନ୍ତି । ଏଣୁ ସରକାର ଏହି ଜିଲ୍ଲାର ଉନ୍ନତି ସକାଶେ କେବିକେ ନାମରେ ନାମିତ କରି ଜିଲ୍ଲାର ଉନ୍ନତି ପାଇଁ ସମସ୍ତ ସୁବିଧା ସୁଯୋଗ ଯୋଗାଇ ଦେଉଛନ୍ତି  ।ଏଭଳି ଏକ ଜିଲ୍ଲାରେ ଶିକ୍ଷl ର ବିକାଶ ନିମନ୍ତେ ବାଲାଜୀ କଲେଜ୍ ଗ୍ରାମାଞ୍ଚଳରୁ ଆସୁଥିବା ଗରିବ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ଖୁବ୍ କମ୍ ଟଙ୍କାରେ ଶିକ୍ଷାଦାନ କରୁଥିବା ଦେଖିବାକୁ ମିଳିଛି । ବିଗତ ଦୁଇ

ବର୍ଷ ହେବ କୋଭିଡ-୧୯ ମହାମାରୀ ଯୋଗୁ ତଥା ସରକାରଙ୍କ ତାଗିଦ୍ ଯୋଗୁ ଏହି ବାଲାଜୀ କଲେଜର ଛାତ୍ରଛାତ୍ରୀଙ୍କ ଏଡମିସନ୍ କମିଯାଇଛି । କଲେଜ୍ ଆରମ୍ଭରୁ ୧୨୮ ସିଟ ଥିବା ବେଳେ ଶିକ୍ଷl ବିଭାଗ ୬୪ ସିଟ କରି ଦେଇଛନ୍ତି । ଚଳିତ ବର୍ଷ ମେଟ୍ରିକ୍ ପରୀକ୍ଷା ରେ ଶତ ପ୍ରତିଶତ ଛାତ୍ରଛାତ୍ରୀ ପାସ କରିଥିବାରୁ ବର୍ତମାନ ପର୍ଯ୍ୟନ୍ତ ୧୩୦ ରୁ ଉର୍ଦ୍ଧ ଛାତ୍ରଛାତ୍ରୀ ତାଙ୍କ ନାମ ଏହି କଲେଜରେ ପଞ୍ଜିକରଣ କରିସାରିଲେଣି । ଏହି କଲେଜ ଗ୍ରାମାଞ୍ଚଳରେ ଥିବାରୁ ନିକଟସ୍ଥ ଗ୍ରାମର ଛାତ୍ରଛାତ୍ରୀ ମାନେ ଏହି କଲେଜ୍ ଉପରେ ନିର୍ଭର କରିଥାନ୍ତି । ବାଲାଜୀ କଲେଜ୍ ରେ ଛାତ୍ରଛାତ୍ରୀ ମାନଙ୍କ ପାଇଁ ସମସ୍ତ ସୁବିଧା ମଧ୍ୟ ଉପଲବ୍ଧ ଅଛି । ଛାତ୍ରୀ ସଂଖ୍ୟା ଏ ବର୍ଷ ଅଧିକ ଥିବାରୁ କୌଣସି ଛାତ୍ରୀ 

ଶିକ୍ଷାରୁ ବଞ୍ଚିତ ନ ହେବା ପାଇ କଲେଜ୍ ର ଡାଇରେକ୍ଟର କୈଳାସ ଅଗ୍ରୱାଲ ଶିକ୍ଷ୍ୟା ବିଭାଗକୁ ସିଟ ୧୬୦ କୁ ବର୍ଦ୍ଧିତ କରିବା ପାଇଁ ଅନଲାଇନ ରେ ଆବେଦନ କରିଛନ୍ତି । ଯଦି ସିଟ ବୃଦ୍ଧି ନ ହୁଏ ତେବେ ଛାତ୍ରଛାତ୍ରୀ ମାନଙ୍କ ମୌଳିକ ଅଧିକାର ପାଇଁ ଆଇନର ଆଶ୍ରୟ ନେବେ ବୋଲି କହିଛନ୍ତି ।