21-Aug-2021

ସୋନପୁର (ମନୋରଞ୍ଜନ ତ୍ରିପାଠୀ) : ଗତକାଲି ସୁବର୍ଣ୍ଣପୁର ଏଡ଼ିଏମ, ସବକଲେକ୍ଟର, ଏମ ଭି ଆଇ, ପୌର ଅଧିକାରୀ ଓ  ପ୍ରାଣୀ  ଚିକିତ୍ସାଧିକାରୀ ପ୍ରମୁଖ ପ୍ରଶାସନିକ ଅଧିକାରୀ ମାନେ  ବ୍ଲକ ଛକ ଠାରୁ ବୀର ସୁରେନ୍ଦ୍ର ସାଏ ଛକ ଦେଇ ପଟାଭାଡ଼ି କୋଲପଡା କାଞ୍ଜି ହାଉସ ଯାଏ  ଦୀର୍ଘ ତିନି କିଲୋମିଟର ପଦ ଯାତ୍ରା କରି ସହରର  ବୁଲା ଗାଈଗୋରୁଙ୍କୁ ଘଉଡ଼ାଇ ଉତ୍ସାହିତ କରିଥିଲେ ପୌର କର୍ମଚାରୀ ଓ ସ୍ବେଛାସେବୀଙ୍କୁ l ଗତ  16 ତାରିଖ ରୁ ମାଁ ସୁରେଶ୍ୱରୀଙ୍କ ମନ୍ଦିର ସାମ୍ନାରୁ ଶୁଭାରମ୍ଭ ହୋଇଥିବା ଏହି ଅଭିଯାନରେ ଆଜି ଯାଏ ପ୍ରଶାସନକୁ  ସେମିତି କିଛି ଆଖିଦୃଶିଆ ବା ବଡ଼ଧରଣର  ସଫଳତା ମିଳି ନ ଥିଲେ ବି ଗାଈ ଗୋରୁ ଧରିବାରେ ପ୍ରତିଦିନର ଭୁଲ ତ୍ରୁଟିକୁ କିନ୍ତୁ  ସୁଧାରି ଏ କଠିନ କାର୍ଯ୍ୟ ର ପରୀକ୍ଷା ନିରୀକ୍ଷା କରାଯାଉଥିବା ଜଣା ପଡିଛି l ବାରମ୍ବାର  ସମୀକ୍ଷା କରାଯାଇ  ଅଭିଯାନ ସଫଳତା ଲାଗି  ନୁଆଁ ନୁଆଁ  ରଣ କୌଶଳ ଆପଣlଇବା ପାଇଁ ଆଜି ପ୍ରଶାସନ ର ଯୋଜନା ପ୍ରସ୍ତୁତି ହେଇଥିବା ଜଣା ପଡିଛି l ଗତ କାଲି ବଜରଙ୍ଗ ଦଳ, ଆର ଏସ ଏସ, ରକ୍ତ ଦାତା ସଂଘ, ବୁଢା ରାଜା କ୍ଲବ, ୟୁଥ ଫର ଏକ୍ସନ, ସ୍ୱଚ୍ଛ  ଭାରତ, ପ୍ରମୁଖ ସ୍ବେଛାସେବୀ ସଂଗଠନ କର୍ମକର୍ତ୍ତା ପ୍ରଶାସନ ଓ ପୋଲିସ, ପୌର କର୍ମଚାରୀ ଙ୍କ ସହ 100  ରୁ ଉର୍ଦ୍ଧ୍ୱ  ବୁଲା ଗାଈ ଗୋରୁଙ୍କୁ କାଞ୍ଜି ହାଉସ ଅଭିମୁଖେ ଘଉଡ଼ାଇନେଇଥିଲେ l ହେଲେ ଖୁବ  ଦୁର,  ଅନ୍ଧାରିଆ ରାସ୍ତା, ଓ ବର୍ଷା କାଦୁଅ ଯୋଗୁଁ ଶେଷ ମୁହୂର୍ତ୍ତରେ ଗାଈ ଗୋରୁଙ୍କୁ ଆୟତ୍ତ କରିବା ସମ୍ଭବ ହୋଇ ପାରିଲା ନାହିଁ l ଅଳ୍ପକେ ବଡ଼ ସଫଳତା ରୁ ବଞ୍ଚିତ ହେଲା  ଗତ କାଲି ର ମିଶନ ଗୋ ସୁରକ୍ଷା l ହେଲେ ଏ ପ୍ରୟାସ ଟି ସାଧାରଣ ଜନତାଙ୍କୁ  ଖୁବ ସଚେତନ କରିଛି   ଏବଂ ଧର୍ଯ୍ୟ, ବାରମ୍ବାର ପ୍ରୟାସ, ଅସଫଳତା,  ଓ 

ଏଭଳି ପରୀକ୍ଷା ନିରୀକ୍ଷା , ଏ କାର୍ଯ୍ୟ ରେ ଅଭିଜ୍ଞ ବ୍ୟକ୍ତି  ଙ୍କ ପରାମର୍ଶ  ହିଁ  ନିଶ୍ଚୟ ସଫଳତା ର ବାଟ ଦେଖାଇବ   ବୋଲି ଶେଷରେ ଏଡ଼ିଏମ ଶ୍ରୀ ସୂର୍ଯ୍ୟ ନାରାୟଣ ଦାଶ ପୌର କର୍ମଚାରୀ ଓ ସ୍ବେଛାସେବୀ ଙ୍କୁ ବୁଝାଇ ଉତ୍ସାହିତ କରିଥିଲେ l ଏଡ଼ିଏମ ଶ୍ରୀ ଦାଶ ଙ୍କ ତତ୍ୱାବଧାନରେ ଓ  ପୌର ପରିଷଦ ନିର୍ବାହୀ ଅଧିକାରୀ ଶୁଭ୍ରାଂଶୁ ରୁଟ, ସୂଚନା ଅଧିକାରୀ ଶିବ ପ୍ରସାଦ ସାହୁ, ନୋଡାଲ ଅଫିସର ଅଜିତ ନାଏକଙ୍କ  ସଂଯୋଜନାରେ ଏ ଅଭିଯାନ ଚାଲୁ ରହିଛି l ଆଜି ଶନିବାର ସନ୍ଧ୍ୟା ରେ ପୁଣି ପଟାଭାଡି ଛକ ରୁ ଏ ଅଭିଯାନ ଆରମ୍ଭ ହୋଇଥିବା ଏବେ ସୂଚନା ମିଳିଛି l