21-Jun-2026

ବଲାଙ୍ଗୀର(ପ୍ରେରଣା ଖବର) ରବିରାର ଦିନ ବିଶ୍ୱ ଯୋଗ ଦିବସ, ଦିବ୍ୟ ଜ୍ୟୋତି ଜାଗୃତି ଯୋଗ ସଂଗଠନ ଲାଲଟିକ୍ରା ବଲାଂଗିର, ପକ୍ଷରୁ ଭୀମ ଭୋଇ ଭେଷଜ ମହାବିଦ୍ୟାଳୟ କ୍ୟାମ୍ପସରେ ପାଳିତ ହୋଇ ଯାଇଛି । ଉକ୍ତ କାର୍ଯ୍ୟକ୍ରମରେ ଭୀମ ଭୋଇ ମେଡିକାଲ କଲେଜ ଅଧ୍ୟକ୍ଷ ଡାକ୍ତର ଶ୍ରୀମତୀ ସ୍ୱୟଂ ପ୍ରଭା ପ୍ରଧାନ । ମୂଖ୍ୟ ଅତିଥି ରୂପେ ଯୋଗ ଦେଇ ଯୋଗର ଉପାଦେୟ ପୁଙ୍ଖାନୁପୁଙ୍ଖ ଆଲୋଚନା କରି, ଲୋକ ମାନଙ୍କୁ ଯୋଗ କରିବା ପାଇଁ ପ୍ରବର୍ତ୍ତାଇ ଥିଲେ । ଯୋଗ ଜୀବନର ଅବିଚ୍ଛେଦ୍ୟ ଅଂଶ । ଯୋଗ ଦ୍ୱାରା ଜୀବନ ସରସ ସୁନ୍ଦର ଗଢ଼ି ତୋଳି ହୁଏ । ଯୋଗ କେବେ କାହାଦ୍ୱାରା ସୃଷ୍ଟି ହୋଇଥିଲା, ତାହା ଉପରେ ସମ୍ୟକ ସୂଚନା ପ୍ରଦାନ କରିଥିଲେ । ତତ୍ ସହିତ ସମ୍ମାନୀତ ଭୀମ ଭୋଇ ମେଡିକାଲ କଲେଜର ଡାକ୍ତର ଦିବ୍ୟ ପ୍ରସନ୍ନ ମହାନ୍ତି ଓ ଡାକ୍ତର ଜୟନ୍ତୀ ନାଏକ ପ୍ରମୁଖ ଉପସ୍ଥିତ ଥିଲେ । ଅନ୍ୟତମ ପ୍ରମୁଖ ସମ୍ମାନିତ ଅତିଥି ଅନୁଷ୍ଠାନର ସଭାପତି ଶ୍ରୀଯୁକ୍ତ ସୀତାରାମ ଦାଶ, ସଂମ୍ପାଦକ ହ୍ୟୁମ୍ ମହମ୍ମଦ୍ କୋଷାଧ୍ୟକ୍ଷ ନୀଳକଣ୍ଠ ମେହେର, ମୁଖ୍ୟ ପରାମର୍ଶଦାତା ଆନନ୍ଦ ଚନ୍ଦ୍ର ବେହେର ସଭାକୁ ସାଫଲ୍ୟମଣ୍ଡିତ କରି ଥିଲେ । ଉକ୍ତ କାର୍ଯ୍ୟକୁ ସାଇନଟିଷ୍ଟ ମନୋଜ କୁମାର ବାରିକ୍ ପରିଚାଳନ କରି ଅନୁଷ୍ଠାନର ସୃଷ୍ଟି ସମ୍ପର୍କରେ ଲୋକମାନଙ୍କୁ ସମ୍ୟକ୍ ସୂଚନା ପ୍ରଦାନ କରି  ଯୋଗ ଶିକ୍ଷକ ଦ୍ବୟ ଶ୍ରୀଯୁକ୍ତ ବିରଞ୍ଚି ଗହୀର ଓ ସହଦେବ ଧରୁଆଙ୍କୁ ବିଶ୍ୱ ଯୋଗ ଦିବସର ପ୍ରୋଟୋକଲ ଅନୁଯାୟୀ, ଯୋଗକୁ ଆଗେଇ ନେବା ପାଇଁ ମନୋଜ କୁମାର ବାରିକ ଆମନ୍ତ୍ରିତ କରିଥିଲେ ।

ଏହି ମହତ୍ କାର୍ଯ୍ୟକ୍ରମକୁ ଆଗେଇ ନେବାରେ ବହୁତ ଲୋକଙ୍କ ଭୂମିକା ରହିଛି ।  ଲକ୍ଷ୍ମଣ ମିଶ୍ର, ସୂର୍ଚ୍ଚନ ପୁଟେଲ୍, କାମେଶ୍ୱର ମହାଳିକ, ଶୁଶାନ୍ତ କୁମାର ପଣ୍ଡା, ଆନନ୍ଦ ଚନ୍ଦ୍ର ସାଏ, ଅଚ୍ୟୁତାନନ୍ଦ ରାଉତ୍, ବିକାଶ କୁମାର୍ ପଟେଲ, ଟଙ୍କଧର ମହାକୁର, ବିଶ୍ୱନାଥ ସାଏ, ବୃନ୍ଦାବନ ପାଣ୍ଡେ, ସୁବ୍ରତ ପଟେଲ ଆଦି ସଭ୍ୟମାନଙ୍କ ପୂର୍ଣ୍ଣ ସହଯୋଗରେ । ଅନ୍ତର୍ଜାତୀୟ ଯୋଗ ଦିବସ ସାଫଲ୍ୟ ମଣ୍ଡିତ ହୋଇ ପାରିଥିଲା। ଉକ୍ତ କାର୍ଯ୍ୟକ୍ରମରେ ଶତାଧିକ ଲୋକ ସାମିଲ୍ ହୋଇ ଯୋଗକୁ ଜୀବନର ଅବିଚ୍ଛେଦ୍ୟ ଅଂଶ ଭାବରେ ଗ୍ରହଣ କରିବା ପାଇଁସଭାରେ ଲୋକଙ୍କୁ କାମେଶ୍ୱର ମହାଳିକ ଶପଥ ପାଠ କରାଇଥିଲେ । ଶେଷରେ ଯୋଗ ଶିକ୍ଷକ ଶ୍ରୀଯୁକ୍ତ ସହଦେବ ଧରୁଆ ସମସ୍ତଙ୍କୁ ଧନ୍ୟବାଦ ଅର୍ପଣ କରି ଥିଲେ ।