22-Jun-2026

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର)
ଡାବୁଗାଁ ବ୍ଲକର ବିଭିନ୍ନ ଖୁଚୁରା ସାର ବିକ୍ରି ଦୁକାନକୁ ଯାଇ ଷ୍ଟକ ଏବଂ ବିକ୍ରୟ ରେଜିଷ୍ଟେର ଯାଞ୍ଚ କରିବା ସହ ଚାଷୀଙ୍କୁ ବ୍ୟାଗରେ ମୁଦ୍ରିତ ମୂଲ୍ୟ ବା ସରକାରୀ ମୂଲ୍ୟରେ ସାର ଭିକ୍ରି ପାଇଁ ନିର୍ଦେଶ ଦେଲେ କୃଷି ଅଧିକାରୀ। ସୂଚନା ପ୍ରକାରେ ଡାବୁଗାଁ ବ୍ଲକରେ ପ୍ରାୟ ୫୧୦୦ ହେକ୍ଟରରେ ଧାନ, ୩୩୦୦ ହେକ୍ଟରରେ ମକା ଓ ଅନ୍ୟାନ୍ୟ ଜମିରେ ମାଣ୍ଡିଆ, ମୁଗ, ବିରି, କୋଳଥ, କାନ୍ଦୁଲ ଚାଷ ହେଉଛି| ବ୍ଳକର ୯୦ ପ୍ରତିଶତ ଚାଷୀଙ୍କୁ ଲ୍ୟାମ୍ପସ ଦ୍ବାରା ପ୍ରତିବର୍ଷ ସରକାରୀ ଦରରେ ସାର ଓ ବିହନ ଯୋଗାଇ ଦିଆଯାଉଛି। ଡାବୁଗାଁ କୃଷି ବିଭାଗ ତରଫରୁ ସ୍ବୀକୃତିପ୍ରାପ୍ତ ୨୨ ଜଣଙ୍କୁ ସାର ବିକ୍ରୟ ଅନୁମତି ଥିବା ବେଳେ ୩୫ ଜଣଙ୍କୁ ବିହନ ବିକ୍ରୟ ସ୍ବୀକୃତି ମିଳିଛି। ଗତ ଫେବ୍ରୁଆରି ମାସରୁ ସ୍ବୀକୃତିପ୍ରାପ୍ତ ସାର ବିକ୍ରେତା ସାର ଆଣି ମହଜୁଦ ରଖିଥିବା ବେଳେ ଲ୍ୟାମ୍ପସରେ ସାର ବିକ୍ରି ଉପରେ କଟକଣା ଥିବାରୁ ଖୁଚୁରା ବିକ୍ରେତା ଏହାର ଫାଇଦ ଉଠାଇ ଚାଷୀଙ୍କୁ ଚଢ଼ା ଦରରେ ବିକ୍ରି କରୁଥିବା ଅଭିଯୋଗ ହେବା ପରେ ଏହାର ସତନ୍ତ ଆରମ୍ବ କରିଛି କୃଷି ବିଭାଗ ଏବଂ ଯଦି ଚାଷୀଙ୍କୁ କଡା ଦରରେ ଖୁଚୁରା ବ୍ୟବସାୟୀ ମାନେ ସାର ବିକ୍ରି କରନ୍ତି ତେବେ ସେମାନଙ୍କ ପ୍ରତି ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦେଇ ଦେଇଛନ୍ତି କୃଷି ଅଧିକାରୀ ।