28-Sep-2020

କଳାହାଣ୍ଡି ଜିଲ୍ଳା ରେ ରାଜ୍ୟ ସରକାର ଙ୍କ ୫-ଟି କିମ୍ବା ‘ମୋ ସରକାର’ କୁ ଖାତିର କରୁନାହାଁନ୍ତି କର୍ମଚାରୀ  ,ବିଭିନ୍ନ ଯୋଜନାରେ ଚାଲିଛି ଦୁର୍ନୀତି ଏପରିକି ଖୋଲା ଖୋଲି ଲାଞ୍ଚ ନେଉଛନ୍ତି ରାଜସ୍ୱ ବିଭାଗ କର୍ମଚାରୀ ଏପରି ଏକ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା କୋକସରା ବ୍ଲକ ତହସିଲ ଅନ୍ତର୍ଗତ ଆମପାଣି ରାଜସ୍ଵ ନିରୀକ୍ଷକ ଙ୍କ କାର୍ଯ୍ୟାଳୟରେ ।  ଏଠାରେ କାର୍ଯ୍ୟରତ ରାଜସ୍ଵ ନିରୀକ୍ଷକ ଅମରକାନ୍ତ ମଙ୍ଗରାଜ ଲୋକଙ୍କ ଜମି ନ୍ୟୁଟେସନ କରିବା ପାଇଁ ଟଙ୍କା ଲାଞ୍ଚ ନେଉଥିବା ଭିଡିଓ  ଏବେ ସୋସିଆଲ ମିଡ଼ିଆ ରେ  ଭାଇରାଲ ହେବାରେ ଲାଗିଛି l ଜଣେ ଗରିବ ଲୋକ  ଜମି ର ନ୍ୟୁଟେସନ୍ ପାଇଁ କହିଲା ପରେ  ସଂପୃକ୍ତ ରାଜସ୍ବ ନିରୀକ୍ଷକ ୨ ହଜାର ଟଙ୍କା ଲାଞ୍ଚ ମାଗିଥିବା ବେଳେ ପଇସା ଦେଲେ ୫/ ୭ ଦିନରେ କାମ ହେବ , ନଦେଲେ କାମକୁ ଅଟକାଇ ଦେବି ବୋଲି କହୁଥିବା ଭିଡିଓ ରେ ଦେଖିବାକୁ ମିଳିଛି  ଅନ୍ୟ ଜଣେ ଗରୀବ ଲୋକ ୫ଶହ ଟଙ୍କା ଲାଞ୍ଚ  ଦେଉଥିବା ବେଳେ ସଂପୃକ୍ତ କର୍ମଚାରୀ ଜଣକ ଆହୁରି  ଟଙ୍କା ମାଗୁଥିବା ଭିଡିଓ ରୁ ସ୍ପଷ୍ଟ ବାରି ହୋଇ ପଡୁଛି ।  ରାଜସ୍ବ ନିରୀକ୍ଷକ ଲାଞ୍ଚ ନେଉଥିବା ଭିଡିଓ ଭାଇରାଲ ହେବା ପରେ କଳାହାଣ୍ଡି ରାଜସ୍ବ ବିଭାଗର ଅସଲ  ଗୁମର ଖୋଲିଛି । ଏଥିପ୍ରତି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହେଉଛି  l