10-Aug-2021

ନୂଆଦିଲ୍ଲୀ : ଦେଶରେ ଖୁବଶୀଘ୍ର ଆରମ୍ଭ ହେବ ବୁଲେଟ୍‌ ଟ୍ରେନ ସେବା । ଏ ନେଇ ଜୋରଦାର ପ୍ରସ୍ତୁତି ଜାରି ରହିଛି । ଦିଲ୍ଲୀ ରୁ ବାରଣାସୀ ପର୍ଯ୍ୟନ୍ତ ଆରମ୍ଭ ହେବ ଏହି ସେବା । ଦେଶରେ ବୁଲେଟ୍ ଟ୍ରେନ୍‌ ଚଳାଇବାକୁ କାମ ଜାରି ରଖିଥିବା ସଂସ୍ଥା ନେସନାଲ ହାଇ ସ୍ପିଡ୍‌ ରେଲ୍‌ କର୍ପୋରେସେନ୍ ଲିମିଟେଡ୍‌ (NHSRCL) କହିବା ମୁତାବକ ସେପ୍ଟେମ୍ବର ମାସ ସୁଦ୍ଧା ଦିଲ୍ଲୀ-ବାରଣାସୀ କରିଡର କାମ ଶେଷ ହୋଇଯିବ । ଦିଲ୍ଲୀର ଖାନ ମାର୍କେଟରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ କ୍ଷେତ୍ର ବାରଣାସୀ ପର୍ଯ୍ୟନ୍ତ ପ୍ରାୟ ୮୬୫ କି.ମି ରୁଟ୍‌ରେ ବୁଲେଟ ଟ୍ରେନ୍‌ ଚଳାଚଳ ହେବ ।

  ଏହା ସହିତ ଯମୁନା ଏକ୍ସପ୍ରେସ୍‌ଓ୍ବେରେ ହେବାକୁ ଥିବା ଏୟରପୋର୍ଟକୁ ମଧ୍ୟ ବୁଲେଟ୍‌ ଟ୍ରେନର ରାସ୍ତା ମଧ୍ୟ ସଂଯୋଗ କରାଯିବ । ନୋଏଡାର ସେକ୍ଟର ୧୪୪ରେ ପ୍ରଥମ ଷ୍ଟେସନ୍‌ ନିର୍ମାଣ ହେବ । ସେହିଭଳି ବୁଲେଟ୍‌ ଟ୍ରେନର ଦ୍ବିତୀୟ ଷ୍ଟେସନ ଜେଓ୍ବର ଆନ୍ତର୍ଜାତୀୟ ବିମାନବନ୍ଦରରେ ହେବ ।*

ଦିଲ୍ଲୀ ରୁ ବାରଣାସୀ ମଧ୍ୟରେ ମୋଟ ୧୨ଟି ଷ୍ଟେସନ ହୋଇପାରେ । ୮୬୫ କିଲୋମିଟରର ଏହି ଦୀର୍ଘପଥ ଯାତ୍ରା ଯୋଗୁଁ ଦିଲ୍ଲୀ ଆରମ୍ଭ ହୋଇ ନୋଏଡା, ମଥୁରା, ଆଗ୍ରା, କନ୍ନୋଜ୍, ଲକ୍ଷ୍ନୌ, ଅଯୋଧ୍ୟା, ରାୟବରେଲୀ, ପ୍ରୟାଗରାଜ, ଭଦୋହୀ ହୋଇ ବାରଣାସୀରେ ପହଞ୍ଚିବ ବୁଲେଟ୍ ଟ୍ରେନ ।