07-Aug-2021

ସୋନପୁର (ମନୋରଞ୍ଜନ ତ୍ରିପାଠୀ) : ଗତ କାଲି ସନ୍ଧ୍ୟା ରେ  ସୁବର୍ଣ୍ଣପୁର ନୂତନ ଜ଼ିଲ୍ଲାପାଳ ଶ୍ରୀମତୀ ଅବୋଲି ସୁନୀଲ ନରୱଣେ ଙ୍କୁ ସ୍ୱଚ୍ଛ ଭାରତ ସଂଗଠନ ସୋନପୁର-ମନମୁଣ୍ଡା ର ଏକ ଉଚ୍ଚ ସ୍ତରୀୟ ପ୍ରତିନିଧି ଦଳ ସୌଜନ୍ୟ ମୂଳକ ସାକ୍ଷାତ କରିଥିଲେ l ଗତ ମାସ ରେ  ଖବର ମାଧ୍ୟମରେ ସଂଗଠନ ପକ୍ଷରୁ ପ୍ରଶାସନ ର  ସ୍ୱତନ୍ତ୍ର ଦୃଷ୍ଟି  ଆକର୍ଷଣ ଓ ଉପସ୍ଥାପନା କରାଯାଇଥିବା ବହୁ ପୁରୁଣା  ତେଲ ନଦୀ ବ୍ରିଜ ର  ମରାମତି ଓ ରକ୍ଷଣା ବେକ୍ଷଣ ଏବଂ ଗାଈ ଗୋରୁ ସମସ୍ୟା ନେଇ  ଲୋକଙ୍କ ଦୀର୍ଘ ବର୍ଷ ର ଦାବି ଥିବା ସହର ରେ ଏକ କାଞ୍ଜି ହାଉସ ନିର୍ମାଣ ଭଳି  ଉଭୟ  ଖବର ଓ  ପ୍ରସ୍ତାବ ପ୍ରତି ଜ଼ିଲ୍ଲାପାଳ ଖୁବ ଗୁରୁତ୍ୱ  ଓ  ତୁରନ୍ତ ପଦକ୍ଷେପ ସହିତ  ଏ  କାର୍ଯ୍ୟ କୁ  ତ୍ୱରାନ୍ୱିତ କରି ଥିବାରୁ  ନୂତନ  ଜ଼ିଲ୍ଲାପାଳ ଙ୍କୁ   ସ୍ୱଚ୍ଛ ଭାରତ ସଂଗଠନ  ପକ୍ଷରୁ ପ୍ରଥମେ  ଧନ୍ୟବାଦ ଓ  ଗଭୀର କୃତଜ୍ଞତା ଜ୍ଞାପନ  କରାଯାଇଥିଲା l ଏବଂ ସୁବର୍ଣ୍ଣପୁର ଐତିହ୍ୟ ର ମୁକ ସାକ୍ଷୀ ଭାବେ ପରିଚିତ  ଶ୍ରୀ ସୁବର୍ଣ୍ଣମେରୁ ଶୈବ ପୀଠ ର  ନବୀକରଣ,  ଯାତ୍ରୀ ଓ ପର୍ଯ୍ୟଟକ ଙ୍କ  ସୁରକ୍ଷା ଓ ଇଜ୍ଜତ ରକ୍ଷା ପାଇଁ   ସହର ରେ ସମସ୍ତ ଅଞ୍ଚଳ ରେ  ପବ୍ଲିକ/ଷ୍ଟ୍ରିଟ ଟୋଲେଟ ର ତୁରନ୍ତ ନିର୍ମାଣ,  ଶିକ୍ଷା ସ୍ୱାସ୍ଥ୍ୟ,  ଗମନା ଗମନ ସମସ୍ୟା ରେ ସୁଧାର ଆଣି ସମସ୍ତ କାର୍ଯ୍ୟ କୁ ସକାରାତ୍ମକ ଢଙ୍ଗ ରେ କ୍ରିୟାନ୍ଵୟନ କରିବାକୁ ଏବଂ  ବହୁ ପ୍ରତିକ୍ଷୀତ ଖୋର୍ଦ୍ଧା ବଲାଙ୍ଗୀର ରେଲୱେ କାର୍ଯ୍ୟ କୁ ତ୍ୱରାନ୍ୱିତ କରଣ କରିବାକୁ ସଂଗଠନ  ପକ୍ଷରୁ ଲିଖିତ ଆକାର ରେ ପ୍ରସ୍ତାବ ଦିଆ ଯାଇଛି  l ଏହି ପ୍ରତିନିଧି ଦଳ ରେ ସ୍ୱଚ୍ଛ ଭାରତ  ର ଉପଦେଷ୍ଟା ଗରିବ ଲୋଈ, ବିନୋଦ ମେହେର, ପ୍ରଦୀପ ପୁରୋହିତ, ଅଭିମନ୍ୟୁ କୁଶଳ, ଶ୍ରୀ ବତ୍ସ ମଲିକ, ସୟଦ ଅଲିମୁଲ ଇସଲାମ, ଉପସଭାପତି ଇନ୍ଦୁ ମତୀ ପୁରୋହିତ, ଲଡ଼ୁ କିଶୋର ମଲିକ, ପ୍ରଫୁଲ୍ଲ ନାଏକ, ମନୋଜ ପଣ୍ଡା, ସମ୍ପାଦକ ମନୋରଞ୍ଜନ ତ୍ରିପାଠୀ, କାର୍ଯ୍ୟକାରୀ  ସଦସ୍ୟ ପ୍ରମୋଦ କୁମାର ସାହୁ, ସଂଗୀତା ନାଏକ, ପ୍ରତାପ ଦାଶ ପ୍ରମୁଖ ସାମିଲ ଥିଲେ l