07-Aug-2021

 ବିନିକା-(ହିମାଂଶୁ ଶେଖର ପୁଟେଲ): ବିନିକା ଅଞ୍ଚଳବାସୀଙ୍କ ସାମୁହିକ ଦାବିର ସମାଧାନ ପ୍ରତି ସଦାସର୍ବଦା ପ୍ରୟାସ କରି ଆସୁଥିବା ବିନିକା ସାମ୍ବାଦିକ ସଂଘର ଗୁରୁତ୍ୱପୂର୍ଣ୍ଣ ବୈଠକ ଗତକାଲି ସନ୍ଧ୍ୟାରେ ସ୍ଥାନୀୟ ଇକୋ ଭିଲେଜ ପରିସରରେ ସଂଘର ସଭାପତି ମୁକ୍ତିକାନ୍ତ ପେରାଙ୍କ ଅଧ୍ୟକ୍ଷତାରେ ଅନୁଷ୍ଟିତ ହୋଇଯାଇଛି l ସଂଘର ସଂପାଦକ ଶାନ୍ତନୁ କୁମାର ପଣ୍ଡା ଵୈଠକର ଉଦ୍ଦେଶ୍ୟ ଉପରେ ସୂଚନା ପ୍ରଦାନ କରି ଆଗାମୀ ଦିନରେ ସଂଘ ତରଫରୁ ହେବାକୁ ଯାଉଥିବା ବିଭିନ୍ନ କାର୍ଯ୍ୟକ୍ରମରେ ସକ୍ରିୟ ଭାବେ ଭାଗନେଇ କାର୍ଯ୍ୟକୁ ତ୍ବରାନ୍ବିତ କରିବାକୁ ଉପସ୍ଥିତ ସାମ୍ବାଦିକ ମାନଙ୍କୁ ଆହ୍ବାନ ଦେଇଥିଲେ l ଏହି ଅବସରରେ ବିଗତ ୩ବର୍ଷ ଧରି ସଂଘର ସଭାପତି ଓ ସଂପାଦକ ଦାୟିତ୍ଵ ନିର୍ବାହ କରିଆସିଥିବା ଅଶୋକ କୁମାର ପଣ୍ଡା ଓ ସୃଜନ କୁମାର ପଣ୍ଡାଙ୍କ ନେତୃତ୍ୱରେ ଗତ ୨୦୧୮-୧୯ ବର୍ଷରେ  ବିନିକା ଅଞ୍ଚଳବାସୀଙ୍କ ପ୍ରମୁଖ ସମସ୍ୟା ସ୍ବାସ୍ଥ୍ୟ ସେବାର ସମାଧାନ ପ୍ରତି ସଂଘର ସମସ୍ତ ସାମ୍ବାଦିକ ୨୮ଦିନ ଧରି ଧାରଣା ଦେଇଥିଲେ l ଯାହାକି ସେହି ସମୟରେ ଅଞ୍ଚଳର ବିଭିନ୍ନ ରାଜନୈତିକ ଦଳର କର୍ମକର୍ତ୍ତା,ସାମାଜିକ ଅନୁଷ୍ଠାନ,ଶିକ୍ଷାନୁଷ୍ଠାନ ଏବଂ ପଲ୍ଲୀ ଠାରୁ ସହର ଯାଏ ସାରା ଅଞ୍ଚଳବାସୀ ଉକ୍ତ ସମସ୍ୟାର ସମାଧାନ ପାଇଁ ଓତପ୍ରୋତ ଭାବେ ସମର୍ଥନ ଦେଇ ସଂଘର କାର୍ଯ୍ୟକ୍ରମକୁ ସହଯୋଗ କରିବାରୁ ସମସ୍ୟା ସମାଧାନ ହୋଇଥିଲା l ସଂଘର ଏଭଳି ମହତ କାର୍ଯ୍ୟକୁ ନେଇ ଓଡ଼ିଶାର ବିଭିନ୍ନ ସାମ୍ବାଦିକ ସଂଘ ତରଫରୁ ପ୍ରଶଂସା କରାଯିବା ସହ ସାମ୍ବାଦିକଙ୍କ ଦାବିକୁ ତୁରନ୍ତ ସମାଧାନ କରାଯାଉ ବୋଲି ସରକାରଙ୍କ ଦୃଷ୍ଟି ଆକର୍ଷଣ କରାଯାଇଥିଲା l ଫଳରେ ଉକ୍ତ ଘଟଣା ସାରା ଓଡ଼ିଶାରେ ବିନିକା ସାମ୍ବାଦିକ ସଂଘର କାର୍ଯ୍ୟକ୍ରମକୁ ନେଇ ବିଭିନ୍ନ ମହଲରେ ପ୍ରତିକ୍ରିୟା ଓ ପ୍ରଶଂସାର ସୁଅ ଛୁଟି ଥିବାରୁ  ସେହି ସମୟର ପୂର୍ବତନ ସଭାପତି ଅଶୋକ କୁମାର ପଣ୍ଡା,ସମ୍ପାଦକ ସୃଜନ କୁମାର ପଣ୍ଡା ଏବଂ କାର୍ଯ୍ୟକ୍ରମରେ ସାମିଲ ଅନ୍ୟ ସମସ୍ତ ସାମ୍ବାଦିକଙ୍କ ସହଯୋଗର ବଳିଷ୍ଠ ପରିଶ୍ରମକୁ ଵୈଠକରେ ଭୂୟସୀ ପ୍ରଶଂସା କରାଯିବା ସହ ଆଗାମୀ ଦିନରେ ମଧ୍ୟ ଅଞ୍ଚଳବାସୀଙ୍କ ସାମୁହିକ ସମସ୍ୟାର ସମାଧାନ ପାଇଁ ସଂଘ ସଦାସର୍ବଦା ପ୍ରୟାସ ଜାରି ରଖିବ ବୋଲି ନିଷ୍ପତି ନିଆ ଯାଇଥିଲା l ଏହା ବ୍ୟତୀତ ବିଭିନ୍ନ କ୍ଷେତ୍ରରେ ସାମାଜିକ କାର୍ଯ୍ୟକ୍ରମ ଯଥା-ବୃକ୍ଷରୋପଣ,ଗରିବ ଅସହାୟଙ୍କୁ ସହାୟତା,ଲୋକଙ୍କ ସମସ୍ୟାରେ ଉପସ୍ଥିତ ରହିବା,ଅଞ୍ଚଳବାସୀଙ୍କ ପ୍ରମୁଖ ଦାବିର ସ୍ୱର ଉତ୍ତୋଳନ ଆଦି କାର୍ଯ୍ୟକ୍ରମରେ ସଂଘର ସଦସ୍ୟ ମାନେ ସକ୍ରିୟ ଭାବେ ସହଯୋଗ କରିବାକୁ ନିଷ୍ପତି ନିଆ ଯାଇଥିଲା l ଅନୁଷ୍ଟିତ ଏହି ଵୈଠକରେ ସଂଘର ବରିଷ୍ଠ ସାମ୍ବାଦିକ ହିମାଂଶୁ ଶେଖର ପୁଟେଲ, ସଦାନନ୍ଦ ପ୍ରଧାନ,ରବୀନ୍ଦ୍ର କୁମାର ହୋତା,ଲକ୍ଷ୍ମଣ ପାତ୍ର,ଜୟରାମ ସେଠ ପ୍ରମୁଖ ଯୋଗ ଦେଇଥିବା ବେଳେ ଶେଷରେ ସଂଘର ଉପସଭାପତି ମୁକେଶ ବଗର୍ତ୍ତୀ ଧନ୍ୟବାଦ ଅର୍ପଣ କରିଥିଲେ l