06-Aug-2021

ଗୋଶାଳା(ସଂଜୀବପାଣିଗ୍ରାହୀଙ୍କରିପୋର୍ଟ): ଓଡିଶା ସରକାରଙ୍କ ସାମାଜିକ ସୁରକ୍ଷା ଓ ଭୀନ୍ନକ୍ଷମ ସଶକ୍ତିକରଣ ବିଭାଗ ସମ୍ବଲପୁର ଜ଼ିଲ୍ଲା କାର୍ଯ୍ୟାଳୟ ପକ୍ଷରୁ ଭିନ୍ନକ୍ଷମ ଶିଶୁଙ୍କ ଚିହ୍ନଟୀକରଣ ନିମନ୍ତେ ଧନକଉଡା ବ୍ଲକ କଳାମାଟି ପଞ୍ଚାୟତ ରାଜୀବ ଭବନଠାରେ ଗୁରୁବାର କର୍ଡୋଲା ସେକ୍ଟର ୧୬ ଅଂଗନବାଡୀ କର୍ମୀମାନଙ୍କୁ ନେଇ ଏକ ତାଲିମ ଶିବିର ଅନୁଷ୍ଠିତ ହୋଇଯାଇଛି I ବ୍ଲକ ସାମାଜିକ ସୁରକ୍ଷା ଅଧିକାରୀ କ୍ଷୀତିସୂତା ମେହେରଙ୍କ ସଂଯୋଜନାରେ ଅନୁଷ୍ଠିତ ତାଲିମ ଶିବିରରେ ଅତିଥି ଭାବରେ ଜ଼ିଲ୍ଲା ପରିଷଦ ସଭ୍ୟା ସଂଯୁକ୍ତା ପ୍ରଧାନ,ବ୍ଲକ ଉପାଧ୍ୟକ୍ଷା ସୁଷମା ସାହୁ, ସରପଞ୍ଚ ଶ୍ରୀହରୀ ନାଗ ଯୋଗଦାନ କରିଥିବାବେଳେ, ଜ଼ିଲ୍ଲା ସାମାଜିକ ସୁରକ୍ଷା ଅଧିକାରୀ ସନ୍ତୋଷ କୁମାର ନାୟକ,ସିଡିପିଓ ପୁଷ୍ପାଞ୍ଜଳୀ ମିଶ୍ର, ପରିଦର୍ଶିକା ବିଲାସିନି ନନ୍,ବିଆରପି ପୂଜାର୍ଚ୍ଚନା ମହାପାତ୍ର ଓ ପ୍ରଣତୀ ମିଶ୍ର ପ୍ରମୁଖ ଉପସ୍ଥିତ ଥିଲେ I ଆୟୋଜିତ ଶିବିରରେ ଶାରୀରିକ ଦୁର୍ବଳତା,ସ୍ନାୟୁଗତ ଦୁର୍ବଳତା,ଜ୍ଞାନଗତ ଦୁର୍ବଳତା,ବାଣୀ ଓ ଶ୍ରବଣ ଦୁର୍ବଳତା,ଦୃଷ୍ଟିଜନିତ ଦୁର୍ବଳତା, ରକ୍ତ ବ୍ୟାଧି ତଥା ବହୁବିଧ ଅକ୍ଷମତା ଭଳି ବିଭାଗ ସମ୍ବନ୍ଧରେ ବ୍ୟାପକ ଆଲୋଚନା ହୋଇଥିବାବେଳେ ଘର ଘର ଵୁଲି ଶିଶୁମାନଙ୍କୁ ଚିହ୍ନଟୀକରଣ କରି ତାଲିକାଭୁକ୍ତ କରିବାକୁ ଅଂଗନବାଡୀ କର୍ମୀଙ୍କୁ ପରାମର୍ଶ ଦିଆଯାଇଥିଲା।ଶେଷରେ ବିଏସଏସଓ ଧନ୍ୟବାଦ ଅର୍ପଣ କରିଥିଲେ I