06-Aug-2021

ଗୋଶାଳା(ସଂଜୀବପାଣିଗ୍ରାହୀଙ୍କରିପୋର୍ଟ): ସମ୍ବଲପୁର ଜ଼ିଲ୍ଲା ଧନକଉଡା ବ୍ଲକ କୁଦ ଗୁଣ୍ଡେରପୁର ପଞ୍ଚାୟତ ଗୁଣ୍ଡେରପୁର ଗ୍ରାମର କୈବଲ୍ୟ ରୋହିଦାସ (୪୫) କୀଟନାଶକ ପାନ କରି ଆତ୍ମହତ୍ୟା କରିଥିବା ଜଣାପଡିଛ I ଏ ନେଇ ବୁର୍ଲା ଥାନା ରେ କେସ ନଂ ୭୭୮/୨୦୨୧ ରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଥିବାବେଳେ, ଶବ ବ୍ୟବଛ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର ହୋଇଛି I ଏନେଇ କିଛି ଗଣମାଧ୍ୟମରେ ଚାଷୀ ଆତ୍ମହତ୍ୟା ବୋଲି ଖବର ପ୍ରସାରଣ ପରେ ପୋଲିସ ଘଟଣାର ତଦନ୍ତ କରିଥିଲା I ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁଯାଇ ମୃତ କୈବଲ୍ୟ ଜଣେ ଚାଷୀ ଥିବାବେଳେ, ଚାଷ କାର୍ଯ୍ୟ ପାଇଁ କର୍ଡୋଲା ସମବାୟ ସମିତି ରୁ ସମୁଦାୟ ୫୯ ହଜାର ୯୨୬ ଟଙ୍କା କରଜ କରିଥିବାବେଳେ,ସେ ପୂର୍ବର ସମସ୍ତ କରଜ ପରିଶୋଧ କରିଛି I ଖାଲି ଏତିକି ନୁହେଁ ସେ ଏକ ପାଓ୍ବାର ଟିଲର ପାଇଁ ମଧ୍ୟ ୭୨ ହଜାର ୯୮୯ ଟଙ୍କା ଋଣରେ ନେଇ ଠିକ ଭାବରେ କିସ୍ତି  ମଧ୍ୟ ପଇଠ କରିଆସୁଛନ୍ତି I ଚଳିତ ବର୍ଷ ଚାଷରେ ପ୍ରାୟ ୧.୫ ଏକର ଚାଷ ମଧ୍ୟ କରିଛନ୍ତି I ସେ ବୁଧବାର ରାତିରେ ଘରେ ନିଶାଶକ୍ତ ଅବସ୍ଥାରେ ପରିବାର ମଧ୍ୟରେ କଳହ କରି ଲଟାମରା ଔଷଧ ଖାଇ ଦେଇଥିଲେ I ପରିବାର ଲୋକେ ସାଙ୍ଗେ ସାଙ୍ଗେ ବୁର୍ଲା ଡାକ୍ତରଖାନା ନେଇଥିଲେ I ହେଲେ ଚିକିତ୍ସାଧିନ ଅବସ୍ଥାରେ କୈବଲ୍ୟର ମୃତ୍ୟୁ ଘଟିଥିବା ଜଣାପଡିଛି I