06-Aug-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ): ସାଧାରଣ ଲୋକଙ୍କ ପାଇଁ ହୋଇଥିବା ମନରେଗା ଯୋଜନାରେ ସାଙ୍ଘାତିକ ହରିଲୁଟ , ଗୋଟିଏ ପଞ୍ଚାୟତରେ ଲକ୍ଷ୍ୟଲକ୍ଷ୍ୟ ଟଙ୍କାର ହରିଲୁଟ l ସମସ୍ତଙ୍କ ଆଖିରେ ଆଙ୍ଗୁଠି ଗେଞ୍ଜି ବିଭାଗୀୟ ଅଧିକାରୀ ମାନେ ମନରେଗା ମହା ଘୋଟାଲା କରିଥିବା ଅଭିଯୋଗ ହୋଇଛି l ଯାହାର ରିଏଲିଟି ଜାଣିଲେ

ଆପଣବି ଚକିତ ହୋଇଯିବେ, ଆଗଲପୁର ବ୍ଲକ ତେନ୍ତୁଳିଖୁଣ୍ଟି ଗାଁର ଏକ ମନରେଗା ଦୁର୍ନୀତିର ଦୃଶ୍ୟ l ବାଟବଣା ମନରେଗା ଯୋଜନା ,ମନରେଗା ଯୋଜନାରେ ହରିଲୁଟ, ଏଭଳି ଅଭିଯୋଗ ଆସିଛି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକର  ତେନ୍ତୁଳିଖୁଣ୍ଟି ଗ୍ରାମରୁ l ଗାଁକୁ ପଶିଲେ ଆପଣ ଦେଖିବେ ଗୋଟିଏ ପୋଖରୀରେ ଦୁଇଟି ନାମ ଫଳକ, ହେଲେ କାମଘର ସୁନ l ଖଡ଼ିଆମୁଣ୍ଡା ପୋଖରୀର ଉନ୍ନତିକରଣ ପାଇଁ ମନରେଗାରେ ୧୦ ଲକ୍ଷର ଟଙ୍କାର  ଦୁଇଟି ଫଳକ ରହିଛି । ହେଲେ କୌଣସି ପ୍ରକଳ୍ପ ଫଳକରେ କାର୍ଯ୍ୟ ଆରମ୍ଭ ଓ କାର୍ଯ୍ୟ ଶେଷ ତାରିଖ ନାହିଁ l ଯାହାର ଗ୍ରାଉଣ୍ଡ ରୀୟଲିଟି ପରଖିଥିଲା ଆମ ଟିମ । ଗାଁର ଲୋକମାନେ ଗାଁ ପୋଖରୀ ଖନନ ହେବ ଦୁଇ ଦୁଇଟି ଗାଧୁଆ ପାହାଚ ନିର୍ମାଣ ହେବ ବୋଲି ଆନନ୍ଦରେ ଥିଲେ । କିନ୍ତୁ ଲୋକଙ୍କ ଆନନ୍ଦ     କେବଳ ଭାବନାରେ ରହିଗଲା । ନା ଭଲ ଭାବରେ ହେଲା ମାଟିକାମ ନା ହେଲା ଭଲ ଗାଧୁଅ ଘାଟର ପାହାଚ ନିର୍ମାଣ । ପାହାଚ ନିର୍ମାଣର ମାସଟିଏ ନ ପୁରୁଣୁ ପାହାଚରେ ଫାଟ ଦେଖା ଗଲାଣି । ମାଟିକାମ ନାମରେ ମାଟିକୁ ଛାଞ୍ଚୀ ମିଲିଭଗତ ଭାବରେ ଖାଇଗଲେ ୨୦ ଲକ୍ଷ୍ୟଟଙ୍କା l ମାଟି କାମରେ ଦୁର୍ନୀତି ହୋଇଥିବା ଜାଣି ଗ୍ରାମବାସୀ ପ୍ରକଳ୍ପ ନିର୍ଦ୍ଦେଶକଙ୍କ ଦ୍ୱାରସ୍ଥ ହୋଇଥିଲେ । ଦୁର୍ନୀତିର ସତ୍ୟାସତ୍ୟ ଜାଣିବା ପାଇଁ ଆଜି ପ୍ରଶାସନ ଗାଁରେ ପହଞ୍ଚି ତଦନ୍ତ ମଧ୍ୟ ଆରମ୍ଭ କରିଛି l କିନ୍ତୁ ପ୍ରଶାସନିକ ଅଧିକାରୀ ମନମୁଖୀ ଭାବରେ ତଦନ୍ତ କରୁଥିବା ଜାଣି ଗ୍ରାମବାସୀ ନାଖୁସ ହେବା ସହ ପାଟିତୁଣ୍ଡ କରିଥିଲେ l କିଛି ସମୟ ଘଟଣାସ୍ଥଳ ବେଶ ଚଳ ଚଞ୍ଚଳ ରହିଥିଲା l ପ୍ରଶାସନର ତଦନ୍ତ ଦେଖିଲେ ଆପଣ ବି ଆବାକ ହୋଇଯିବେ l  ପାଣି ରହିଥିବା ସ୍ଥାନକୁ  ପଶି ପ୍ରଶାସନ କିଭଳି ଆଣ୍ଠୁଏ ପାଣିରେ ଟେପ ଧରି ମେଜରମେଣ୍ଟ କରୁଥିଲେ l କଣ ପାଣି ଭିତରେ ମେଜେରର୍ମେଣ୍ଟ କରିବା କଣ ଠିକ l ବଡ ବଡ ଅନାବନା ଘାସ ଉଠିଥିବା ସ୍ଥାନରେ ବିଭାଗ ମେଜରମେଣ୍ଟ କରୁଛି l ଏହି ଠାରୁ ସ୍ପଷ୍ଟ ଭାବରେ ଜଣା ପଡୁଛି ଏଠି ମନରେଗା କାମରେ ସମ୍ପୂର୍ଣ୍ଣ ଘୋଟାଲା ହୋଇଛି ଏବଂ ସମସ୍ତ ବିଭାଗୀୟ ଅଧିକାରୀ ମିଲିଭଗତ ଭାବରେ ସରକାରୀ ଅର୍ଥ ଆତ୍ମସାତ କରିଛନ୍ତି l ତେବେ ଏହି ମହା ଘୋଟାଲା ସମ୍ପର୍କରେ ବିଭାଗୀୟ ପଞ୍ଚାୟତ ଅଧିକାରୀ ନିଜ ଉପରୁ ଦୋଷ 

ଖସାଉ ଥିଲା ବେଳେ ଉଚ୍ଚ ବିଭାଗୀୟ ଅଧିକାରୀ ତଦନ୍ତ ଚାଲୁଛି ବୋଲି ହାଲୁକା ଉତ୍ତର ରଖିଛନ୍ତି l  ମନରେଗା କାମର ମହା ଘୋଟାଲା ମୁଖ୍ୟ ଆସାମୀ ବୋଲି ଗ୍ରାମବାସୀ  ଅଭିଯୋଗ କରୁଥିବା ଗାଁ ସାଥି ସଂଯୁକ୍ତା ବିଶ୍ୱାଳ  ଓ  ପଞ୍ଚାୟତ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ହେବ ନା ଧର୍ମକୁ ଆଖିଠାର ଭଳି ତଦନ୍ତକାରୀ ଦଳ ଚୁପ ବସିବେ ତାହା ସାଧାରଣରେ ଅନେକ ପ୍ରଶ୍ନ ସୃଷ୍ଟି କରୁଛି l