06-Aug-2021

ସୁବର୍ଣ୍ଣପୁର,(ମନୋରଞ୍ଜନ ତ୍ରିପାଠୀ) : ସୋନପୁର ବ୍ଲକ ସ୍ଥିତ ସାଗରପାଲି ଗ୍ରାମର  ଗଙ୍ଗାଧର ମେହେର ପାଠାଗାର ପରିସରରେ ଜିଲ୍ଳା ସ୍ୱଳ୍ପ ସଂଚୟ ବିଭାଗ ତରଫରୁ ଆର୍ଥିକ ସାକ୍ଷରତା ଓ ଆର୍ଥିକ ଅନ୍ତର୍ଭୁକ୍ତି କରଣ ଶିବିର ସରକାରଙ୍କ କୋଭିଡ ମାର୍ଗଦର୍ଶିକା ପାଳନ ପୂର୍ବକ   ଅନୁଷ୍ଠିତ ହୋଇଯାଇଛି l ଜିଲ୍ଲା ସ୍ୱଳ୍ପ ସଂଚୟ ଅଧିକାରୀ ହରିଚରଣ ମିଶ୍ରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଶ୍ରୀ ମିଶ୍ର ଭାରତ ସରକାରଙ୍କ ଦ୍ୱାରା ପରିଚାଳିତ ବିଭିନ୍ନ ସଂଚୟ ଓ ବୀମା ଯୋଜନା ବିଷୟରେ ଉପସ୍ଥିତ ସମସ୍ତଙ୍କୁ ଅବଗତ କରାଇବା ସହ ଚିଟ ଫଣ୍ଡ କମ୍ପାନୀ ମାନଙ୍କ ଠାରୁ ଦୁରେଇ ରହିବା ପାଇଁ ପରାମର୍ଶ ଦେଇଥିଲେ l ଶିବିରରେ ୧୭ ଜଣ ଗ୍ରାମବାସୀ ନୂତନ ଭାବେ ସଂଚୟ ଖାତା ଖୋଲିବା ପାଇଁ ଫର୍ମ ପୂରଣ କରି ସ୍ୱଳ୍ପ ସଂଚୟ ଯୋଜନା କୁ ପ୍ରୋତ୍ସାହିତ କରିଥିବା ରୁ ବିଭାଗ ତରଫରୁ ବିଶେଷ ପ୍ରଶଂସା କରାଯାଇଥିଲା l ଶିବିରରେ ଗ୍ରାମବାସୀଙ୍କୁ ମାସ୍କ ସହ ସ୍ୱଳ୍ପ ସଂଚୟ ସ୍କିମ ର ପ୍ରଚାର ପତ୍ର ବଣ୍ଟନ କରି ଜିଲ୍ଲାରେ ସ୍ୱଳ୍ପ ସଂଚୟର ଉପାଦେୟତା ଓ ଜୀବନରେ ଏହାର ଜରୁରୀ ଆବଶ୍ୟକତା ଉପରେ ସଚେତନତା କରାଯାଇଥିଲା l ସ୍ୱଳ୍ପ ସଂଚୟ ମାଧ୍ୟମରେ ଗୋଟିଏ ପରିବାର ବା ଜଣେ ବ୍ୟକ୍ତି ନିଜେ ଆର୍ଥିକ  ସ୍ୱାବଲମ୍ବୀ ହେବା ସହ ପରୋକ୍ଷ ଭାବେ ଜିଲ୍ଳାର ଅଗ୍ରଗତିରେ ସହାୟକ ହୋଇଥାଏ, ଏଣୁ ସଂଚୟ ଯୋଜନା ଗୁଡିକୁ ଆପଣେଇବାକୁ ପରାମର୍ଶ ଦେଇଥିଲେ lଏହି ଶିବିର ରେ ସର୍ବ ଶ୍ରୀ କୃଷ୍ଣ ଚନ୍ଦ୍ର ନାୟକ, ଶାଖା ପରିଚାଳକ ଭାରତୀୟ ଡାକ ଦେୟ ବ୍ୟାଙ୍କ, ଗୁରୁଦେବ ମେହେର ସାମ୍ବାଦିକ, ସିକନ୍ଦର ସାମନ୍ତରାୟ, ଶାଖା ପୋଷ୍ଟ ମାଷ୍ଟର,, ଦୁଃଖୀଶ୍ୟାମ ସେଠୀ, ସଞ୍ଜୟ ବାରିକ, ସ୍ୱଳ୍ପ ସଂଚୟ ଅଭିକର୍ତା ଗୋପାଳ ମେହେର ତଥା ଗ୍ରାମବାସୀ ପ୍ରମୁଖ ଯୋଗଦାନ କରିଥିଲେ l କାର୍ଯ୍ୟକ୍ରମରେ ଗ୍ରାମର ଜୟନ୍ତ କୁମାର ମେହେର, ପବିତ୍ର ମେହେର, ଓ ଯଦୁ ମେହେର ସହଯୋଗ କରିଥିବାବେଳେ ଜିଲ୍ଲା ସ୍ୱଳ୍ପ ସଂଚୟ ଅଧିକାରୀ ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିବା ସହିତ ସ୍ୱଳ୍ପ ସଂଚୟ ଅଭିକର୍ତା ଶ୍ରୀ ଗୋପାଳ ମେହେର, ସାଗରପାଲିଙ୍କୁ ସ୍ୱଳ୍ପ ସଂଚୟ ଆଦାୟରେ ନିଷ୍ଠାପର ଓ ଆନ୍ତରିକ ସହ ନିଜର ଲକ୍ଷ୍ୟ ଧାର୍ଯ୍ୟ ପୂରଣ କରିଥିବାରୁ ବିଭାଗ ତରଫରୁ ପୁରସ୍କୃତ କରାଯାଇଥିଲା l