05-Aug-2021

ବିନିକା(ହିମାଂଶୁ ଶେଖର ପୂଟେଲ): ଆଜି ଅପରାହ୍ନରେ ଘରେ ଟିଭି ଦେଖୁଥିବା ବେଳେ ଏକ ବିଷାକ୍ତ ବିଷଧର ସାପ କାମୁଡାରେ ଜଣେ ୧୨ବର୍ଷ ନାବାଳକର ମୃତ୍ୟୁ ଘଟଣା ସାରା ବିନିକା ଅଞ୍ଚଳରେ ଶୋକର ଛାୟା ଖେଳି ଯାଇଛି l ଖବର ନେବାରୁ ଜଣାପଡିଛି ଯେ ବିନିକା ଥାନା ଅନ୍ତର୍ଗତ ବାଙ୍କିଘିରି ଡି ଗ୍ରାମର ସୁଶିଲ ଦାସଙ୍କ ପୁଅ ଚନ୍ଦନ ଦାସ ମଧ୍ୟାହ୍ନ ଭୋଜନ ଖାଇସାରି ବେଶ ହସଖୁସିରେ ଘରେ ଥିବା ଟିଭି ଦେଖୁଥିଲା l ଠିକ ଏହି ସମୟରେ କେଉଁ ଅଜଣା ବିଷାକ୍ତ ବିଷଧର ସାପ ତାକୁ କାମୁଡି ଚାଲି ଯାଇଥିଲା l ଫଳରେ ସେ ଚେତାଶୂନ୍ୟ ହୋଇ ପଡ଼ିଥିଲା l ପରିବାର ଲୋକେ ସଙ୍ଗେସଙ୍ଗେ ଚନ୍ଦନକୁ ଚିକିତ୍ସା ପାଇଁ ବିନିକା ଡାକ୍ତରଖାନାକୁ ଆଣି ଭର୍ତି କରିଥିଲେ l ହେଲେ ଡାକ୍ତର ଦେଖିବା ପରେ ତାକୁ ମୃତ ଘୋଷଣା କରିଥିଲେ l ଏତିକିରେ ତାର ଜୀବନ ଦୀପ ସବୁଦିନ ପାଇଁ ଲିଭିଯିବ କେହିବି ବିଶ୍ୱାସ କରି ନ ଥିଲେ l ତାର ମୃତ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି l ଏନେଇ ବିନିକା ଥାନାରେ ଏକ ଅପମୃତ୍ୟୁ ମାମଲା ଦାୟର ହୋଇଥିବା ବେଳେ ଆସନ୍ତାକାଲି ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ଡାକ୍ତରଖାନା ସୂତ୍ରରୁ ଜଣାପଡିଛି l