04-Aug-2021

ବଲାଙ୍ଗିର (ପ୍ରେରଣା ଖବର) : ଓଡିଶା ସରକାରଙ୍କ ଷ୍ଟାଫ୍ ସିଲେକ୍ସନ କମିଶନ ଏକ ଚାକିରୀ ବିକ୍ରି କମିଶନରେ ପରିଣତ ହୋଇଛି। ସରକାରୀ ନିଯୁକ୍ତିରେ ମେଧା ପରିବର୍ତ୍ତେ ଟଙ୍କା କାରବାର ମୁଖ୍ୟ ଯୋଗ୍ୟତା ହୋଇଛି। ଓଡିଶା ସରକାରରେ  ମୋ ସରକାର - 5T ସ୍ୱତନ୍ତ୍ର ବିଭାଗ ହେଲାପରେ ରାଜ୍ୟରେ ଅଧିକ ଦୁର୍ନୀତି ବଢିଛି ବୋଲି ଅଭିଯୋଗ କରିଛି ବିଜେପି ।ଏହି କ୍ରମରେ ଆଜି ବିଜେପି ଯୁବ ମୋର୍ଚ୍ଚା ପକ୍ଷରୁ ଜିଲ୍ଲାପାଳ ଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିବା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କୁଶପୁତ୍ତଳିକା ଦାହ କରାଯାଇଥିଲା l

ସରକାରଙ୍କ ଏହି ବିଭାଗ ସମସ୍ତ ଦୁର୍ନୀତି ଓ ଭ୍ରଷ୍ଟାଚାରକୁ ଆଇନସିଦ୍ଧ କରି ଦୁର୍ନୀତି ରେ ସମ୍ପୃକ୍ତ ପ୍ରଶାସନ ଅଧିକାରୀ ଓ  ଶାସକ ଦଳର ନେତାଙ୍କୁ ସୁରକ୍ଷା ଦେଉଛି ବୋଲି ବିଜେପି ନେତା ମାନେ ନିଜ ପ୍ରତିକ୍ରିୟାରେ କହିଛନ୍ତି ବିଜେପି ଜିଲ୍ଲା ସଭାପତି ଶିବାଜୀ ମହାନ୍ତିଙ୍କ ନେତୃତ୍ୱ ରେ ଅନୁଷ୍ଠିତ ଏହି ସମାବେଶରେ ଯୁବ ମୋର୍ଚା ସଭାପତି ସୁଶାନ୍ତ ଦାସ, ଉପସଭାପତି ଭୋଳାନାଥ ସାହୁ, ଜିଲ୍ଲା ସାଧାରଣ ସମ୍ପାଦକ ଅମିତ ସିଂ ନୀନା, ଜିଲ୍ଲା ଉପସଭାପତି ରାକେଶ ମିଶ୍ର, ବିଜେପି ନେତା ଅନନ୍ତ ଦାସ, ଦିନେଶ ଶର୍ମା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ନରସିଂହ ସିଂହ, ସୁଧାଂଶୁ ସାହୁ, ପବିତ୍ର ସାହୁ, ସୁଦୀପ ସା, ସୁନୀଲ ସେଠ୍, କଲ୍ୟାଣୀ ଆଡବlଙ୍କ, ଅନିତା ମିଶ୍ର, ରଶ୍ମି ଦର୍ଜି ଓ ଅନ୍ୟ ବିଜେପି କର୍ମକର୍ତ୍ତା ମାନେ ଏହି ବିକ୍ଷୋଭ ସମାବେଶ ରେ ସାମିଲ ଥିଲେ l