04-Aug-2021

ଲୋଇସିଂହା, (ପ୍ରେରଣା ଖବର): ବଲାଙ୍ଗୀର ଜିଲ୍ଲାର ଲୋଇସିଂହା ଅଞ୍ଚଳରେ ମାତିଛନ୍ତି ମୁରୁମ ମାଫିଆ ,ଦିନରାତି ୨୪ ଘଣ୍ଟା ବେଧଡକ ଭାବେ ଚାଲିଛି ମୁରୁମ ଲୁଟ l କେଉଁଠି ରାଜସ୍ବ ଖଣି ତ ଆଉ କେଉଁଠି ଜଙ୍ଗଲ ଜମିରୁ ବି ଲୁଟ ହେଉଛି ମୁରୁମ l ଏହା ଦ୍ୱାରା ଜଙ୍ଗଲର ଜୈବ ବିବିଧତା ମଧ୍ୟ ପ୍ରଭାବିତ ହେଉଛି l ତେବେ ମୁରୁମ ଲୁଟି ମାଫିଆ ମାନେ କୋଟି କୋଟି ଟଙ୍କା ରୋଜଗାର କରୁଥିବା ବେଳେ ପ୍ରଶାସନ କିନ୍ତୁ ନିରବ  । ମୁରୁମ ମାଫିଆଙ୍କ ଆଗରେ ପ୍ରଶାସନ ବି ହାର ମାନିଛି l ରାଜନୈତିକ ଛତ୍ରଛାୟା ତଳେ ରହି ଏସବୁ ଲୁଟ ଚାଲିଥିବାର ଅଭିଯୋଗ ହେଉଛି l ସରକାରଙ୍କ ଆଖିରେ ଧୂଳିଦେଇ ବଲାଙ୍ଗୀର ଜିଲ୍ଲା ଲୋଇସିଂହା ତହସିଲର ପଣ୍ଡରାଣୀ ଗାଁର ଛାତି ଉପରୁ ମୁରୁମ ଲୁଟି ନେଉଛନ୍ତି ମାଫିଆ l ସରକାରଙ୍କୁ ଟଙ୍କାଟିଏ ମଧ୍ୟ ରାଜସ୍ବ ଏଠାରୁ ମିଳୁନାହିଁ l ମାଗଣା ମୁରୁମକୁ ହଜାର ହଜାର ଟଙ୍କାର ବିକି ମାଲେମାଲ ହେଉଛନ୍ତି ମାଫିଆ l ସରକାରୀ ରାଜସ୍ବ ଜମିରୁ ବି ମୁରୁମ ଲୁଟି ନେଉଛନ୍ତି ମାଫିଆ l ତେବେ ଟାରଗେଟରେ ଏବେ ଲୋଇସିଂହା ଠାରୁ ଅଳ୍ପ ଦୂରରେ ଥିବା ପଣ୍ଡରାଣୀ ଗାଁର ଦୃଶ୍ୟ । ଭିଯୁଆଲରୁ ସ୍ପଷ୍ଟ ଜଣା ପଡୁଛି ଯେ କେମିତି ଚାରିଆଡେ ସବୁଜ ଜଙ୍ଗଲ ଥିଲା ଓ ବର୍ତ୍ତମାନ ଦେଖନ୍ତୁ ମୁରୁମ ଟାଡି କେମିତି ଜଙ୍ଗଲ ସଫା କାରା ଯାଉଛି l ରାତି ଅନ୍ଧାରରେ ମୁରୁମ ଚାଲାଣ କରାଯାଇଛି ସକାଳ ହେଲେ ଏଠି ସବୁ ବନ୍ଦ ହୋଇ ଜାଉଛି l ଆଉ ଏସବୁ ବଡ ବଡ ଗାତକୁ ଦେଖନ୍ତୁ ପୋଖରୀ ଭ୍ରମ ସୃଷ୍ଟି କରୁଥିବା ଚିତ୍ର ବାସ୍ତବରେ ମାଫିଆଙ୍କ ଦ୍ୱାରା ମୁରୁମ ଚାଲାଣରେ ହୋଇଥିବା ଗାତ l ପାଖରେ ଲାଗିଥିବା ଜଙ୍ଗଲକୁ ଲାଗି ରହିଛି ଏହି ଅଞ୍ଚଳ । ଏକର ଏକର ଜମିରୁ ମୁରୁମ ଲୁଟି ମାଲେମାଲ  ହେଉଛନ୍ତି ମାଫିଆ ।   ତେବେ ଏହି ଜଙ୍ଗଲ ଜମିରୁ ମୁରୁମ ଲୁଟ ହେବା ପରେ ଖାଲି ରାଜ୍ୟ ସରକାରଙ୍କ କ୍ଷତି ହେଉଛି ଏହା ସହ ଜଙ୍ଗଲ  ଜୈବ ବିବିଧତା ମଧ୍ୟ ନଷ୍ଟ ହେଉଛି l ଜଙ୍ଗଲ ପାଖରେ ବଡ ବଡ ଗାତ ପରେ ଏବେ ବିପଦରେ ବନ୍ୟଜନ୍ତୁ l ପାଖ ଜଙ୍ଗଲକୁ ଲାଗି ରହିଥିବାରୁ ଏ ଅଞ୍ଚଳରେ ବହୁ ବନ୍ୟଜନ୍ତୁ ଦେଖିବାକୁ ମିଳନ୍ତି l ଏ ଅଞ୍ଚଳରେ ହାତୀ ମାନେ ମଧ୍ୟ ବୁଲାବୁଲି କରନ୍ତି l ତେବେ ମାଫିଆ ମାନଙ୍କ ଏହି ଗାତରେ ଯଦି ସେମାନେ ପଡି ଯାଆନ୍ତି ତେବେ ଅବସ୍ଥା କଣ ହେବ ତାହା ସହଜରେ ଅନୁମାନ କରାଯାଉଛି l ଲୋଇସିଂହା ଅଞ୍ଚଳରେ ରାଜସ୍ବ ଜମି ଏବଂ ଜଙ୍ଗଲ ଜମି ଏମିତି ଲୁଟ ହେଉଛି କୋଟି କୋଟି ଟଙ୍କାର ମୁରୁମ l ଲୋଇସିଂହା ଛାତି ଉପରେ ମାଫିଆ ମାନଙ୍କର କାରନାମା ଉପରେ ରାଜ୍ୟ ସରକାରଙ୍କ ପାରିବା ପଣିଆ ଉପରେ ପ୍ରଶ୍ନ ଉଠାଉଛି l  ତେବେ ଏନେଇ ଆମେ ଲୋଇସିଂହା ତହସିଲଦାର ଦାଇତ୍ଵରେ ଥିବା ଆଡ଼ସିନାଲ ତହସିଲଦାର  ଅଶୋକ କୁମାର ମିଶ୍ରଙ୍କୁ ଭେଟିଥିଲୁ,  ଏନେଇ ଆଡ଼ସିନାଲ ତହସିଲଦାର ଲୋକଙ୍କ ସାମ୍ନାରେ ପ୍ରତିକ୍ରିୟା ଦେବାକୁ ରୋକଠୋକ ମନା କରିଥିଲେ l ଏଠାରେ ପ୍ରଶ୍ନ ଉଠୁଛି ତହସିଲରୁ ପାଞ୍ଚ କିଲୋମିଟର ଦୂରରେ ମୁରୁମ ଚୋରା ଚାଲାଣ ହେଉଥିବା ବେଳେ କାହିଁକି ସରକାରୀ ଅଧିକାରୀ ନିରବ ଅଛନ୍ତି l ମୁରୁମ ମାଫିଆଙ୍କ ସହ ଆଡ଼ସିନାଲ ତହସିଲଦାରଙ୍କ ବଡ ଡିଲ ହୋଇଛି କି ? ଏମିତି ଅନେକ ପ୍ରଶ୍ନ l