02-Aug-2021

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ଗୁରୁ ଶ୍ରୀ ସତ୍ୟ ନାରାୟଣ ବହିଦାର ଜନ୍ମଦିନ ଅବସରରେ ଅଗଷ୍ଟ ଏକ ତାରିଖ ରବିବାର ସମ୍ବଲପୁରୀ ଦିନ ପାଲିତ ହୋଇଛି I ଗୁରୁ ଶ୍ରୀ ସତ୍ଯ ନାରାୟଣ ବହିଦାର ଙ୍କର ଜନ୍ମ ଶତବାର୍ଷିକୀ ୨୦୧୨ ଠାରୁ ତାଙ୍କର ପବିତ୍ର ଜନ୍ମ ଦିନ କୁ "ସମ୍ବଲପୁରୀ ଦିନ" ଭାବରେ ପାଳନ କରି ଆସୁଛି ଅଞ୍ଚଳର ଅଗ୍ରଣୀ ସାମାଜିକ, ସାଂସ୍କୃତିକ, ସ୍ୱେଚ୍ଛାସେବୀ ଅନୁଷ୍ଠାନ ପଶ୍ଚିମାଞ୍ଚଳ ଏକତା ମଞ୍ଚ ।   ଚଳିତ ବର୍ଷ ମଧ୍ୟ କରୋନା ପରିସ୍ଥିତି ଯୋଗୁଁ ଖୋଲା ଆକାଶ ତଳେ  କାର୍ଯ୍ୟକ୍ରମ କରାଯାଇ ନଥିଲେ ମଧ୍ଯ ଉତ୍ସାହର ସହିତ ପାଲିତ ହୋଇଯାଇଛି ସମ୍ବଲପୁରୀ ଦିନ I ପଶ୍ଚିମ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ଆଜି ସକାଲଳେ ମାଁ ସମଲେଇଂକ ଠାରେ ପୁଜାର୍ଚନା କରାଯାଇ ସମ୍ବଲପୁରୀ ଦିନ ଆରମ୍ଭ କରାଯାଇ ଥିଲା। ଏହାପରେ ରୋଟାରୀ କ୍ଲବ୍ ପରିସରରେ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଥିଲା। ମଂଚର ଆବାହକ ଭବାନୀଶ ଭୋଇଂକ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ରେ ପଦ୍ମଶ୍ରୀ ଜିତେନ୍ଦ୍ର ହରିପାଲ, ରେଂଗାଲୀ ବିଧାୟକ ନାଉରି ନାୟକ, ପୁର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ,ଜିଲ୍ଲା ପରିଷଦ ଅଧ୍ଯକ୍ଷ ରାଧେଶ୍ୟାମ ମେହେର,ବିଜେଡି ଜିଲ୍ଲା ସଭାପତି ସିଦ୍ଧାର୍ଥ ଦାସ, ବିଜେପି ଜିଲ୍ଲା ସଭାପତି ଗିରିଷ ପଟେଲ, ଜିଲ୍ଲା ଓକିଲ ସଂଘ ସଭାପତି ଡା. ପ୍ରମୋଦ ରଥ, ସାଧାରଣ ସମ୍ପାଦକ ରବି ରଂଜନ ପୁଜାରୀ ପ୍ରମୁଖ ଅତିଥି ଭାବେର ଯୋଗ ଦେଇଥିଲେ।  ସମ୍ବଲପୁରୀ ଦିନ ଅବସରରେ ଦେବାର୍ଚ୍ଚନ ଠାକୁରଂକ ସମ୍ପାଦନାରେ ପ୍ରକାଶିତ ସମ୍ବଲପୁରୀ ପତ୍ରୀକା ସମ୍ବଲପୁରୀ ଝରନ, ସ୍ବୟଂ ପ୍ରକାଶ ପଣ୍ଡାଂକ ସମ୍ପଦନାରେ ଶିଶୁ ପତ୍ରୀକା ଆଲୋକ,ଚନ୍ଦ୍ରପ୍ରଭା କରଂକ ଦ୍ବାରା ଅନୁବାଦିତ ଏବଂ ସୁଖଦୁଂଖ ପବ୍ଲିକେସନ ଦ୍ବାରା ପ୍ରକାଶିତ ରାମାୟଣ ବାଲକାଣ୍ଡ ର ସମ୍ବଲପୁରୀ ଅନୁବାଦ, ଲକ୍ଷ୍ମୀ ନାରାୟଣ ପଣ୍ଡାଂକ ରଚିତ ଗିତି କବିତା ଗଜରା ଉନ୍ମୋଚିତ ହୋଇଥିଲା। ଏହାସହ ବିରୁପାକ୍ଷ ପ୍ରଧାନଂକ ନିର୍ଦ୍ଦେଶିତ ସମ୍ବଲପୁରୀ ସିନେମା ଜାଇଫୁଲର ଟ୍ରୀଜର ରିଲିଜ କରାଯାଇଥିଲା। ସମ୍ବଲପୁରୀ ଦିନ ଅବସରରେରେ ରାମାଶିଷ ତ୍ରୀପାଠୀଂକ ଲିଖିତ ଏବଂ ଗିରୀଜା ମିଶ୍ରଂକ ନିର୍ଦ୍ଦେଶିତ  ଉଆଁସୀ ରାତିର ତରା, ଏବଂ ଶାଶ୍ବତ ତ୍ରୀପାଠୀଂକ ସଂଗୀତ ନିର୍ଦ୍ଦେଶନାରେ ସମ୍ବଲପୁରୀ ଦିନ ଗୀତ ରିଲିଜ ହୋଇଥିଲା। ସମ୍ବଲପୁରୀ ଦିନ ଅବସରରେ ମାଁ ସମଲେଇଂକ ତୈଲଚିତ୍ର, ଗୁରୁ ସତ୍ଯ ନାରାୟଣ ବହିଦାର ଏବଂ ଗୁରୁ ଶ୍ରୀଧର ପ୍ରଧାନଂକର ତୈଲଚିତ୍ର ରେ  ପୁଷ୍ପମାଲ୍ୟ ଅର୍ପଣ କରାଯାଇଥିଲା। ସମ୍ବଲପୁରରେ ଦିର୍ଘ ଅଢେଇ ବର୍ଷ ହେବ ସ୍ମୁତି ଭବନ ନିର୍ମାଣ ଦିଗରେ ଜିଲ୍ଲା ପ୍ରଶାସନ ଅବରୋଧ ସ୍ରୁଷ୍ଟି କରୁଥିବାରୁ ଦଲମତ ନିର୍ବିଶେଷରେ ଦୁଖ ପ୍ରକାଶ କରାଯିବା ସହ ଶିଘ୍ର ଏ ଦିଗରେ ଜିଲ୍ଲା ପ୍ରଶାସନ ଦ୍ରୁଷ୍ଟି ଦେବାକୁ ଦାବୀ କରାଯାଇଥିଲା। ପ୍ରସାସନ ସ୍ମୁତି ସୁରକ୍ଷା ଦିଗରେ ଅନ୍ତରାୟ ସୃଷ୍ଟି କଲେ ସମ୍ବଲପୁରୀ ପ୍ରେମୀଙ୍କ ସହଯୋଗ ରେ ସ୍ମୁତି ପୀଠ ନିର୍ମାଣ ଦିଗରେ ପଦକ୍ଷେପ ନେବା ପାଇଁ ସହମତି ପ୍ରକାଶ ପାଇଥିଲା। ଏହି ଅବସରରେ କବି ମାନେ ସମ୍ବଲପୁରୀ କବିତା ପାଠ କରିବା ସହ ପଦ୍ମଶ୍ରୀ ଜିତେନ୍ଦ୍ର ହରିପାଲ ଗୀତ ପରିବେଷଣ କରିଥିଲେ। କାର୍ଯ୍ୟକ୍ରମ ଶେଷ ରେ ମୁଖ୍ଯ ସଂଯୋଜକ ମାନସ ରଂଜନ ବକ୍ସୀ ଧନ୍ଯବାଦ ଅର୍ପଣ କରିଥିଲେ। ଏହାପରେ ଦିନସାରା ଅନଲାଇନ୍ ରେ ସାଂସ୍କୃତିକ କାର୍ଯ୍ୟକ୍ରମ ପଶ୍ଚିମାଞ୍ଚଳ ଏକତା ମଂଚ ମଂଚ ପକ୍ଷରୁ ପରିବେଷଣ କରାଯାଇଥିଲା। କାର୍ଯ୍ୟକ୍ରମ ଆୟୋଜନ ରେ ଶାଖା ସଂଯୋଜକ ରାହୁଲ ଗୁପ୍ତା, ରାଜେଶ ସ୍ବାଇଁ, ଦେବାଶିଷ ବେହେରା, ଶଂକର ମେହେର, ଅଭିଷେକ ମହାରଣା, ଅମିତାଭ ମାଝୀ, ପଂକଜିନୀ ମେହେର, କାନ୍ତି ମେହେର, ସଂଯୁକ୍ତା ପ୍ରଧାନ, ସନ୍ତୋଷ ବଢାଇ କଲ୍ପନା ମିଶ୍ର, ଶୁଭମ ନାଥ ସୁବୋଧ ଦୋରା, ସୁଦାମ ମେହେର ,ଦେବୀ ପ୍ରସାଦ ଭୋଇ ପ୍ରମୁଖ ସହଯୋଗ କରିଥିଲେ।