01-Aug-2021

କଣ୍ଟାମାଳ (ପ୍ରେରଣା ଖବର ବ୍ୟୁରୋ) : କଣ୍ଟାମାଳ ବ୍ଲକ୍ ଆମ୍ବଗାଁ ପଞ୍ଚାୟତର ତେନ୍ତୁଳିଖୁଣ୍ଟି ଗ୍ରାମର ଯୁବକ ଅମେଳ ରଣା ନାମକ ଜଣେ ସମାଜସେବୀ ଚାଷ କାମ ଦେଖିବା ପାଇଁ ନିଜ ଜମିକୁ ଯାଇଥିବା ବେଳେ ଏକ ଅଚଳ ଲିପଟ ପଏଣ୍ଟ ର ବିଦ୍ୟୁତ୍ ଖୁଣ୍ଟରେ ଲାଗିଥିବା ସପୋଟିଙ୍ଗ ତାରକୁ ଛୁଇଁବାରୁ ମୃତ୍ୟୁରେ ଅଞ୍ଚଳରେ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି । ବିଦ୍ଯୁତ ବିଭାଗର ଅପାରଗତା ଯୋଗୁଁ ଏପରି ଘଟିଥିବା ଗ୍ରାମବାସୀ ଅଭିଯୋଗ 

 କରିବା ସହ ବିଦ୍ୟୁତ ବିଭାଗ ପକ୍ଷରୁ କେବୁଲ ପରିବର୍ତ୍ତନ କରା ନଗଲେ ଆଗାମୀ ଦିନରେ ଆହୁରି ବିପଦ ଥିବା ଆଶଙ୍କା କରିଛନ୍ତି । ତେବେ ଶବ ବ୍ୟବଛେଦ କଲେ ଗାଁରେ ଜାତି ହେବାକୁ ପଡିବ ଏହି ଭୟରେ ମୃତକଙ୍କ ଅସହାୟ ପରିବାର ଶବ ବ୍ୟବଛେଦ ନକରି  ତାଙ୍କର ଅନ୍ତିମ ସତ୍କାର କରିଦେଇଥିବା ଜଣାପଡିଛି।ଫଳରେ ତାଙ୍କ ମୃତ୍ୟୁ ପଛର ପ୍ରକୃତ କାରଣ ଏଥିପାଇଁ ଦାୟି କିଏ ତାର ତଦନ୍ତ 

ଅସମ୍ପୂର୍ଣ୍ଣ ହୋଇ ରହିଗଲା।ଏଥି ସହିତ ତାଙ୍କର ବିଧବା ପତ୍ନୀ ଓ ଏକମାତ୍ର ୭ବର୍ଷର ଛୋଟ ପୁଅ ପାଇଁ କ୍ଷତିପୂରଣ ରାଶି ମିଳିବାର ଯେଉଁ ସମ୍ଭାବନା ଟିକିଏ ଥିଲା ତାହା ମଧ୍ୟ ମଉଳିଗଲା ବୋଲି ସାଧାରଣରେ ଚର୍ଚ୍ଚା ଜୋର ଧରିଛି।