02-Aug-2021

ସମ୍ବଲପୁର, ନୂଆଦିଲ୍ଲୀ (ସଂଜୀବ ପାଣିଗ୍ରାହୀଙ୍କରିପୋର୍ଟ): କିଛି ଦିନ ପୂର୍ବରୁ କେନ୍ଦ୍ରମନ୍ତ୍ରୀ ମଣ୍ଡଳ ସମ୍ପ୍ରସାରଣ ଓ ମନ୍ତ୍ରୀ ଙ୍କ ବିଭାଗ ପରିବର୍ତ୍ତନ ରାଷ୍ଟ୍ରୀୟ ରାଜନୀତି ରେ ଏକ ହଇଚଇ ସୃଷ୍ଟି କରିଥିଲା । ବିଶେଷ କରି କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଙ୍କ କେନ୍ଦ୍ର ଶିକ୍ଷା ମନ୍ତ୍ରୀ ପଦବୀ ଅଳଙ୍କୃତ କରିବା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଥିଲା । ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦି ଜୀ ଙ୍କ କାର୍ଯ୍ୟକାଳ ଆରମ୍ଭରୁ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଙ୍କୁ ବିଭିନ୍ନ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟ ନ୍ୟସ୍ତ କରିଛନ୍ତି ।
       କୌଣସି ରାଷ୍ଟ୍ର ର ଭବିଷ୍ୟତ ହେଉଛନ୍ତି ଯୁବକ ଓ ଛାତ୍ର ସମାଜ ଏବଂ ରାଷ୍ଟ୍ରର ସର୍ବାଙ୍ଗୀନ ଉନ୍ନତି, ପ୍ରଗତି ଓ ବିକାଶ ର ମୂଳଦୁଆ ହେଉଛି ଶିକ୍ଷା । ତେଣୁ, ବର୍ତ୍ତମାନ ସମଗ୍ର ଦେଶରେ ଶିକ୍ଷା ବ୍ୟବସ୍ଥା କୁ ଏକ ଭିନ୍ନ ଦିଗନ୍ତ ଓ ନୂତନ ରୂପ ଦେବାର ପରିକଳ୍ପନା କରିଛନ୍ତି ମାନ୍ୟବର ପ୍ରଧାନମନ୍ତ୍ରୀ । ତେଣୁ ବିଗତ ଦିନରେ ନିଜର କାର୍ଯ୍ୟଦକ୍ଷତା ଓ କାର୍ଯ୍ୟଶୈଳୀ କୁ ଉଚ୍ଚକୋଟୀର ଓ ମୁଲ୍ୟଭିତ୍ତିକ ଭାବରେ ଚରିତାର୍ଥ କରିଥିବା ଶ୍ରୀଯୁକ୍ତ ପ୍ରଧାନ ଙ୍କୁ ଶିକ୍ଷା ମନ୍ତ୍ରଣାଳୟ ର ଗୁରୁଦାୟିତ୍ୱ ନ୍ୟସ୍ତ କରିଛନ୍ତି ମାନ୍ୟବର ପ୍ରଧାନମନ୍ତ୍ରୀ । ଶ୍ରୀଯୁକ୍ତ ପ୍ରଧାନ ନୂତନ ବିଭାଗ ର ଦାୟିତ୍ୱ ଗ୍ରହଣ କଲା ପରେ ଅନେକ ନେତା ମନ୍ତ୍ରୀ ସାଂସଦ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
      ଏହି ମର୍ମରେ ରେଙ୍ଗାଲି ର ମାନ୍ୟବର ବିଧାୟକ ତଥା ଓଡିଶା ପ୍ରଦେଶ ବିଜେପି ର ଉପସଭାପତି ଶ୍ରୀଯୁକ୍ତ ନାଉରି ନାଏକ ଗତ ସପ୍ତାହ ରେ ତାଙ୍କର ନୂଆଦିଲ୍ଲୀ ଗସ୍ତ ସମୟରେ କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଙ୍କୁ ସାକ୍ଷାତ କରିଥିଲେ । ନୂତନ ଦାୟିତ୍ୱ ଗ୍ରହଣ ର ଶୁଭେଚ୍ଛା ଅଭିନନ୍ଦନ ଜ୍ଞାପନ କରି ତାଙ୍କର ଉଜ୍ବଳ ଭବିଷ୍ୟତ ପାଇଁ ଶୁଭକାମନା ଜଣେଇଥିଲେ ।
         ପଶ୍ଚିମାଞ୍ଚଳ ର ବିଭିନ୍ନ କେନ୍ଦ୍ରୀୟ ଶିକ୍ଷାନୁଷ୍ଠାନ ଓ ତତ୍ ସଙ୍ଗେ ସଙ୍ଗେ ଅନ୍ୟାନ୍ୟ ଶିକ୍ଷା ବ୍ୟବସ୍ଥା ସମ୍ପର୍କିତ ବିଷୟ ସମସ୍ୟା ବିଷୟରେ ଅବଗତ କରାଇଥିଲେ । ସାକ୍ଷାତକାର ସମୟରେ ପ୍ରଦେଶ ବିଜେପି ର ଅନେକ ସାଂଗଠନିକ ସଂରଚନା ବିଷୟରେ ମଧ୍ୟ ଆଲୋଚନା ହୋଇଥିଲା ବୋଲି କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ସୂଚନା ଦେଇଛନ୍ତି ।