29-Jul-2021

ବଲାଙ୍ଗୀର (ପ୍ରେରଣା ଖବର) : ଆଜି ଗୁରୁବାର ଦିବା ୪ ଘଣ୍ଟା ସମୟରେ ସର୍ବ ଭାରତୀୟ ପ୍ରାଥମିକ ଶିକ୍ଷକ ଫେଡରେଶନ , ପଶ୍ଚିମ ଓଡ଼ିଶା , ବଲାଙ୍ଗୀର ଜିଲ୍ଲା ର ମାସିକ କାର୍ଯ୍ୟକାରିଣୀ ବୈଠକ ସଂଗଠନ ର ଗଣମାଧ୍ୟମ ସଂଯୋଜକ , ବନମାଳୀ ସାହୁ ଙ୍କ ଆୟୋଜନ କ୍ରମେ ଭର୍ଚୁଆଲ ମୋଡ଼ ରେ ଅନୁଷ୍ଠିତ ହୋଇଯାଇଛି । ସଙ୍ଗଠନ ସଭାପତି ଦେବଦତ୍ତ ମେହେର ଙ୍କ ସଭାପତିତ୍ବ ରେ ଏହି ବୈଠକ ଅନୁଷ୍ଠିତ ହୋଇଥିଲା । ବୈଠକ ର ପ୍ରାରମ୍ଭରେ ସଙ୍ଗଠନ ର ସମ୍ପାଦକ ହରେକୃଷ୍ଣ ରଥ ପ୍ରାରମ୍ଭିକ ସୂଚନା ସହ ସ୍ବାଗତ ଭାଷଣ ଦେଇଥିଲେ । ସଙ୍ଗଠନ ର ବରିଷ୍ଠ ଉପଦେଷ୍ଟା ଇନ୍ଦୁ ଡାଙ୍ଗ ବୈଠକ ର ନିୟମାବଳୀ ଓ ଉଦ୍ଦେଶ୍ୟ ବିଷୟରେ ସମସ୍ତଙ୍କୁ ଅବଗତ କରାଇଥିଲେ । 
   ବୈଠକରେ ବିଶିଷ୍ଟ ସଦସ୍ୟ/ସଦସ୍ୟା ଭାରତ ମହାକୁର, ତପନ କୁମାର ଦାସ, ବିଶ୍ୱ ମୋହନ ମିଶ୍ର , ଦୁର୍ଯୋଧନ ପଶାୟତ, ପ୍ରତାପ ତ୍ରିପାଠୀ , ସବିତା ମହାର, ଅନୁପମା ପ୍ରହରାଜ, ତୁଷାର କର୍ମୀ, ଜାନକିରାମ ସାମବେଦମ୍, ଅନିଲ କୁମାର ରଣା ପ୍ରମୁଖ ଯୋଗ ଦେଇ ନିଜ ନିଜ ବ୍ଲକ୍ ମାନଙ୍କର ଶିକ୍ଷକ ସମସ୍ୟା ଉପସ୍ଥାପନ କରିଥିଲେ । ସମସ୍ତ ଶିକ୍ଷକ ସମସ୍ୟାଗୁଡ଼ିକୁ ସଙ୍ଗଠନ ର ପ୍ରତିନିଧି ମାଧ୍ୟମରେ ଜିଲ୍ଲା ଓ ବ୍ଲକ୍ ପ୍ରଶାସନ ସମ୍ମୁଖରେ ଦାବି ଉପସ୍ଥାପନ କରିବା ପାଇଁ ନିଷ୍ପତ୍ତି ଗ୍ରହଣ କରିଥିଲେ । ଏହା ସହ ଶିକ୍ଷକ ମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇ ସମସ୍ତ ତଥ୍ୟ ର ସମାଧାନ ପାଇଁ ସରକାର ଙ୍କ ଠାରେ ଦାବି କରିବାକୁ ମଧ୍ୟ ନିଷ୍ପତ୍ତି ନିଆଯାଇଥିଲା । 
   ଶେଷରେ ବନମାଳୀ ସାହୁ ନିଜ ମତାମତ ପ୍ରଦାନ ପୂର୍ବକ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।