29-Jul-2021

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ଧନକଉଡ଼ା ବ୍ଲକ ଵିଇଓ଼ କାର୍ଯ୍ୟାଳୟ ର ମୁଖ୍ୟକିରାଣି ଦିଲୀପ କୁମାର ଦେବଙ୍କ ଘରେ ଓ କାର୍ଯ୍ୟାଳୟରେ ମଙ୍ଗଳବାର ଭିଜିଲାନ୍ସ ଚଢ଼ଉ ହୋଇଥିଲା । ତାଙ୍କ ନାମରେ ପୂର୍ବରୁ ଦୁର୍ନୀତି ଅଭିଯୋଗ ରହିଥିବାରୁ ମଙ୍ଗଳବାର ସକାଳୁ ଭିଜିଲାନ୍ସ ବିଭାଗର ୨ଟି ଦଳ ତାଙ୍କର ସ୍ଥାନୀୟ ସାକ୍ଷୀପଡା ଘରେ ଏବଂ ବ୍ଲକ କାର୍ଯ୍ୟାଳୟରେ ଚଢ଼ଉ କରିଥିଲେ। ଭିଜିଲାନ ବିଭାଗର ୩ ଜଣ ଡିଏସପି, ୩ ଜଣ ଇନ୍ସପେକ୍ଟରଙ୍କୁ ନେଇ ୨ଟି ଦଳ ଗଠନ କରାଯାଇଥିଲା I ସାକ୍ଷୀପଡା ସ୍ଥିତ ଜମି ଓ ୩ ମହଲା ଘରର ମୂଲ୍ୟ ୪୯ ଲକ୍ଷ ୧୧ ହଜାର ୨୭୦ ଟଙ୍କା, ବିଭିନ୍ନ ମୂଲ୍ୟବାନ ଘରକରଣା ସାମଗ୍ରୀ ସମେତ ସୁନା ଗହଣା ଓ ଅଳଙ୍କାରର ମୂଲ୍ୟ ୧୯ ଲକ୍ଷ ୩ ହଜାର ୪୮୫ ଟଙ୍କା, ଗୋଟିଏ କାର ଓ ସ୍କୁଟର ୮ ଲକ୍ଷ ୨ ହଜାର ୫୦ ଟଙ୍କା, ବିଭିନ୍ନ ବ୍ୟାଙ୍କରେ ଜମା ରାଶି ୨ ଲକ୍ଷ ୪୩ ହଜାର ୧୫୫ ଟଙ୍କା ଏବଂ ନଗଦ ୧୯ ହଜାର ୫୮୦ ଟଙ୍କା ସମେତ ସମୁଦାୟ ୭୮ ଲକ୍ଷ ୭୯ ହଜାର ୫୪୦ ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତି ଭିଜିଲାନ୍ସ ବିଭାଗ ଠାବ କରିଛି। ଏହାବାଦ୍ ବିଭିନ୍ନ ବୀମା କମ୍ପାନୀରେ ୬ ଲକ୍ଷ ୪୧ ହଜାର ୧୫୦ ଟଙ୍କା ପଇଠ କରାଯାଇଛି। ଭିଜିଲାନ୍ସ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ସମସ୍ତ ବିଷୟକୁ ଯାଞ୍ଚ କରାଯାଉଛି ବୋଲି ସମ୍ବଲପୁର ଭିଜିଲାନ୍ସ ଏସପି ସୂଚନା ଦେଇଛନ୍ତି I