28-Jul-2021

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ଆଜି ସମ୍ବଲପୁର ବିଜେପି ପକ୍ଷରୁ ଭୀମସାର ରେ ଏକମୋ ମେସିନ ସ୍ଥାପନ ପାଇଁ ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଥିଲା I ଏହି ଅବସରରେ କଚେରୀ ରୋଡ଼ ସ୍ଥିତ ଦଳୀୟ କାର୍ଯ୍ୟାଳୟରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ରାଜ୍ୟ ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ ବିଜେପି କର୍ମୀ । ରାଜ୍ୟପାଳଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଥିବା ଦାବିପତ୍ର ରେ ଭୀମସାରକୁ ସମ୍ପୁର୍ଣ୍ଣ ସ୍ବୟଂଶାସିତ କ୍ଷମତା ପ୍ରଦାନ କରିବା, ଭୀମସାର ରେ ଏକମୋ ମେସିନ ଲଗେଇବା, ରାଜ୍ୟ ବଜେଟ ରେ ଭୀମସାର ପାଇଁ ସ୍ୱତନ୍ତ୍ର ପାଣ୍ଠି ବ୍ୟବସ୍ଥା କରାଯିବା, ଆଇ.ସି.ୟୁ ଶଯ୍ୟା ସଂଖ୍ୟା ବୃଦ୍ଧି କରିବା, ଜିଲ୍ଲା ମୁଖ୍ୟ ଚିକିତ୍ସାଳୟ ସମେତ ସମସ୍ତ ପି.ଏଚ.ସି, ସି.ଏଚ.ସି ରେ ଡାକ୍ତର, ସ୍ୱାସ୍ଥ୍ୟ କର୍ମୀ ପଦପଦବୀ ପୂରଣ କରିବା, ଭୀମସାର ରେ କର୍କଟ ରୋଗ, ସ୍ନାୟୁ ରୋଗ, ଯକୃତ ରୋଗ, ହୃଦ ରୋଗ ଭଳି ଜଟିଳ ଓ ବଡ ରୋଗ ର ସମ୍ପୂର୍ଣ୍ଣ ଚିକତ୍ସା ସୁବିଧା ଯୋଗେଇବା ଭଳି ଅନେକ ସମସ୍ୟା ର ଶୀଘ୍ର ଓ ସ୍ଥାୟୀ ସମାଧାନ ଉଲ୍ଲେଖ ରହିଛି । ଜିଲ୍ଲା ସଭାପତି ଗିରିଷ ପଟେଲ ଙ୍କ ନେତୃତ୍ୱରେ ହୋଇଥିବା ଆଜିର ଏହି କାର୍ଯ୍ୟକ୍ରମ ରେ ପୂର୍ବତନ ବିଧାୟକ ରବି ନାରାୟଣ ନାଏକ, ଦେବେନ୍ଦ୍ର ମହାପାତ୍ର, ରାମ ଚନ୍ଦ୍ର ମେହେର,ଜିଲ୍ଲା ସାଧାରଣ ସମ୍ପାଦକ ଅନିଲ ବେହେରା, କ୍ଷେତ୍ରିୟ ପ୍ରବକ୍ତା ମାନସ ରଞ୍ଜନ ବକ୍ସି,  ଜିଲ୍ଲା ଯୁବ ମୋର୍ଚ୍ଚା ସଭାପତି ଅଶ୍ୱିନୀ ମାଝୀ, ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ଅନ୍ନପୂର୍ଣ୍ଣା ବାରିକ, କର୍ଣ୍ଣେଲ ପ୍ରଭାତ ପଣ୍ଡା, ଡା. ପ୍ରଭାସ ଦେବତା, ମିଲନ ମହାରଣା, ଶିବ ନାରାୟଣ ବେହେରା, ଶିବରାମ ସାହୁ, ସୌମିତ୍ର ଜତି, ଟୁକୁ ମହାନ୍ତି,  ସୁଦୀପ ପରିଡା, କମାଲଜିତ ସିଂ, ସୁମନ ପରିଚ୍ଛା, ଅପୁ ବେହେରା, ପ୍ରଭାସିନୀ ଦାଶ, ସୁବର୍ଣ୍ଣ କୁଅଁର, ଲକ୍ଷ୍ମୀ ଜେନା, ଭବାନୀ ଦୁସର, ମଞ୍ଜୁଲା ଓରାମ, ସେବତୀ ପଟ୍ଟନାୟକ ପ୍ରମୁଖ ସାମିଲ ଥିଲେ ।