29-Jul-2021

 ନୟାଗଡ଼, (ପ୍ରଦୀପ କୁମାର ପଣ୍ଡା) ଅନନ୍ୟା ଫାଉଣ୍ଡେସନ ତରଫରୁ ପ୍ରତି ମାସ ଭଳି ଏ ମାସରେ ମଧ୍ୟ ଅନନ୍ୟା ଫାଉଣ୍ଡେସନର ପୋଷ୍ୟ ସନ୍ତାନ କୁନି ଝିଅ ଆଦ୍ୟାସା ପାଖରେ ପହଞ୍ଚିଲା ମାସକର ଖାଦ୍ୟ ଓ ଔଷଧ। ମାଳିସର ଗ୍ରାମର କୁନି ଝିଅ ଆଦ୍ୟାସା ପାଇଁ ପ୍ରତି ମାସରେ ମାସକର ପୃଷ୍ଟିକର ଶିଶୁ ଖାଦ୍ୟ ଓ ଆବଶ୍ୟକ ଅନୁସାରେ ଔଷଧ ପହଞ୍ଚୁଛି। କୁନି ଝିଅ ଆଦ୍ୟାସା ବ୍ରେନ ଇନଫେକ୍ସନରେ ପୀଡ଼ିତ। ଅନନ୍ୟାଫାଉଣ୍ଡେସନ ତରଫରୁ ଚିକିତ୍ସା କରାଯିବା ସହିତ ସମସ୍ତ ଖର୍ଚ୍ଚ ବହନ କରାଯାଇଥିଲା। ଏବେ ଡାକ୍ତରଙ୍କ ପରାମର୍ଶ ଅନୁସାରେ ଔଷଧ ଜାରି ରହିଛି। କୁନି ଝିଅର ଏଭଳି ରୋଗଗ୍ରସ୍ତ ଅବସ୍ଥାରେ ଜନ୍ମ କଲା ମା’ ଝିଅକୁ ଛାଡ଼ି ଦେଇ ତାର ବାପଘରକୁ ଚାଲି ଯାଇଛି। ତେଣୁ ମା ବିନା ଦେଢ଼ ବର୍ଷର କୁନି ଝିଅର ଚିକିତ୍ସାରେ ବାଧକ ଉପୁଜୁଚି। ବାପା ଅଣ୍ଟା ଜନିତ ରୋଗରେ ଶିକାର ହୋଇ ଏବେ ରୋଜଗାର ବିହୀନ ହୋଇଥିବା ବେଳେ ଶିଶୁ କନ୍ୟାର ବୋଝରେ ମାନସିକ ସ୍ତରରେ ଭାଙ୍ଗିପଡିଛନ୍ତି । ତେଣୁ ଅନନ୍ୟା ଫାଉଣ୍ଡେସନ କୁନି ଝିଅକୁ ନିଜର ପୋଷ୍ୟ ସନ୍ତାନ ଭାବେ ଗ୍ରହଣ କରି ପ୍ରତି ମାସରେ ଶିଶୁ ଖାଦ୍ୟ ଓ ଔଷଧ ଯୋଗାଉଛି। ଏ ମାସରେ ଅନନ୍ୟା ଫାଉଣ୍ଡେସନର ସଦସ୍ୟ ଜୀବନ ଜ୍ୟୋତି କୁନି ଝିଅ ପାଖରେ ପହଁଚି ଖାଦ୍ୟ ପ୍ରଦାନ କରିଥିଲେ।