26-Jul-2021

ଆଗଲପୁର, (ବିନୋଦ କୁମାର ଦୀପ): ଆଗଲପୁର ବ୍ଲକ ଭରସୁଜା ପଂଚାୟତ କଲ୍ୟାଣମଣ୍ଡପ ଠାରେ ପଶ୍ଚିମଓଡିଶା  ହିନ୍ଦୁ ଯୁବବାହିନୀ ତରଫରୁ କାର୍ଗିଲ ବିଜୟ ଦିବସ ସ୍ମୃତିଚାରଣ ଅନୁଷ୍ଠିତ ହୋଇଯାଇଛି l ହିନ୍ଦୁ ଯୁବବାହିନୀ ପଶ୍ଚିମ ଓଡିଶା ସଭାପତି ପର୍ଶୁରାମ ସରାଫଙ୍କ ନେତୃତ୍ୱରେ ସଭାପତି ପୂର୍ବତନ ମହାବିଦ୍ୟାଳୟ ଅଧ୍ୟକ୍ଷ ଧନଞ୍ଜୟ ସାହୁ ଲାଲବହାଦୁର ଶାସ୍ତ୍ରୀଙ୍କ ଜୟ ଯବାନ ଜୟ କିସାନର ନାରାକୁ ଦୋହରାଇଥିଲେ ଓ ଯବାନ ମାନଙ୍କ ପରିବାରଙ୍କୁ ସମବେଦନା ଜଣାଇଛନ୍ତି l ସଭା ପରିଚାଳକ ମଦନମୋହନ ପାତ୍ରଙ୍କ ଉଦେଶ୍ୟରେ କାର୍ଗିଲ ଯୁଦ୍ଧରେ ପାକିସ୍ତାନ ସେନାକୁ ଧୂଳିସାତ କରି ୨୨ ଜଣ ଭାରତୀୟ ସେନା ପ୍ରାଣ ହରାଇଥିବା ସ୍ମୃତିକୁ ଦୋହରାଇ ଯବାନ ଆମର ରହେର ନାରା ଦେଲେ  l ମଂଚାସୀନ ଆନନ୍ଦ ପାତ୍ର, ରାଜକୁମାର ସେଠ୍ ସହ ଗ୍ରାମର ଅନେକ ଲୋକ ଉପସ୍ଥିତ ଥିଲେ l ସଭା ଶେଷରେ ବୃକ୍ଷରୋପଣ କାର୍ଯ୍ୟକ୍ରମ କରି କାର୍ଯ୍ୟ ସମାପ୍ତ କରାଯାଇଥିଲା l